ໃນວັນທີ 28 ກໍລະກົດ 2022 ຜ່ານມາ, ສານປະຊາຊົນແຂວງວຽງຈັນ ຕັດສິນຄະດີ ຈຳນວນ 4 ຄົນ ຄື:

1. ທ້າວ ຄຳຈັນ, ອາຍຸ 38 ປີ, ອາຊີບກຳມະ ກອນ, ຢູ່ບ້ານແອກຊ້າງ ເມືອງໂພນໂຮງ ແຂວງວຽງຈັນ ຖືກກັກຕົວໃນວັນທີ 17 ມິຖຸນາ 2021 ໃນຂໍ້ກ່າວຫາ ໂຕນໜີຈາກສະຖານທີ່ກັກຂັງຄ້າຍຄຸມຂັງ-ດັດສ້າງ. ດັ່ງນັ້ນ, ສານປະຊາຊົນແຂວງວຽງຈັນ ຈຶ່ງຕັດສິນຕັດອິດສະຫຼະພາບ ທ້າວ ຄຳຈັນ ຈຳເລີຍ ຈຳຄຸກ 1 ປີ ປັບໃໝ 1.000.000 ກີບ;

2. ທ້າວ ແສງຫຼ້າ ອາຍຸ 30 ປີ, ອາຊີບ ກຳມະກອນ ຢູ່ບ້ານເຕົາຖ່ານ ເມືອງໂພນໂຮງ ແຂວງວຽງຈັນ ຖືກກັກຕົວໃນວັນທີ 23 ກັນຍາ 2020 ໃນຂໍ້ຫາ ລັກຊັບ. ດັ່ງນັ້ນ, ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ ທ້າວ ແສງຫຼ້າ ຈຳເລີຍ ຈຳຄຸກ 3 ປີ ປັບໃໝ 5.000.000 ກີບ.

3. ທ້າວ ປໍວ່າງ ອາຍຸ 28 ປີ ອາຊີບ ເຮັດສວນ ຢູ່ບ້ານໂນນຕ້ອງ ເມືອງໝື່ນ ແຂວງວຽງຈັນ ຖືກກັກຕົວໃນວັນທີ 23 ສິງຫາ 2021 ໃນຂໍ້ຫາທຳລາຍມ້າງເພ, ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ ທ້າວ ປໍວ່າງ ຈຳເລີຍ ຈຳຄຸກ 15 ປີ ປັບໃໝ 75.000.000 ກີບ.

4. ທ້າວ ອາແພງ ອາຍຸ 42 ປີ ອາຊີບ ກຳມະກອນ ຢູ່ບ້ານ ລ້ອງແຈ້ງ, ເມືອງ ລ້ອງແຈ້ງ ແຂວງໄຊສົມບູນ ຖືກກັກຕົວໃນວັນທີ 4 ເມສາ 2022 ໃນຂໍ້ຫາລະເມີດກົດຈະລາຈອນທີ່ພາໃຫ້ເກີດອຸປະຕິເຫດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ ທ້າວ ອາແພງ ຈຳເລີຍ ຈຳຄຸກ 2 ປີ ໃຫ້ປະຕິບັດ 3 ເດືອນ 24 ວັນ ສ່ວນເຫຼືອພາກໄວ້ ແລະ ປັບໃໝ 5.000.000 ກີບ.