ທ້າວ ເຕ້ຍ ອາຍຸ 24 ປີ ບ້ານໜອງມ່ວງ ເມືອງສະໜາມໄຊ ແຂວງອັດຕະປື ໄດ້ເຂົ້າແຈ້ງຄວາມຕໍ່ເຈົ້າໜ້າທີ່ ປກສ ເມືອງປາກຊ່ອງ ແຂວງຈໍາປາສັກ ວ່າ: ໃນຄັ້ງວັນທີ 25 ເມ ສາ 2022 ເວລາປະມານ 21:10 ໂມງF ມີຄົນໄດ້ປຸ້ນເອົາຊັບຂອງຜູ້ກ່ຽວ ໂດຍໃຊ້ກ້ອນຫີນທຸບຫົວຈົນໝົດສະຕິ ເພື່ອປຸ້ນເອົາເງິນ ແລະ ລົດຈັກຫຼົບໜີ.

ເຈົ້າໜ້າທີ່ວິຊາສະເພາະ ປກສ ແຂວງຈໍາປາສັກ ໃຫ້ຮູ້ວ່າ: ພາຍຫຼັງທີ່ໄດ້ຮັບແຈ້ງຄວາມ ກໍໄດ້ລົງຈຸດເກີດເຫດທີ່ອານຸສາວະລີ ທ່ານ ສີ ທົນ ກົມມະດຳ ບ້ານບັງລຽງ ເມືອງປາກຊ່ອງ ແຂວງຈຳປາສັກ ພ້ອມທັງປະຕິບັດຕາມຫຼັກການວິຊາສະເພາະ. ມາຮອດວັນທີ 6 ມິຖຸນາ 2022, ສາມາດກັກຕົວຜູ້ກໍ່ເຫດ ຊື່ ທ້າວ ໂຫຼຍ ອາຍຸ 31 ປີ ບ້ານແກ ເມືອງໂພນທອງ ແຂວງຈຳປາສັກ; ຜູ້ກ່ຽວສາລະພາບວ່າ: ໃນວັນທີ 25 ເມສາ 2022 ເວລາປະມານ 19:00 ໂມງ, ໄດ້ຍ່າງມາແຕ່ຫຼິ້ນແຕ່ ພໍຍ່າງໄປຮອດທະນາຄານການຄ້າຕ່າງປະເທດ ສາຂາເມືອງປາກຊ່ອງ ພົບເຫັນ ທ້າວ ເຕ້ຍ (ຜູ້ຖືກເສຍຫາຍ) ນັ່ງຄາບລົດຈັກຢູ່ ແລະ ຜູ້ກ່ຽວຈຶ່ງເຂົ້າໄປຖາມວ່າ ເຈົ້າຊິໄປໃສ, ທ້າວ ເຕ້ຍ ຕອບວ່າຈະໄປທະນາຄານ.

