ວັນທີ 18 ມິຖຸນາ 2022, ລັດວິສາຫະກິດຄໍາເຫຼັກ ຖ່າຍຮູບຕິດເອກະສານນັກຮຽນ ຮ່ວມກັບທີມກິລາບານເຕະເພື່ອນຕຳຫຼວດ ໄດ້ນຳເອົາເຄື່ອງກິລາໄປມອບໃຫ້ໂຮງຮຽນທິດສະດີການເມືອງປ້ອງກັນຄວາມສະຫງົບ ຈຳນວນ 20 ຊຸດ ລວມມູນຄ່າ 2.000.000 ກີບ. ຕາງໜ້າມອບໂດຍ ພັທ ສົມບູນ ໄຊສີ ຫົວໜ້າພະແນກບໍລິຫານ-ສັງລວມ ກົມກິລາ ກົມໃຫຍ່ການເມືອງ ປກສ.

ພັທ ປທ ຄຳແຫວນ ສີຫາລາດ ຮອງຜູ້ອຳນວຍການໂຮງຮຽນທິດສະດີການເມືອງປ້ອງກັນຄວາມສະຫງົບ ໄດ້ຕາງໜ້າໃຫ້ຄະນະຫ້ອງຮັບເຄື່ອງ ພ້ອມກ່າວສະແດງຄຳຂອບໃຈມາຍັງ ລັດວິສາຫະກິດຄຳເຫຼັກ ແລະ ທິມກິລາເພື່ອນຕຳຫຼວດ ທີ່ໄດ້ນຳເອົາເຄື່ອງກິລາມາມອບໃຫ້ໃນຄັ້ງນີ້ ເພື່ອປະກອບສ່ວນເຂົ້າໃນຂະບວນການເຄື່ອນໄຫວກິລາຂອງໂຮງຮຽນ ໂດຍສະເພາະກໍແມ່ນການແຂ່ງຂັນກິລາຊົມເຊີຍວັນສ້າງຕັ້ງຫະຫະພັນແມ່ຍິງລາວ ຄົບຮອບ 67 ປີ (20 ກໍລະກົດ 1955 ຫາ 20 ກໍລະກົດ 2022 )ແລະ ວັນສຳຄັນຕ່າງໆຂອງພັກ-ຂອງຊາດ ໃຫ້ມີບັນຍາກາດຟົດຟື້ນ ແລະ ມ່ວນຊື່ນ ສ້າງໃຫ້ໄດ້ຄວາມສາມັກຄີພາຍໃນ ລະຫວ່າງນັັກສຶກສາພາຍໃນໂຮງຮຽນ ແລະ ບັນດາພະແນກ, ຂະແໜງການຕ່າງໆທີ່ຂຶ້ນກັບໂຮງຮຽນ ເພື່ອເປັນການຮັດແໜ້ນຄວາມສາມັກຄີຮັກແພງຊ່ວຍເຫຼືອເຊິ່ງກັນແລະກັນ ພ້ອມພາກັນປະຕິບັດໜ້າທີ່ ທີ່ພັກ-ລັກ ກໍຄືອົງການຈັດຕັ້ງພາຍໃນໂຮງຮຽນມອບໝາຍໃຫ້ມີຄວາມສຳເລັດທຸກປະການ.

ໂອກາດດັ່ງກ່າວ; ພັທ ປທ ຄຳແຫວນ ສີຫາລາດ ຮອງຜູ້ອຳນວຍການໂຮງຮຽນທິດສະດີການເມືອງປ້ອງກັນຄວາມສະຫງົບ ກໍໄດ້ມອບໃບກຽດຕິຄຸນໃຫ້ວິສາຫະກິດຄຳເຫຼັກ ພ້ອມອວຍພອນໄຊໃຫ້ວິສາຫະກິດຄຳເຫຼັກ ແລະ ທິມກິລາເພື່ອນຕຳຫຼວດທຸກສະຫາຍ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ປະສົບຜົນສຳເລັດໃນການດຳເນີນທຸລະກິດ ພ້ອມໜ້າທີ່ວຽກງານກໍຂໍໃຫ້ຈະເລີນກ້າວໜ້າ ແລະ ຮັ່ງມີຍິ່ງໆຂຶ້ນ.