ວິສາຫະກິດາຄຳເຫຼັກ ຮ່ວມກັບສະຖາບັນການເງິນຈຸລະພາກດອກຄູນ ມອບເສື້ອກິລາ, ບານເຕະ, ບານຕີ, ກະຕໍ້ ແລະ ຕາໜ່າງ ລວມມູນຄ່າ 5.300.000 ກີບ. ໃຫ້ວິທະນຍາຄານຕຳຫວດປະຊາຊົນ ກະຊວງປ້ອງກັນຄວາມສະຫງົບ ໃນວັນທີ 29 ສິງຫາ 2022F ມອບໂດຍ ທ່ານ ທິລະພົນ ໂກສີພັນ ຜູ້ອຳນວຍການສະຖາບັນການເງິນຈຸລະພາກດອກຄູນ ແລະ ທ່ານ ສີວຽງແກ້ວ ທຳມະວົງ.

ພົຈວ ປອ ຄົງເຊໂດນ ພັນທະແກ້ວ ຄະນະພັກກະຊວງ ອຳນວຍການວິທະຍາຄານຕຳຫຼວດປະຊາຊົນ ກະຊວງປ້ອງກັນຄວາມສະຫງົບ ໄດ້ຕາງໜ້າໃຫ້ຄະນະພັກ ຄະນະອໍານວຍການຮັບເຄື່ອງດເັ່ງກ່າວ ພ້ອມທັງກ່າວສະແດງຄວາມຂອບໃຈມາຍັງວິສາຫະກິດ ຄຳເຫຼັກ ຖ່າຍຮູບຕິດເອກະສານນັກຮຽນ ແລະ ສະຖາບັນການເງິນດອກຄູນ ທີ່ໄດ້ນຳທຶນຮອນຂອງບໍລິສັດ ມາມອບເຄື່ອງ ແລະ ອຸປະກອນກິລາໃນຄັ້ງນີ້ ແລະ ສັນຍາວ່າຈະນຳໃຊ້ ເຄື່ອງກິລາດັ່ງກ່າວໃຫ້ມີປະສິດທິຜົນສູງໃນຂະບວນການກິລາຊາວໜຸ່ມ-ແມ່ຍິງ ຂອງວິທະຍາຄານຕຳຫຼວດປະຊາຊົນ ເພື່ອຜູກແໜ້ນຄວາມສາມັກຄີ ລະຫວ່າງອ້າຍ-ນ້ອງພະນັກງານໃນພະແນກຕ່າງໆທີ່ຂຶ້ນກັບວິທະຍາຄານ ແລະ ເພື່ອປະກອບສ່ວນເຂົ້າໃນຂະບວນການແຂ່ງຂັນກິຕ້ອນຮັບວັນສຳຄັນຕ່າງໆຂອງພັກ-ຂອງຊາດໃຫ້ມີບັນຍາກາດເບີກບານມ່ວນຊື່ນ. ພ້ອມນັ້ນ, ທ່ານຍັງໄດ້ອວຍພອນໃຫ້ວິສາຫະກິດາ ຄຳເຫຼັກ ຮ່ວມກັບສະຖາບັນການເງິນຈຸລະພາກດອກຄູນ ຈົ່ງປະສົບຜົນສຳເລັດໃນການດຳເນີນທຸລະກິດທຸກປະການ, ມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ແລະ ໃຫ້ທຸລະກິດຈະເລີນກ້າວຍິ່ງໆຂຶ້ນ.

ພົຈວ ປອ ຄົງເຊໂດນ ພັນທະແກ້ວ ຍັງໄດ້ກ່າວຕາງໜ້າໃຫ້ຄະນະພັກ, ຄະນະອຳນວຍການຕຳຫຼວດວິທະຍາຄານປະຊາຊົນ ມອບໃບກຽດຕິຄຸນໃຫ້ແກ່ວິສາຫະກິດາ ຄຳເຫຼັກ ແລະ ສະຖາບັນການເງິນຈຸລະພາກດອກຄູນ ພ້ອມທັງແຂ່ງຂັນກິລາມິດຕະພາບບະຫວ່າງ ອະດີດນັກສຶກສາລຸ້ນທີ 10/5 ວປສ ແຫ່ງຊາດ ກັບພະນັກງານຄູ-ອາຈານ ວຕປ ເພື່ອເປັນການຮັດແໜ້ນຄວາມສາມັກຄີໃຫ້ແໜ້ນແຟ້ນ ແລະ ໃຫ້ມີສຸຂະພາບແຂງແຮງ. ຜ່ານການແຂ່ງຂັນແມ່ນທີມອະດີດນັກສຶກສາ10/5 ວປສ ແຫ່ງຊາດ ຊະນະທີມຄູ-ອາຈານວິທະຍາຄານຕຳຫຼວດປະຊາຊົນ 12-8 ປະຕູ.