ໜ້າຫຼັກ ຂ່າວທ້ອງຖິ່ນ ເມືອງດາກຈຶງ ເຊື່ອມຊຶມວາລະແຫ່ງຊາດ ວ່າດ້ວຍການສະກັດກັ້ນ ແລະ ແກ້ໄຂບັນຫາຢາເສບຕິດ ຂ່າວທ້ອງຖິ່ນ ເມືອງດາກຈຶງ ເຊື່ອມຊຶມວາລະແຫ່ງຊາດ ວ່າດ້ວຍການສະກັດກັ້ນ ແລະ ແກ້ໄຂບັນຫາຢາເສບຕິດ By Kaub - 17/12/2021 745 0 Facebook Twitter Pinterest WhatsApp ເມືອງດາກຈຶງ ແຂວງເຊກອງ ໄດ້ຈັດພິທີເຜີຍແຜ່, ເຊື່ອມຊຶມຜັນຂະຫຍາຍວາລະແຫ່ງຊາດ ວ່າດ້ວຍການສະກັດກັ້ນ ແລະ ແກ້ໄຂບັນຫາຢາ ເສບຕິດຂຶ້ນໃນວັນທີ 14 ທັນວາ 2021; ເຜີຍແຜ່ໂດຍ ພົຈວ ສົມໄຊ ພູລະຄໍາມະນີ ຄະນະປະຈຳພັກແຂວງ, ເລຂາພັກ, ຫົວໜ້າກອງບັນຊາການປ້ອງກັນຄວາມສະຫົງບແຂວງເຊກອງ, ມີຫົວໜ້າ, ພະແນກ, ຮອງພະແນກ, ຫົວໜ້າ ປກສ ກຸ່ມ ພ້ອມດ້ວຍອົງການປົກຄອງບ້ານທົ່ວ ເມືອງດາກຈຶງ ເຂົ້າຮ່ວມ. ພົຈວ ສົມໄຊ ພູລະຄໍາມະນີ ໄດ້ກ່າວຕໍ່ພິທີວ່າ: ການຈັດຕັ້ງເຜີຍແຜ່ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດແມ່ນມີຄວາມສໍາຄັນ ແລະ ຈໍາເປັນທີ່ສຸດເພາະເປັນການຍົກສູງຄວາມຮູ້ຄວາມເຂົ້າໃຈຄວາມເປັນເອກະພາບ ທາງດ້ານທັດສະນະ ແລະ ຄວາມຮັບຜິດຊອບໃນການຊີ້ນຳໆພາຂອງຄະນະພັກ-ຄະນະບັນຊາແຕ່ລະຂັ້ນຂອງກຳລັງປ້ອງກັນຄວາມສະຫງົບ ໃນການປະຕິບັດວຽກຕົວຈິງ ທັງກຳໄດ້ເນື້ອໃນທີ່; ເປັນພື້ນຖານຮັບປະກັນໃຫ້ແກ່ການແກ້ໄຂບັນຫາຢາເສບຕິດດຳເນີນເປັນລະບົບຕໍ່ເນື່ອງ, ເດັດຂາດ, ໂປ່ງໃສ, ເຂັ້ມງວດ ເປັນມືອາຊີບ ແລະ ທັນເວລາ ພ້ອມທັງແກ້ໄຂສາເຫດເງື່ອນໄຂທີ່ພາໃຫ້ເກີດບັນຫາຢາເສບຕິດໃຫ້ຖືກກັບສະພາບ ຈຸດພິເສດແຕ່ລະກົມກອງຂະແໜງການ ແລະ ທ້ອງຖິ່ນແຕ່ລະຂັ້ນ; ໂດຍປະຕິບັດຕາມຄໍາສັ່ງ ຂອງ ນາຍົກລັດຖະມົນຕີສະບັບເລກທີ 19/ນຍ, ລົງວັນທີ 4 ຕຸລາ 2021, ຄໍາສັ່ງຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບເລກ ທີ 1851/ປກສ, ລົງວັນທີ 05 ຕຸລາ 2021 ວ່າ ດ້ວຍການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ; ການຈັດຕັ້ງຜັນຂະຫຍາຍວາລະແຫ່ງຊາດ ແລະ ແຜນດຳ ເນີນງານຂອງກອງບັນຊາການປ້ອງກັນຄວາມສະຫົງບ ສະບັບເລກທີ 1843/ປກສ, ລົງວັນທີ 5 ຕຸລາ 2021 ວ່າດ້ວຍການແກ້ໄຂບັນຫາຢາເສບ ຕິດ ( 2021- 2023 ). ໃນຂະນະດຽວກັນ, ພົຈວ ສົມໄຊ ພູລະຄໍາ ມະນີ ໄດ້ຮຽກຮ້ອງໃຫ້ຄະນະພັກ-ຄະນະບັນຊາ ຈົ່ງພ້ອມກັນເອົາໃຈໃສ່ຈັດຕັ້ງເຜີຍແຜ່ວາລະ ແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ແຕ່ລະກຸ່ມບ້ານພາຍໃນເມືອງໃຫ້ກຳລັງປ້ອງກັນຄວາມສະຫງົບຢູ່ຂັ້ນຮາກຖານ ພ້ອມທັງເອົາໃຈໃສ່ໂຄສະນາຜົນຮ້າຍ, ຜົນກະທົບຂອງຢາເສບຕິດໃຫ້ສັງຄົມຮັບຮູ້, ສ້າງຄວາມເຂັ້ມແຂງ ທາງດ້ານຄອບຄົວ, ສ້າງບ້ານປອດຢາເສບຕິດ- ຕິດພັນກັບການສ້າງບ້ານປ້ອງກັນຄວາມສະຫງົບສຸກ; ການແກ້ໄຂບັນຫາກຳລັງເຈົ້າໜ້າທີ່ມີການ ພົວພັນກັບບັນຫາຢາເສບຕິດໃຫ້ໜົດໄປ. ໂອກາດດັ່ງກ່າວ, ພົຈວ ສົມໄຊ ພູລະຄຳມະນີ ໄດ້ມອບເງິນມູນຄ່າ 2.000.000 ກີບ ໃຫ້ກອງບັນຊາການ ປກສ ເມືອງດາກຈຶງ ເພື່ອນຳໃຊ້ເຂົ້າໃນນຳໃຊ້ເຂົ້າໃນແກ້ໄຂບັນຫາຢາເສບຕິດ 2021-2023; ຮັບໂດຍ ພັທ ຫຸມໃຈ ແກ້ວສີບຸນເຮືອງ ຫົວໜ້າກອງບັນຊາການ ປກສ ເມືອງດາກຈຶງ. ບົດຄວາມທີ່ກ່ຽວຂ້ອງເພີ່ມຕື່ມຈາກຜູ້ຂຽນ ຂ່າວທ້ອງຖິ່ນ ຊຸກຍູ້ວຽກງານຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ຢູ່ແຂວງສະຫວັນນະເຂດ ຂ່າວທ້ອງຖິ່ນ ຮອງນາຍົກລັດຖະມົນຕີ ເຂົ້າຮ່ວມກອງປະຊຸມຄົບຄະນະກາງສະໄໝ ຄະນະບໍລິຫານງານພັກ ແຂວງບໍ່ແກ້ວ ສະໄໝທີ VI ຂ່າວທ້ອງຖິ່ນ ມອບ-ຮັບໜ້າທີ່ ຫົວໜ້າຫ້ອງຕຳຫຼວດ ປກສ ແຂວງໄຊຍະບູລີ ຂ່າວທ້ອງຖິ່ນ ແຂວງຄຳມ່ວນ ເປີດຊຸດຮຽນວິຊາສະເພາະຊັ້ນຕົ້ນ ຮຸ່ນທີ XV ຂ່າວທ້ອງຖິ່ນ ປະກາດແຕ່ງຕັ້ງນາຍຕຳຫຼວດ ທີ່ຂຶ້ນກັບ ກອງບັນຊາການ ປກສ ແຂວງຫຼວງພະບາງ ຂ່າວທ້ອງຖິ່ນ ປກສ ແຂວງສາລະວັນ ປະກາດແຕ່ງຕັ້ງ-ຍົກຍ້າຍ ນາຍ ແລະ ພົນຕຳຫຼວດ