ວັນທີ 1 ພຶດສະພາ 2020, ບໍລິສັດເອສທີ ກຣຸບ ແລະ ທະນາຄານເອສທີ ຈໍາກັດ ມອບກ້ອງຈັບອຸນຫະພູມ ຈໍານວນ 5 ຊຸດ ມູນຄ່າ 650.000.000 ກີບ, ກ່າວມອບໂດຍທ່ານ ຈິຣັດຊະຍຸດ ອໍາຍົງ ອໍານວຍການໃຫຍ່ທະນາຄານເອສທີ ຈໍາກັດ; ກຸ່ມບໍລິສັດ ດີເອຊເຄ ຈໍາກັດ (ບໍລິສັດນໍ້າຜາໃຫຍ່ຮາຍໂດຣພາວເວີ) ມອບເງິນຈໍານວນ 100.000.000 ກີບ, ກ່າວມອບໂດຍ ທ່ານ ໄຊຍະສິດ ຊານະແກ້ວ ອໍານວຍການບໍລິສັດນໍ້າຜາໃຫຍ່ຮາຍໂດຣພາວເວີ; ກ່າວຮັບໂດຍທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ຫົວໜ້າຄະນະສະເພາະກິດ ກ່ຽວກັບ ການສືບຕໍ່ປະຕິບັດບັນດາມາດຕະການໃນການປ້ອງກັນ, ຄວມຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ COVID-19 ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ສົມດີ ດວງດີ ໄດ້ກ່າວຂອບໃຈຕໍ່ອໍານວຍການທັງສອງບໍລິສັດທີ່ໄດ້ມອບເຄື່ອງອຸປະກອນ ແລະ ເງິນ ມອບໃຫ້ຄະນະສະເພາະກິດໃນຄັ້ງນີ້ ແລະ ນໍາເອົາເຄື່ອງອຸປະກອນ ແລະ ເງິນຈໍານວນດັ່ງກ່າວໄປມູນໃຊ້ເຂົ້າໃນການສະກັດກັ້ນປ້ອງກັນ ແລະ ແກ້ໄຂການແພລະບາດພະຍາດ COVID-19 ໃຫ້ໝົດໄປໃນສັງຄົມລາວໂດຍໄວ.
