ຄະນະບໍລິຫານງານຊາວໜຸ່ມກົມໃຫຍ່ການເມືອງ ປກສ ໄດ້ຈັດກອງປະຊຸມ ເຜີຍແຜ່ມະຕິຂໍ້ຕົກລົງ ຂອງຄະນະ ພັກ ກົມໃຫຍ່ການເມືອງ ປກສ ລົງວັນທີ 5 ສິງຫາ 2019 ວ່າດ້ວຍການແບ່ງຄວາມຮັບຜິດຊອບວຽກງານວິຊາສະ ເພາະຂອງຄະນະບໍລິຫານງານຊາວໜຸ່ມກົມໃຫຍ່ການເມືອງ ປກສ ເພື່ອໃຫ້ບັນດາສະຫາຍທີ່ໄດ້ຮັບການແຕ່ງຕັ້ງຮັບຜິດຊອບແຕ່ລະວຽກງານ ຈົ່ງພ້ອມກັນປຶກສາຫາລືແບ່ງຄວາມຮັບຜິດຊອບກັນລະອຽດ, ຈັດຕັ້ງປະຕິບັດຕາມການມອບໝາຍໃຫ້ມີຜົນສໍາເລັດ, ມີຄວາມຮັບຜິດຊອບສູງຕໍ່ຂໍ້ຂາດຕົກບົກຜ່ອງ ແລະ ປະຕິບັດຕາມມະຕິຕົກລົງສະບັບນີ້ຢ່າງເຂັ້ມງວດ.
ການເຜີຍແຜ່ຈັດຂຶ້ນໃນວັນທີ 22 ສິງຫາ 2019 ເປັນປະທານ ໂດຍ ພັທ ປອ ວຽງໄຊ ທຳມະສິດ ເລຂາຄະນະບໍລິຫານງານຊາວໜຸ່ມກົມໃຫຍ່ການເມືອງ ປກສ, ມີ ບັນດາຄະນະໜ່ວຍຊາວໜຸ່ມອ້ອມຂ້າງກົມໃຫຍ່ການເມືອງ ແລະ ບັນດາສະຫາຍໃນຄະນະຮັບຜິດຊອບແຕ່ລະວຽກເຂົ້າຮ່ວມ.
ພັຕ ພອນວິລັດ ແສງດາລາ ຮອງເລຂາຄະນະຊາວໜຸ່ມ ກົມກໍ່ສ້າງກຳລັງ ທັງເປັນຫົວໜ້າຄະນະຮັບຜິດຊອບວຽກງານເສນາຂອງຊາວໜຸ່ມ ກົມໃຫຍ່ການເມືອງ ເຜີຍແຜ່ມະຕິຕົກລົງສະບັບດັ່ງກ່າວ ວ່າ: ຄະນະພັກກົມໃຫຍ່ ການເມືອງ ປກສ ຕົກລົງແຕ່ງຕັ້ງຄະນະຮັບຜິດຊອບແຕ່ລະວຽກງານວິຊາສະເພາະຂອງຊາວໜຸ່ມ ກົມໃຫຍ່ການເມືອງ ປກສ ຄື: ຄະນະຮັບຜິດຊອບວຽກງານຄັງເງິນສົດ, ວຽກງານຂຽນບົດສັງລວມ – ຂຽນເອກະສານຕ່າງໆ, ວຽກງານກິລາ-ກາຍະກຳ, ວຽກງານເກັບກຳສະຖິຕິ, ວຽກງານເສນາ, ວຽກງານເກັບກຳຮູບພາບ-ຫໍຂ່າວ, ວຽກ ງານຂ່າວສານ-ໂຄສະນາ, ວຽກງານສອນດີ-ຮຽນເກັ່ງ, ວຽກງານອອກແຮງງານລວມ, ວຽກງານສິລະປະ, ວຽກ ງານປ້ອງກັນ-ກວດກາ, ວຽກງານສ້າງກິດຈະກຳນອກສະຖານທີ່ຕ່າງໆ, ວຽກງານສ້າງລາຍຮັບເຂົ້າຄັງ.
ໂອກາດນີ້, ພັທ ປອ ວຽງໄຊ ທຳມະສິດ ໄດ້ເນັ້ນໃຫ້ແຕ່ລະສະຫາຍໃນຄະນະຮັບຜິດຊອບເພີ່ມທະວີຄວາມເອົາໃຈໃສ່ໃນການຈັດຕັ້ງປະຕິບັດວຽກງານທີ່ໄດ້ຮັບມອບໝາຍໃຫ້ມີຜົນສຳເລັດ, ພ້ອມກັນສ້າງບົດບາດ-ສ້າງຄວາມເຂັ້ມແຂງໃຫ້ຖັນແຖວຊາວໜຸ່ມທົ່ວກົມໃຫຍ່ການເມືອງເປັນຕົວແບບ ໃນທຸກດ້ານ. ກອງປະຊຸມຄັ້ງນີ້, ບັນດາຄະນະໜ່ວຍກົມກອງອ້ອມຂ້າງກົມ ໃຫຍ່ການເມືອງ ຍັງໄດ້ສ່ອງແສງລາຍງານສະພາບເຄື່ອນໄຫວຂອງແຕ່ລະພາກສ່ວນ; ຮັບຟັງການລາຍງານກ່ຽວກັບການຈັດຕັ້ງປະຕິດວຽກງານຄັງເງິນຂອງຊາວໜຸ່ມກົມໃຫຍ່ການເມືອງອີກດ້ວຍ.