ເມື່ອບໍ່ດົນມານີ້, ພະແນກການເງິນ ແລະ ຫ້ອງວ່າການ ແຂວງຫົວພັນ ໄດ້ຈັດພິທີປະກາດການຈັດຕັ້ງ ໂດຍການເປັນປະທານຂອງ ທ່ານ ວັນໄຊ ແພງຊຸມມາ ເຈົ້າແຂວງຫົວພັນ, ມີບັນດາທ່ານຄະນະປະຈຳພັກແຂວງ, ຫົວໜ້າ-ຮອງຫົວໜ້າພະແນກການ ອ້ອມຂ້າງ ແລະ ທຽບເທົ່າ ພ້ອມດ້ວຍພະນັກງານ-ລັກຖະກອນ ຂະແໜງການເງິນ ເຂົ້າຮ່ວມ.
ພິທີດັ່ງກ່າວ, ໄດ້ຜ່ານຂໍ້ຕົກລົງສະບັບເລກທີ 5115 ຂອງກະຊວງການເງິນ ລົງວັນທີ 13 ຕຸລາ 2021 ວ່າດ້ວຍ ການຍົກຍ້າຍ ແລະ ແຕ່ງຕັ້ງພະນັກງານຮັບໜ້າທີ່ໃໝ່ ຢູ່ພາສີປະຈຳແຂວງຫົວພັນ ຄື:
- ທ່ານ ໄມແກ້ວ ນໍລະສິ່ງ ຫົວໜ້າດ່ານພາສີສາກົນນ້ຳໂສຍ ໄປຮັບໜ້າທີ່ໃໝ່ເປັນ ຫົວໜ້າພາສີປະຈຳແຂວງຫົວພັນ
- ທ່ານ ເອືອງທິດ ອາລຸນທອງ ຈາກຮອງດ່ານສາກົນນ້ຳກັ່ນ ແຂວງຊຽງຂວາງ ເປັນ ຮອງຫົວໜ້າພາສີປະຈຳແຂວງຫົວພັນ
- ທ່ານ ໄມນິດ ພູມະນີວົງ ຮອງກອງຄຸ້ມຄອງພາສີ IV ຫົວໜ້າກອງກວດກາພາສີປະຈຳແຂວງຫົວພັນ ເປັນ ຫົວໜ້າດ່ານສາກົນນ້ຳໂສຍ
- ທ່ານ ໂອສາ ມະນີເລີດ ເປັນ ຮອງດ່ານພາສີສາກົນນ້ຳໂສຍ
- ທ່ານ ຄຳໃບ ຫຼອດໂພໄຊ ຮອງກອງກວດກາພາສີ ເປັນ ຮອງດ່ານພາສີສາກົນນ້ຳໂສຍ
ຂໍ້ຕົກລົງສະບັບເລກທີ 5318/ກງ ວ່າດ້ວຍ ການຍົກຍ້າຍພະນັກງານສ່ວຍສາອາກອນ ປະຈຳແຂວງຫົວພັນ ໄປປະຈຳການຢູ່ພະແນກການໃໝ່ຂອງແຂວງຫົວພັນ ໃນນີ້ໄດ້ຍົກຍ້າຍ:
- ທ່ານ ມິຈວນ ພົມເມືອງງາ ຫົວໜ້າສ່ວຍສາອາກອນ ປະຈຳແຂວງຫົວພັນ ໄປປະຈຳການຢູ່ ພະແນກການໃໝ່ຂອງແຂວງ
ຜ່ານຂໍ້ຕົກລົງ ສະບັບເລກທີ 308/ຄປຈຂ.ຫພ, ລົງວັນທີ 16 ພະຈິກ 2021 ວ່າດ້ວຍ ການບົງຕົວແຕ່ງຕັ້ງ ຄະນະພັກຮາກຖານພະແນກການເງິນ ແຂວງຫົວພັນ ຈຳນວນ 2 ສະຫາຍ ຄື:
- ສະຫາຍ ລຸນທອງ ເພັດໄຊສົມພັນ ແລະ ສະຫາຍ ສີສຸພັນ ແພງຄຳມີ
ຂໍ້ຕົກລົງສະບັບເລກທີ 1238/ຈຂ.ຫພ, ລົງວັນທີ 4 ພະຈິກ 2021 ວ່າດ້ວຍ ການແຕ່ງຕັ້ງຮອງພະແນກການເງິນ ແຂວງຫົວພັນ ໂດຍໄດ້ແຕ່ງຕັ້ງ ທ່ານ ລຸນທອງ ເພັດໄຊສົມພັນ ເປັນ ຮອງຫົວໜ້າພະແນກການເງິນແຂວງ ແລະ ຂໍ້ຕົກລົງວ່າດ້ວຍການຍົກຍ້າຍພະນັກງານສ່ວຍສາອາກອນແຂວງ ໄປປະຈຳການຢູ່ພະແນກການໃໝ່ຂອງແຂວງຕື່ມອີກ.
ພ້ອມນີ້, ກອງປະຊຸມຍັງໄດ້ຜ່ານຂໍ້ຕົກລົງວ່າດ້ວຍ ການແຕ່ງຕັ້ງ ທ່ານ ອິນທອງ ພີມມະສານ ມາເປັນ ຫົວໜ້າຄັ້ງເງິນ ປະຈຳແຂວງຫົວພັນ ແລະ ຜ່ານຂໍ້ຕົກລົງຂອງ ກະຊວງການເງິນ ສະບັບເລກທີ 5112 ແລະ 5113 ວ່າດ້ວຍ ການອະນຸມັດໃຫ້ພະນັກງານ-ລັດຖະກອນ ພັກການຮັບອຸດໜູນບຳນານ ຈຳນວນ 2 ທ່ານ ຄື:
- ທ່ານ ນາງ ແຕ່ງ ແກ້ວບຸນເຮືອງ ຫົວໜ້າຄັ້ງເງິນ ປະຈຳແຂວງ
- ທ່ານ ນາງ ຫອມ ພະນັກງານຄັ້ງເງິນ ປະຈຳແຂວງຫົວພັນ
