ຖອດຖອນບົດຮຽນການລົງເຜີຍແຜ່ຂໍ້ຫ້າມ ລັດຖະມົນຕີ ກະຊວງ ປກສ

ກອງປະຊຸມສະຫຼຸບຖອດຖອນບົດຮຽນການລົງເຜີຍແຜ່ຂໍ້ຫ້າມຂອງ ລັດຖະມົນຕີ ກະຊວງ ປກສ ສະບັບເລກທີ 564/ປກສ ໃຫ້ສະມາຊິກຊາວໜຸ່ມອ້ອມຂ້າງ ກອງບັນຊາການ ປກສ ນະຄອນຫຼວງວຽງຈັນ (ນວ) ຈັດຂຶ້ນໃນວັນທີ 11 ມີນາ 2022, ໂດຍມີ ພົຈວ ຄໍາສາຍ ຈັນທະວົງ ຮອງຫົວໜ້າກົມໃຫຍ່ການເມືອງ ປກສ, ມີ ພັອ ພິມມະສອນ ຮອງຫົວໜ້າກອງບັນຊາການ ປກສ ນວ ພ້ອມດ້ວຍຄະນະພັກ-ຄະນະບັນຊາ, ຄະນະບໍລິຫານງານຊາວໜຸ່ມ ກອງບັນຊາການ ປກສ ນວ, ປກສ 9 ຕົວເມືອງ ແລະ ສະມາຊິກຊາວໜຸ່ມ ເຂົ້າຮ່ວມ.

ພັອ ບຸນຈັນ ອິນພົມມາ ເລຂາຄະນະບໍລິຫານງານຊາວໜຸ່ມ ກະຊວງ ປກສ ໄດ້ຂຶ້ນຜ່ານບົດສະຫຼຸບ ການລົງເຜີຍແຜ່ຂໍ້ຫ້າມຂອງ ລັດຖະມົນຕີ ກະຊວງປ້ອງກັນຄວາມສະຫງົບ ເລກທີ 564/ປກສ ໃຫ້ສະມາຊິກຊາວໜຸ່ມອ້ອມຂ້າງ ກອງບັນຊາການ ປກສ ນວ ວ່າ:

ພາຍຫຼັງທີ່ໄດ້ຮັບການອະນຸມັດຕົກລົງເຫັນດີ ຈາກຄະນະປະຈຳພັກ ກະຊວງ ປກສ ກໍຄື ຫົວໜ້າກົມໃຫຍ່ການເມືອງ ປກສ, ຫ້ອງຊາວໜຸ່ມ ກະຊວງ ປກສ ກໍໄດ້ຈັດຕາຕະລາງການເຄື່ອນໄຫວ ແລະ ໄດ້ປະສານສົມທົບກັບ ຄະນະພັກ ກອງບັນຊາການ ປກສ ນະຄອນຫຼວງວຽງຈັນ ເວົ້າລວມ, ເວົ້າສະເພາະກໍແມ່ນ ຫ້ອງການເມືອງ ແລະ ຄະນະຊາວໜຸ່ມ ກອງບັນຊາການ ປກສ ນວ ເພື່ອປຶກສາຫາລືຄົ້ນຄວ້າວິທີໃນການຈັດຕັ້ງປະຕິບັດແຜນການດັ່ງກ່າວ ໃຫ້ທັນກັບສະພາບການ.

ການລົງເຜີຍແຜ່ຂໍ້ຫ້າມຂອງ ລັດຖະມົນຕີ ກະຊວງປ້ອງກັນຄວາມສະຫງົບ ສະບັບເລກທີ 564/ປກສ, ລົງວັນທີ 3 ເມສາ 2019 ຢູ່ກອງບັນຊາການ ປກສ ນວ ແລະ ກອງບັນຊາການ ປກສ 9 ຕົວເມືອງອ້ອມຂ້າງ ມີຄື:

• ວັນທີ 24 ກຸມພາ 2021, ໄດ້ຈັດຂຶ້ນຢູ່ກອງບັນຊາການ ປກສ ນວ
• ວັນທີ 2 ມີນາ 2021, ຢູ່ກອງບັນຊາການ ປກສ ເມືອງໄຊທານີ
• ວັນທີ 4 ມີນາ 2021, ຢູ່ກອງບັນຊາການ ປກສ ເມືອງຈັນທະບູລີ
• ວັນທີ 10 ມີນາ 2021, ຢູ່ກອງບັນຊາການ ປກສ ເມືອງນາຊາຍທອງ
• ວັນທີ 12 ມີນາ 2021, ຢູ່ກອງບັນຊາການທະຫານ ເມືອງສີໂຄດຕະບອງ (ຢືມສະຖານທີ່)
• ວັນທີ 16 ມີນາ 2021, ຢູ່ກອງບັນຊາການ ປກສ ເມືອງປາກງື່ມ
• ວັນທີ 19 ມີນາ 2021, ຢູ່ກອງບັນຊາການ ປກສ ເມືອງສັງທອງ
• ວັນທີ 23 ມີນາ 2021, ຢູ່ກອງບັນຊາການ ປກສ ເມືອງໄຊເສດຖາ
• ວັນທີ 26 ມີນາ 2021, ຢູ່ທີ່ສະໂມສອນປົກຄອງ ເມືອງຫາດຊາຍຟອງ ແລະ ປກສ ເມືອງສີສັດຕະນາກ

ຜ່ານການລົງເຜີຍແຜ່ຂໍ້ຫ້າມສະບັບດັ່ງກ່າວ ຢູ່ກອງບັນຊາການ ມີພະນັກງານ-ສະມາຊິກຊາວໜຸ່ມ ເຂົ້າຮ່ວມຮັບຟັງຈຳນວນ 977 ສະຫາຍ ຈາກທັງໝົດ 2.073 ສະຫາຍ.

ນອກຈາກນີ້, ໃນພິທີ ຍັງໄດ້ຜ່ານມະຕິຕົກລົງຂອງ ຄະນະພັກ ກອງບັນຊາການ ປກສ ນວ ເລກທີ 95/ຄພ ປກສ ນວ, ລົງວັນທີ 10 ມີນາ 2022 ວ່າດ້ວຍ ການບົ່ງຕົວແຕ່ງຕັ້ງ ເລຂາ-ຮອງເລຂາ ແລະ ຄະນະບໍລິຫານງານຊາວໜຸ່ມ ກອງບັນຊາການ ປກສ ນະຄອນຫຼວງວຽງຈັນ ເຊິ່ງຄະນະໄດ້ຕົກລົງບົ່ງຕົວແຕ່ງຕັ້ງ ດັ່ງນີ້:

• ພັທ ປານີ ສຸດສະຫວັດ ເປັນ ເລຂາ
• ພັຕ ສົມເດດ ສຸພາຮັກ ເປັນ ຮອງເລຂາ
• ຮອ ນາງ ແພງພັນ ພົມມະຈັນ ເປັນ ຄະນະບໍລິຫານງານຊາວໜຸ່ມ ກອງບັນຊາການ ປກສ ນະຄອນຫຼວງວຽງຈັນ