ກະຊວງ ປກສ ໄດ້ຈັດພິທີມອບໂອນ ກົມກວດກາ-ກວດການ ໄປຂຶ້ນກັບ ກົມໃຫຍ່ການເມືອງ ປກສ ໃນວັນທີ 2 ສິງຫາ 2022, ເປັນປະທານໂດຍ ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງ ປກສ, ມີຄະນະພັກ-ຄະນະບັນຊາກົມກວດກາ-ກວດການ, ກົມຈັດຕັ້ງພະນັກງານ, ພະນັກງານ-ນັກຮົບ ເຂົ່າຮວມ.

ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງ ປກສ
ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງ ປກສ

ພັອ ບຸນລຽນ ສະອາດສີ ຮອງຫົວໜ້າກົມກວດກາ-ກວດການ ໄດ້ຜ່ານບົດສະຫຼຸບໂດຍຫຍໍ້ ໃຫ້ຮູ້ວ່າ:

ວຽກງານກວດກາ ແມ່ນມີມາພ້ອມກັບການກໍາເນີດຂອງກໍາລັງປ້ອງກັນຄວາມສະຫງົບ ເປັນຕົ້ນມາ, ແຕ່ວ່າການຈັດຕັ້ງຂອງວຽກງານກວດກາ ແມ່ນບໍ່ໄດ້ສ້າງຕັ້ງເປັນຂະແໜງວິຊາສະເພາະ.

ພັອ ບຸນລຽນ ສະອາດສີ ຮອງຫົວໜ້າກົມກວດກາ-ກວດການ
ພັອ ບຸນລຽນ ສະອາດສີ ຮອງຫົວໜ້າກົມກວດກາ-ກວດການ

ມາຮອດ ປີ 1994, ໄດ້ສ້າງຕັ້ງເປັນກົງຈັກການຈັດຕັ້ງໜຶ່ງຂຶ້ນກັບກະຊວງ ຕາມຄໍາສັ່ງຄະນະກໍາມະການກວດກາສູນກາງ ແລະ ດໍາລັດຂອງນາຍົກລັດຖະມົນຕີ ສະບັບເລກທີ 03/ນຍ, ລົງວັນທີ 10 ມັງກອນ 1994 ວ່າດ້ວຍ ການແຕ່ງຕັ້ງຫົວໜ້າ, ຮອງຫົວໜ້າຫ້ອງການ ແລະ ບັນດາກົມໃຫຍ່, ກົມເອກະລາດ ທີ່ຂຶ້ນກັບ ກະຊວງພາຍໃນ.

ສໍາລັບວຽກງານກວດກາ ແມ່ນອີງຕາມຂໍ້ຕົກລົງຂອງ ລັດຖະມົນຕີ ກະຊວງພາຍໃນ (ໃນໄລຍະນັ້ນ) ສະບັບ 167/ພນ, ລົງວັນທີ 18 ກຸມພາ 1994 ວ່າດ້ວຍ ການແຕ່ງຕັ້ງຄະນະກໍາມະການກວດກາ-ກວດການ ປກສ ເປັນຈຸດຂີດໝາຍລິເລີ່ມຂອງກົມກວດກາ; ພາຍຫຼັງສ້າງຕັ້ງຂຶ້ນ, ກົມກວດກາ ໄດ້ຮັບການປັບປຸງໃຫ້ດີຂຶ້ນເປັນກ້າວໆ ທັງໃນດ້ານກົງຈັກ, ດ້ານບຸກຄະລາກອນ ເຊິ່ງສະແດງອອກຄື ໄດ້ມີການຄົ້ນຄວ້າປັບປຸງພາລະບົດບາດ, ຂອບເຂດສິດ ແລະ ໜ້າທີ່.

ດ້ານວຽກງານວິຊາສະເພາະ-ວຽກງານກວດກາພັກ ແມ່ນໄດ້ສະຫຼຸບສະຖິຕິການເໜັງຕີງ, ການເຂົ້າຮ່ວມຊີວິດພັກ ແລະ ເສຍເງິນສະຖິຕິພັກ ຢູ່ບັນດາຄະ ນະພັກ, ຄະນະພັກຮາກຖານ ແລະ ໜ່ວຍພັກຮາກຖານ ອ້ອມຂ້າງ ກະຊວງ ປກສ; ພ້ອມນີ້, ຍັງໄດ້ຈັດຕັ້ງປະຕິບັດວຽກງານກວດກາລັດ ແລະ ຕ້ານການສໍ້ລາດບັງຫຼວງ, ກວດກາໂຄງການລົງທຶນຂອງລັດ ຢູ່ກະຊວງ ປກສ, ກວດກາຊັບສິນຂອງກາງຄະດີ, ຊັບສິນທີ່ສານຕັດສິນຮິບເປັນຂອງລັດ ແລະ ອື່ນໆອີກຈໍານວນໜຶ່ງ.

ພັທ ວັນໄຊ ຈັນທະສຸກ ຮອງຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງ ປກສ
ພັທ ວັນໄຊ ຈັນທະສຸກ ຮອງຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງ ປກສ

ຈາກນັ້ນ, ພັທ ວັນໄຊ ຈັນທະສຸກ ຮອງຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຂອງ ກະຊວງ ປກສ ລົງວັນທີ 792/ປກສ, ລົງວັນທີ 27 ພຶດສະພາ 2022 ວ່າດ້ວຍ ການມອບໂອນກົມກວດກາ-ກວດການ ປກສ ໄປຂຶ້ນກັບ ກົມໃຫຍ່ການເມືອງ ປກສ ດັ່ງນີ້:

ມາດຕາ 1: ມອບໂອນ ກົມກວດກາ-ກວດການ ປກສ ໄປຂຶ້ນກັບ ກົມໃຫຍ່ການເມືອງ ປກສ ໂດຍມີຖານະທຽບເທົ່າບັນດາຫ້ອງ ແລະ ກົມ ທີ່ຂຶ້ນກັບ ກົມໃຫຍ່ການເມືອງ ປກສ;

ມາດຕາ 2: ມອບໃຫ້ ກົມໃຫຍ່ການເມືອງ ປກສ ກໍານົດພາລະບົດບາດ, ໜ້າທີ່, ຂອບເຂດ ແລະ ສິດຂອງກົມດັ່ງກ່າວ ແລະ ບັນຈຸສັບຊ້ອນພະນັກງານຂັ້ນຕ່າງໆ ເຂົ້າໃສ່ຕາມຄວາມເໝາະສົມ ແລະ ຖືກຕ້ອງຕາມລະບຽບການ.