ຫ້ອງສັນຕິບານ ກອງບັນຊາການ ປກສ ແຂວງຫົວພັນ ໄດ້ເປີດຊຸດຝຶກອົບຮົມ ວຽກງານຕຳຫຼວດກວດຄົນເຂົ້າ-ອອກເມືອງ ໃນວັນທີ 13 ມິຖຸນາ 2022, ເປັນປະທານໂດຍ ພັທ ອຳພອນ ພັນມະຈັນ ຮອງຫົວໜ້າກອງບັນຊາການ ປກສ ແຂວງຫົວພັນ, ເຂົ້າຮ່ວມມີ ພັທ ບຸນສິດ ພົນນິຍົມ ຫົວໜ້າພະແນກບໍລິຫານ-ຈັດຕັ້ງ ກົມຕຳຫຼວດກວດຄົນເຂົ້າ-ອອກເມືອງ, ຫົວໜ້າຄະນະຫ້ອງ, ປກສ ເມືອງ ຕະຫຼອດຮອດນັກສຳມະນາກອນ ເຂົ້າຮ່ວມ.
ຊຸດຝຶກອົບຮົມຄັ້ງນີ້ ເພື່ອເຮັດໃຫ້ພະນັກງານ-ນັກຮົບຜູ້ທີ່ເຮັດວຽກງານກວດກາຄົນເຂົ້າ-ອອກເມືອງ ໄດ້ຮັບຮູ້ເຂົ້າໃຈເຖິງສິດພາລະບົດບາດຂອງວຽກງານ ຕິດພັນກັບ ການເຮັດວຽກງານວິຊາສະເພາະ, ຮູ້ຈຳແນກເຖິງການເຄື່ອນໄຫວຂອງປະຊາຊົນຄົນເຂົ້າ-ອອກເມືອງ ໃນຮູບແບບຕ່າງໆ; ນອກ ນັ້ນ, ຍັງເປັນການສ້າງຄວາມເຂັ້ມແຂງທາງດ້ານວຽກງານວິຊາສະເພາະ ໃຫ້ກັບພະນັກງານທີ່ເຮັດວຽກຕົວຈິງຢ່າງຈະແຈ້ງ, ນໍາໄປປະຕິບັດໃຫ້ມີຄວາມຄ່ອງແຄ້ວ, ຊຳນິຊຳນານ ແລະ ເກີດຂໍ້ຜິດພາດໜ້ອຍລົງ.
ຊຸດຝຶກອົບຮົມ ໃຊ້ເວລາ 5 ວັນ, ແບ່ງອອກເປັນ 5 ພາກ, ມີ 16 ບົດ ຄື:
- ຄວາມຮູ້ພື້ນຖານກ່ຽວກັບ ຄົນເຂົ້າ-ອອກເມືອງ
- ເອກະສານຜ່ານແດນ ແລະ ວີຊ່າ
- ຊື່ການ, ເງື່ອນໄຂ ແລະ ລະບົບເຂົ້າ-ອອກດ່ານ
- ການກວດກາເອກະສານຜ່ານແດນ
- ຕິດຕາມເປົ້າໝາຍເຂົ້າ-ອອກເມືອງ
- ວຽກງານຕະໜ່າງປິດລັບ, ວຽກງານສັງລວມ
- ວຽກງານປະມວນຂ່າວໃນຂົງເຂດຕິດຕາມເປົ້າໝາຍ
- ການກວດກາຄຸ້ມຄອງຂໍ້ມູນຜູ້ຕ້ອງຫ້າມເຂົ້າ ສປປ ລາວ
- ການກວດກາຄຸ້ມຄອງຂໍ້ມູນຜູ້ຕ້ອງຫ້າມອອກ ສປປ ລາວ
- ວຽກງານຄອມພິວເຕີ
- ວຽກງານປະສານພາຍໃນ ແລະ ຮ່ວມມືສາກົນ
- ບັນຫາທີ່ເກີດຂຶ້ນ, ວີທີແກ້ໄຂ ແລະ ມາດຕະການ
- ນິຕິກຳການເຄົາລົບກົດໝາຍ, ລະບຽບການ ແລະ ອົງການຄຸ້ມຄອງ
- ຄວາມຮູ້ພື້ນຖານກ່ຽວກັບ ນິຕິກຳ
- ສັນຍາ-ສົນທິສັນຍາຂອງວຽກງານກວດຄົນເຂົ້າ-ອອກເມືອງ
- ຄວາມຮູ້ພື້ນຖານກ່ຽວກັບ ຮູບແບບເອກະສານທາງການ