ວັນທີ 24 ກໍລະກົດ ຜ່ານມາ, ກະຊວງສາທາລະນະສຸກ ນູແວນເຊລັງ ລາຍງານການກວດພົບຜູ້ຕິດເຊື້ອໂຄວິດ-19 ໃນຊຸມຊົນ ສູງເຖິງ 5.535 ຄົນ; ສົ່ງຜົນເຮັດໃຫ້ຍອດຜູ້ຕິດເຊື້ອໃນຮອບ 7 ວັນ ຂອງນູແວນເຊລັງ ຢູ່ທີ່ 8.563 ຄົນ.

ໂດຍ ກະຊວງສາທາລະນະສຸກ ລາຍງານວ່າ: ປັດຈຸບັນມີຜູ້ປ່ວຍຍໂຄວິດ-19 ປິ່ນປົວຢູ່ໂຮງໝໍ ຈຳນວນ 720 ຄົນ; ໃນນັ້ນ, 21 ຄົນ ປິ່ນປົວຢູ່ຕຶກຜູ້ປ່ວຍໜັກ ແລະ ມີຜູ້ເສຍຊີວິດ 14 ຄົນ ໃນວັນທີ 24 ກໍລະກົດ ທີ່ຜ່ານມາ.

ນອກຈາກນີ້, ຍັງມີລາຍງານວ່າ ກວດພົບຜູ້ຕິດເຊື້ອໂຄວິດ-19 ຕື່ມອີກ 318 ຄົນ ເຊິ່ງແມ່ນຜູ້ທີ່ເດີນທາງກັບມາຈາກຕ່າງປະເທດ.

ກະຊວງສາທາລະນະສຸກ ນູແວນເຊລັງ ລະບຸອີກວ່າ: ນັບຕັ້ງແຕ່ມີການແພ່ລະບາດຄັ້ງທຳອິດຈົນເຖິງປັດຈຸບັນ, ນູແວນເຊລັງ ກວດພົບຜູ້ປ່ວຍໂຄວິດ-19 ແລ້ວ 1.551.939 ຄົນ ໂດຍມີຜູ້ເສຍຊີວິດຈາກພະຍາດດັ່ງກ່າວທີ່ມີການລາຍງານ ຢູ່ທີ່ 1.990 ຄົນ.