ວັນທີ 29 ພະຈິກ 2021 ທີ່ຜ່ານມາ, ອົງການປົກຄອງແຂວງຢຸນນານໄດ້ມອບໄຟເຍືອງໃຊ້ແສງຕາເວັນໃຫ້ແກ່ ສປປ ລາວຈຳນວນ 40 ຊຸດ. ປັດຈຸບັນ, ເສົາເຍືອງທາງດັ່ງກ່າວແມ່ນໄດ້ຕິດຕັ້ງສຳເລັດຢູ່ໃນເຂດພັດທະນາກວມລວມໄຊເຊດຖາແລ້ວ.ອັນນີ້ກໍແມ່ນໜຶ່ງໃນໂຄງການຊ່ວຍເຫຼືອຕ່າງປະເທດ ປະຈຳສົກປີ 2021 ຂອງພະແນກການຄ້າແຂວງຢູນນານ ກໍຄືພາກສ່ວນທີ່ສຳຄັນຂອງໂຄງການແສງສະຫວ່າງຈາກພະລັງງານສີຂຽວ – ເຂົ້າສູ່ປະເທດລາວ.
ເຖິງແມ່ນວ່າໄດ້ພົບຄວາມຫຍຸ້ງຍາກຫຼາຍໆຢ່າງຈາກການແພ່ລະບາດພະຍາດໂຄວິດ-19 ກໍຕາມ, ແຕ່ຜູ້ປະຕິບັດໂຄງການກໍຄື: ສາມາຄົມພະລັງງານ ສີຂຽວແຂວງຢຸນນານ ໄດ້ປະສານງານກັບຫຼາຍພາກສ່ວນ, ແກ້ໄຂບັນຫາດັ່ງກ່າວຈົນເຮັດໃຫ້ສາມາດຂົນສົ່ງຈາກນະຄອນກວາງໂຈ່ວ ແລະ ໃຊ້ເວລາເຄິ່ງເດືອນກວ່າໂດຍຜ່ານທາງບົກຂອງປະເທດຫວຽດນາມ ແລະ ນຳສົ່ງໄຟເຍືອງທາງໃຊ້ພະລັງງານແສງຕາເວັນເຂົ້າເຂດພັດທະນາກວມລວມໄຊເຊດຖາຕາມແຜນການໃຫ້ໄດ້ຕາມເປົ້າໝາຍຢ່າງເຕັ່ມທີ.
ເຂດພັດທະນາກວມລວມໄຊເຊດຖາແມ່ນຕັ້ງຢູ່ນະຄອນຫຼວງວຽງຈັນ, ມີເນື້ອທີ່ທັງໝົດ 1.150 ເຮັກຕາ, ເປັນເຂດເສດຖະກິດພິເສດຂອງ ສປປ ລາວ ແລະ ເປັນເຂດຮ່ວມມືເສດຖະກິດການຄ້າໃນຕ່າງປະເທດຂອງ ສປ ຈີນ, ໂດຍການຮ່ວມທຶນລະຫວ່າງ ອົງການປົກຄອງນະຄອນຫຼວງວຽງຈັນ ແລະ ບໍລິສັດລົງທຶນຕ່າງປະເທດ ແຂວງຢຸນນານ, ເຊິ່ງເປັນບໍລິສັດລູກຂອງກຸ່ມບໍລິສັດກໍ່ສ້າງແລະລົງທຶນແຂວງຢຸນນານ, ມາຮອດປັດຈຸບັນ,ເຂດພັດທະນາໄດ້ລົງທຶນທັງໝົດເປັນຈຳນວນເງິນ 1.3 ຕື້ໂດລາແລະໄດ້ດຶງດູດວິສາຫະກິດເຂົ້າມາລົງທຶນພາຍໃນເຂດເປັນຈຳນວນ 105 ແຫ່ງ.
ເຂດພັດທະນາເປັນໜື່ງໃນ 10 ໂຄງການສາທິດຕົວແບບການປ່ອຍອາຍກາກບອນຕໍ່າ ຂອງ ສປ ຈີນ ຢູ່ຕ່າງປະເທດ, ແມ່ນໂຄງການສຳຄັນ ເພື່ອຮັບມືກັບສະພາບປ່ຽນແປງຂອງດິນຟ້າອາກາດໃນກົນໄກການຮ່ວມມືໃຕ້-ໃຕ້ລະຫວ່າງປະເທດລາວກັບປະເທດຈີນ,ກໍຄືໝາກຜົນສຳຄັນອັນໜຶ່ງທີ່ລາວ-ຈີນ ໄດ້ ພ້ອມກັນຊຸກຍູ້ພັດທະນາເສດຖະກິດຂອງໂຄງການສາທິດຕົວແບບການປ່ອຍອາຍກາກບອນຕໍ່າ.