ຈາກນັ້ນ, ທັງສອງກໍໄດ້ໄປກິນຢູ່ໃນຮ້ານອາຫານ ຢູ່ຈຸດດັ່ງກ່າ ວໂດຍແມ່ນ ທ້າວ ເຕ້ຍ ເປັນຜູ້ຈ່າຍເງິນ; ເວລານັ້ນ, ສັງເກດເຫັນເງິນ ທ້າວ ເຕ້ຍ ຈຶ່ງເກີດມີແນວຄິດຢາກໄດ້ ພ້ອມທັງວາງແຜນຊັກ ຊວນ ທ້າວ ເຕ້ຍ ໃຫ້ຂັບລົດຈັກໄປສົ່ງຢູ່ຮ້ານຜູ້ສາວຢູ່ເຂດບ້ານບັງລຽງ ແຕ່ບໍ່ໄດ້ເຂົ້າຮ້ານຜູ້ສາວ. ຈາກນັ້ນ, ໄດ້ຊວນທ້າວ ເຕ້ຍ ຂັບຂີ່ລົດໄປຫຼິ້ນຢູ່ອານຸສາວະລີ, ພໍໄປຮອດຜູ້ກ່ຽວ ແມ່ນນັ່ງຢູ່ຂອບອ່າງນ້ຳພຸ, ສ່ວນ ທ້າວ ເຕ້ຍ ແມ່ນນັ່ງຄາບລົດຈັກ ໄດ້ປະມານ 10 ນາທີ ສັງເກດເຫັນ ກ້ອນຫີນປະມານສ່ຳກ້ຳປັ້ນ ຈຶ່ງຈັບເອົາກ້ອນຫີນມາຕີໃສ່ຫົວຂອງ ທ້າວ ເຕ້ຍ 1 ບາດ. ເວລານັ້ນ, ທ້າວ ເຕ້ຍ ໄດ້ແລ່ນໜີຂຶ້ນເທິງລະບຽງອ່າງນ້ຳພຸອານຸສາວະລີ. ເມື່ອເປັນ ແນວນັ້ນ, ຜູ້ກ່ຽວ ຈຶ່ງເອົາກ້ອນຫີນໄລ່ຕີປະມານ 2-3 ບາດ ເຮັດໃຫ້ທ້າວ ເຕ້ຍ ສະຫຼົບ. ຈາກນັ້ນ, ກໍຈົກເອົາເງິນໃນຖົງໂສ້ງ ແລະ ເອົາລົດຈັກເວັບຈີນ ຂັບຂີ່ຫຼົບໜີໄປຫາພີ່ນ້ອງຢູ່ບ້ານນ້ຳປົດ ເມືອງປາກຊ່ອງ ແຂວງຈຳປາສັກ ແລະ ໄດ້ນອນຢູ່ເຮືອນພີ່ນ້ອງ 1 ຄືນ.

ມື້ຕໍ່ມາ, ຈຶ່ງໄດ້ຂັບລົດຈັກຂອງ ທ້າວ ເຕ້ຍ ກັບມາບ້ານຂອງຜູ້ກ່ຽວ ແລະ ໄດ້ຂີ່ລົດໂດຍສານໄປຫາໝູ່ ຢູ່ບ້ານພຽງດີ ເມືອງໂຂງ ແຂວງຈຳປາສັກ. ຈົນຮອດທີ 4 ມິຖຸນາ 2022, ໄດ້ກັບມາພັກຢູ່ບ້ານພັກແຫ່ງໜຶ່ງ ເຂດຫຼັກ 4 ນະຄອນປາກເຊ ແລະ ພັກຢູ່ບ້ານພັກ 2 ຄືນ. ຮອດຕອນເຊົ້າຂອງວັນທີ 6 ມິຖຸນາ 2022, ໄດ້ຈ້າງຄົນຂັບລົດຈັກໃຫ້ໄປສົ່ງຢູ່ບ້ານແກ ເມືອງໂພນທອງ ແຂວງຈຳປາສັກ ກ່ອນຖືກເຈົ້າໜ້າທີ່ ປກສ ເມືອງໂພນທອງ ຈັບຕົວສົ່ງ ໃຫ້ເຈົ້າໜ້າທີ່ ປກສ ເມືອງປາກຊ່ອງ ດຳເນີນຄະດີຕາມຂັ້ນຕອນຂອງກົດໝາຍ.

ຜ່ານການສອບສວນ, ທ້າວ ໂຫຼຍ ຮັບສາລະພາບວ່າ: ເຄີຍຖືກດຳເນີນຄະດີມາແລ້ວ 1 ຄັ້ງ ໃນຂໍ້ ຫາລັກຊັບພົນລະເມືອງ ສະຖານທີ່ກັກຂັງຄ້າຍຄຸມຂັງດັດສ້າງ ປກສ ແຂວງຈຳປາສັກ ແລະ ໄດ້ພົ້ນໂທດໃນຊ່ວງຕົ້ນເດືອນເມສາ 2022.