ໃນ 3 ຕົ້ນປີ 2022, ເຈົ້າໜ້າທີ່ ປກສ ແຂວງສາລະວັນ ສາມາດມ້າງຄະດີຢາເສບຕິດໄດ້ 29 ເລື່ອງ, ຜູ້ຖືກຫາ 42 ຄົນ ພ້ອມຂອງກາງຢາບ້າ 89.000 ກວ່າເມັດ.
ພັຕແສງສຸລີ ວົງສາລາດ ຫົວໜ້າພະແນກຕຳຫຼວດສະກັດກັ້ນຕ້ານຢາເສບຕິດ ທັງເປັນກອງເລຂາ ແກ້ໄຂບັນຫາຢາເສບຕິດແຂວງຂັ້ນແຂວງ ໃຫ້ສໍາ ພາດ ໃນວັນທີ 12 ພຶດສະພາ 2022 ວ່າ: ໄລຍະ 3 ເດືອນຕົ້ນປີ 2022, ເຈົ້າໜ້າທີ່ວິຊາສະພາະ ປກສ ແຂວງສາລະວັນ ໄດ້ສຸມໃສ່ແກ້ໄຂບັນຫາຢາເສບ ຕິດຢ່າງຕັ້ງໜ້າ ສາມາດມ້າງລາຍຄະດີຢາເສບຕິດ ທັງໝົດໄດ້ 29 ເລື່ອງ, ກັກຜູ້ຖືກຫາໄດ້ທັງໝົດ 42 ຄົນ ຍິງ 2 ຄົນ, ຢຶດຂອງກາງໄດ້ທັງໝົດມີຄື: ປະເພດຢາບ້າໄດ້ 89.845 ເມັດ, ຢາໄອສ໌ 10 ຖົງນ້ອຍ, ຕໍ່ກັບບັນຫາດັ່ງກ່າວທາງເຈົ້າໜ້າທີ່ ຈຶ່ງໄດ້ສືບຕໍ່ເພີ່ມທະວີປະສານສົມທົບກັບບັນດາກົມ ກອງອ້ອມຂ້າງແຂວງ, ກົມກອງວິຊາສະເພາະຂັ້ນເມືອງ, ຂະແໜງການທີ່ກ່ຽວຂ້ອງ ແລະ ອົງ ການປົກຄອງທ້ອງຖິ່ນຢ່າງເປັນປົກກະຕິ ແລະ ແຂງ ແຮງ, ເນື່ອງນິດລຽນຕິດ ເພື່ອຊອກຮູ້, ຊອກໃຫ້ເຫັນທົ່ວໄປ, ບ່ອນຜະລິດ, ຜູ້ຂົນສົ່ງ, ຜູ້ ຄ້າ-ຂາຍ ແລະ ເປົ້າໝາຍຢາເສບຕິດ, ພ້ອມ ໂຄສະນາປູກຈິດສຳນຶກ ແລະ ສຶກສາອົບຮົມປະ ຊາຊົນໃຫ້ເຫັນຜົນຮ້າຍຂອງຢາເສບຕິດຢ່າງກວ້າງຂວາງດ້ວຍຫຼາຍຮູບການ, ຫຼາຍວິທີ ແລະ ຫຼາຍລະດັບ.
ນອກນັ້ນ, ຍັງໄດ້ຕິດຕາມກວດກາຂຶ້ນບັນຊີເປົ້າໝາຍທີ່ພົວພັນກັບຢາເສບຕິດ ລວມມີທັງໝົດ 5.836 ຄົນ ຍິງ 49 ຄົນ ໃນນັ້ນເປົ້າໝາຍ ເສບຢາເສບຕິດ 5.132 ຄົນ ຍິງ 33 ຄົນ, ເປົ້າໝາຍຄ້າຂາຍຢາເສບ ຕິດ 704 ຄົນ ຍິງ 16 ຄົນ, ເຊິ່ງມີແຜນ ກວດລ້າງ, ກັກຢຶດໃຫ້ນັບມື້ຫຼຸດນ້ອຍຖອຍ ລົງ ທັງນີ້ກໍເພື່ອເປັນການປະຕິບັດຕາມ ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ຂອງລັດຖະບານໃຫ້ປະກົດຜົນເປັນຈິງ.
