ກອງບັນຊາການ ປກສ ເມືອງນາແລ ແຂວງຫຼວງນໍ້າທາ ໄດ້ຈັດພິທີປະກາດການເລື່ອນຊັ້ນໃຫ້ ນາຍ ແລະ ພົນຕຳຫຼວດ ໃນວັນ ທີ 28 ສິງຫາ 2018 ໂດຍການເປັນປະທານ ແລະ ປະດັບຊັ້ນ ໂດຍ ພັທ ກອງແກ້ວ ຄຳເພັງເລີດ ຫົວໜ້າກອງບັນຊາການ ປກສ ເມືອງນາແລ, ມີຄະນະພັກ-ຄະນະກອງບັນຊາການ, ຫົວໜ້າ-ຮອງພະແນກ, ປກສ ກຸ່ມບ້ານ ແລະ ພະນັກງານ-ນັກຮົບຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ.
ພັຕ ຄຳເຝືອ ແສງສະຫວັນ ຫົວໜ້າພະແນກການເມືອງ ກອງບັນຊາການ ປກສ ເມືອງນາແລ ໄດ້ຜ່ານຂໍ້ຕົກລົງຂອງກົມໃຫຍ່ການເມືອງ ປກສ ເລກທີ 2135/ ກມປສ ລົງວັນທີ 19 ກໍລະ ກົດ 2018 ແລະ ຂໍ້ຕົກລົງຂອງກອງບັນຊາການ ປກສ ແຂວງຫຼວງນໍ້າທາ ສະບັບເລກທີ 5706/ ກປນທ, ລົງວັນທີ 14 ສິງຫາ 2018 ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫຼວດທີ່ຂຶ້ນກັບກອງ ບັນຊາການ ປກສ ເມືອງນາແລ; ໃນນີ້, ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ 5 ສະຫາຍ, ສິບເອກ ຂຶ້ນ ວາທີ 3 ສະຫາຍ.
ຂ່າວຍັງໃຫ້ຮູ້ຕື່ມອີກວ່າ: ໃນວັນດຽວກັນ, ກອງບັນຊາການ ປກສ ເມືອງສິງ ແຂວງຫຼວງນໍ້າທາ ໄດ້ຈັດພິທີປະກາດການເລື່ອນຊັ້ນໃຫ້ນາຍ ແລະ ພົນຕຳຫຼວດ; ໃນນີ້, ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ 7 ສະຫາຍ, ສິບເອກ ຂຶ້ນ ວາທີ 4 ສະຫາຍ, ຊັ້ນ I ຂຶ້ນ ສິບຕີ 1 ສະຫາຍ. ໃຫ້ກຽດປະດັບຊັ້ນໂດຍ ພັທ ຈັນຖອນ ຖິ່ນສະຫວັນ ຮອງຫົວໜ້າກອງບັນຊາການ ປກສ ເມືອງສິງ.
