ຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ໄດ້ຈັດພິທີເຜີຍແຜ່ເຊື່ອມຊຶມນິຕິກຳກ່ຽວກັບວຽກງານການກໍ່ສ້າງພັກ-ພະນັກງານໃນວັນທີ 21 ພຶດສະພາ 2018, ໂດຍການເຜີຍແຜ່ຂອງ ທ່ານ ເພັດ ພົມພິພັກ ຫົວໜ້າຫ້ອງ ວ່າການສຳນັກງານນາຍົກລັດຖະມົນຕີ, ມີບັນດາລັດຖະມົນຕີປະຈຳສຳນັກງານນາຍົກລັດຖະມົນຕີ, ຄະນະພັກ ຫສນຍ ພ້ອມດ້ວຍຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ-ພະນັກງານທົ່ວ ຫສນຍ ເຂົ້າຮ່ວມ.
ບັນດານິຕິກຳທີ່ນຳມາເຜີຍແຜ່ໃນຄັ້ງນີ້ ປະກອບມີ: ຄຳສັ່ງຂອງກົມການເມືອງສູນກາງພັກສະບັບເລກທີ 01/ກມສພ, ລົງວັນທີ 3 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກ ແໜ້ນ; ມະຕິຂອງກົມການເມືອງ ສູນກາງພັກສະບັບເລກທີ 030/ ກມສພ, ລົງວັນທີ 3 ມັງກອນ 2018 ວ່າດ້ວຍມາດຖານຂອງພະນັກງານນຳພາ-ຄຸ້ມຄອງ; ມະຕິຂອງກົມການເມືອງສູນກາງພັກສະບັບເລກທີ 031/ກມສພ,ລົງວັນທີ 3 ມັງກອນ 2018 ວ່າດ້ວຍວຽກງານຄຸ້ມຄອງພະນັກງານ; ມະຕິຂອງກົມການເມືອງສູນກາງພັກສະບັບເລກທີ 032/ກມສພ, ລົງວັນທີ 3 ມັງກອນ 2018 ວ່າດ້ວຍວຽກງານສ້າງແຜນກຳນົດພະນັກງານນຳພາ-ຄຸ້ມຄອງ; ຄຳສັ່ງ ຂອງຄະນະເລຂາທິການສູນກາງພັກ ສະບັບເລກທີ 04/ຄລສພ, ລົງວັນທີ 7 ພຶດສະພາ 2018 ວ່າດ້ວຍການກະກຽມດຳເນີນກອງປະຊຸມໃຫຍ່ອົງຄະນະພັກກະຊວງ-ອົງການ, ແຂວງ, ນະຄອນຫຼວງວຽງຈັນ ແລະ ຮາກຖານພັກໃນຂອບເຂດທົ່ວປະເທດ; ຄຳແນະນຳຂອງຄະນະຈັດຕັ້ງສູນກາງພັກສະບັບເລກທີ 291/ຄຈສພ, ລົງວັນທີ 26 ເມສາ 2018 ວ່າດ້ວຍການຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ; ຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 292 /ຄຈສພ, ລົງວັນທີ 26 ເມສາ 2018 ວ່າດ້ວຍການຈັດຕັ້ງປະຕິບັດຄຳສັ່ງຂອງກົມການເມືອງ ສູນກາງພັກວ່າດ້ວຍມາດຖານຂອງພະ ນັກງານນຳພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະ ວຽກງານກໍ່ສ້າງແຜນກຳນົດພະນັກງານນຳພາ-ຄຸ້ມຄອງ; ຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 100/ຄຈສພ, ລົງວັນທີ 19 ກຸມພາ 2018 ວ່າດ້ວຍການຈັດຕັ້ງຜັນຂະຫຍາຍເນື້ອໃນກອງປະຊຸມວຽກງານຈັດຕັ້ງ ແລະ ການກໍ່ສ້າງພັກ-ພະນັກງານປະຈຳປີ 2017. 
ຈຸດປະສົງຂອງການເຜີຍແຜ່ນິຕິກຳດັ່ງກ່າວ, ແມ່ນເພື່ອເຮັດໃຫ້ສະມາຊິກພັກ, ພະນັກງານທົ່ວ ຫສນຍ ໄດ້ຮັບຮູ້, ເຊື່ອມຊຶມ ແລະ ເຂົ້າໃຈຢ່າງຖືກຕ້ອງ, ເລິກເຊິ່ງ, ມີຄວາມເປັນເອກະພາບ ແລະ ມີປະສິດທິຜົນໃນການຜັນຂະຫຍາຍ ແລະ ຈັດຕັ້ງປະຕິບັດບັນດານິຕິກຳທີ່ນຳມາເຜີຍແຜ່ໃນຄັ້ງນີ້ ກໍຄືນິຕິກຳກ່ຽວກັບການກໍ່ສ້າງພັກ-ພະນັກງານເວົ້າລວມ, ເວົ້າສະເພາະແມ່ນເພື່ອເສີມຂະຫຍາຍມູນເຊື້ອອັນດີງາມ, ຜົນງານທີ່ໂດດເດັ່ນ ແລະ ດ້ານດີ, ເດັດດ່ຽວປັບ ປຸງ, ແກ້ໄຂຈຸດອ່ອນ-ຂໍ້ຄົງຄ້າງ ແລະ ສິ່ງທ້າທາຍທົດສອບທີ່ເປັນອັນຕະລາຍຕໍ່ພັກເຮົາ, ເຊີດຊູບົດບາດການນຳພາຂອງພັກ ແລະ ຍົກສູງແບບຢ່າງນຳໜ້າຂອງຖັນແຖວສະມາຊິກພັກ, ຮັບປະກັນໃຫ້ພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນເປັນກ້າວໆ; ທັງເປັນບ່ອນອີງພື້ນຖານໃນການເລືອກເຟັ້ນ, ການສ້າງແຜນກຳນົດ, ກໍ່ສ້າງ, ບຳ ລຸງ, ຕີລາຄາ, ສັບຊ້ອນ, ຈັດວາງ, ແຕ່ງຕັ້ງພະນັກງານເຂົ້າໃນຕຳແໜ່ງນຳພາ-ຄຸ້ມຄອງແຕ່ລະຂັ້ນສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຕົວຈິງໃນໂຄງປະກອບບຸກຄະລາກອນໃຫ້ຄົບຊຸດທາງດ້ານຈຳນວນ ແລະ ຄຸນນະພາບ, ສ້າງເງື່ອນໄຂໃຫ້ພະນັກງານ-ສະມາຊິກພັກໄດ້ຝຶກຝົນຫຼ່ໍຫຼອມຕົນເອງ ໃຫ້ມີຄວາມກ້າວໜ້າຢ່າງບໍ່ຢຸດຢັ້ງແນໃສ່ສ້າງເງື່ອນໄຂອັນໜັກແໜ້ນໃຫ້ການກໍ່ສ້າງພັກ-ພະນັກງານ ເພື່ອປະກອບສ່ວນເຂົ້າໃນການປົກປັກຮັກ ສາ ແລະ ສ້າງສາພັດທະນາປະເທດຊາດ ໃຫ້ບັນລຸຕາມຈຸດໝາຍສັງຄົມນິຍົມ; ເຊິ່ງການເຜີຍແຜ່ແມ່ນຈະໄດ້ດຳເນີນແຕ່ວັນທີ 21-22 ພຶດສະພາ 2018 ຈິ່ງຈະສຳເລັດ.
