ໃນວັນທີ 7 ມັງກອນ 2019 ກະຊວງການເງິນ ໄດ້ຈັດກອງປະຊຸມສະຫຼຸບວຽກງານການເງິນປະຈໍາປີ 2018 ແລະ ທິດທາງ 2019, ໂດຍການເຂົ້າຮ່ວມເປັນປະທານຂອງ ທ່ານ ສົມດີ ດວງດີ ຮອງນາຍົກລັດຖະມົນຕີລັດຖະມົນຕີ ກະຊວງການເງິນ, ມີບັນດາທ່ານຕາງໜ້າອ້ອມຂ້າງກະຊວງ, ບັນດາເຈົ້າແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ປອ ອາດສະພັງທອງ ສີພັນດອນ ຮອງລັດຖະມົນຕີ ກະຊວງການເງິນ ໄດ້ຜ່ານບົດລາຍງານສະຫຼຸບຕີລາຄາໂດຍສັງເຂບກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2018 ຄື:
ຄາດຄະເນດ້ານລາຍຮັບໝົດປີ ສາມາດປະຕິບັດລາຍຮັບທັງໝົດ 25.469,15 ຕື້ກີບ ເທົ່າກັບ 100,17% ຂອງແຜນການປີ ສ່ວນລາຍຮັບພາຍໃນແມ່ນ 22.421,32 ຕື້ກີບ; ໃນນີ້, ລາຍຮັບສ່ວຍສາອາກອນ ປະຕິບັດໄດ້ 94,33%, ລາຍຮັບພາສີໄດ້ 96,07%, ລາຍຮັບຄຸ້ມຄອງວິສາຫະກິດລັດລົງທຶນ ແລະ ປະກັນໄພ ໄດ້ 172,27% ແລະ ລາຍຮັບ ຊັບສິນຂອງລັດໄດ້ 103,85% ແລະ ດ້ານລາຍຈ່າຍຄາດຄະເນໝົດປີຕາມຕົວເລກໃນເບື້ອງຕົ້ນແມ່ນຢູ່ໃນລະດັບປະມານ 32.692,74 ຕື້ກີບ ຫຼື ເທົ່າກັບ 99,64% ຂອງແຜນການປີ ເຊິ່ງໃນນັ້ນໄດ້ລວມເອົາບັນດາລາຍຈ່າຍທີ່ຂະແໜງການ ແລະ ທ້ອງຖິ່ນ
ເປັນຕົ້ນແມ່ນ: ລາຍຈ່າຍວິຊາການ, ເງິນບໍາເນັດ, ເກັບລາຍຮັບເກີນແຜນຂອງບັນດາແຂວງ ແລະ ເງິນແກ້ໄຂວຽກງານໄພພິບັດ 100 ຕື້ກີບ ທີ່ໄດ້ຈັດສັນເຂົ້າໃນລາຍຈ່າຍການລົງທຶນຂອງລັດ; ຖ້າອີງໃສ່ຕົວເລກຄາດຄະເນການຈັດຕັ້ງ ປະຕິບັດລາຍຮັບ-ລາຍຈ່າຍ ງົບປະມານໝົດປີ 2018 ຄາດວ່າຈະມີການຂາດດູນງົບປະມານຈໍານວນ 7.196,59 ຕື້ກີບ ຫຼື ປະມານ 4,72% ຂອງ GDP ( ແຜນຂາດດູນ ທີ່ສະພາຮັບຮອງ ມີຈໍານວນ 7.357,41 ຕື້ກີບ ຫຼື ເທົ່າກັບ 4,92% ຂອງ GDP, GDP ຄາດວ່າຈະບັນລຸໄດ້ຈໍານວນ 152.425 ຕື້ກີບ).
ໃນນີ້, ລາຍຮັບສ່ວຍສາອາກອນ ປະຕິບັດໄດ້ 94,33%, ລາຍຮັບພາສີໄດ້ 96,07%, ລາຍຮັບຄຸ້ມຄອງວິສາຫະກິດລັດລົງທຶນ ແລະ ປະກັນໄພ ໄດ້ 172,27% ແລະ ລາຍຮັບ ຊັບສິນຂອງລັດໄດ້ 103,85% ແລະ ດ້ານລາຍຈ່າຍຄາດຄະເນໝົດປີຕາມຕົວເລກໃນເບື້ອງຕົ້ນແມ່ນຢູ່ໃນລະດັບປະມານ 32.692,74 ຕື້ກີບ ຫຼື ເທົ່າກັບ 99,64% ຂອງແຜນການປີ ເຊິ່ງໃນນັ້ນໄດ້ລວມເອົາບັນດາລາຍຈ່າຍທີ່ຂະແໜງການ ແລະ ທ້ອງຖິ່ນ ເປັນຕົ້ນແມ່ນ: ລາຍຈ່າຍວິຊາການ, ເງິນບໍາເນັດ, ເກັບລາຍຮັບເກີນແຜນຂອງບັນດາແຂວງ ແລະ ເງິນແກ້ໄຂວຽກງານໄພພິບັດ 100 ຕື້ກີບ ທີ່ໄດ້ຈັດສັນເຂົ້າໃນລາຍຈ່າຍການລົງທຶນຂອງລັດ; ຖ້າອີງໃສ່ຕົວເລກຄາດຄະເນການຈັດຕັ້ງ ປະຕິບັດລາຍຮັບ-ລາຍຈ່າຍ ງົບປະມານໝົດປີ 2018 ຄາດວ່າຈະມີການຂາດດູນງົບປະມານຈໍານວນ 7.196,59 ຕື້ກີບ ຫຼື ປະມານ 4,72% ຂອງ GDP ( ແຜນຂາດດູນ ທີ່ສະພາຮັບຮອງ ມີຈໍານວນ 7.357,41 ຕື້ກີບ ຫຼື ເທົ່າກັບ 4,92% ຂອງ GDP, GDP ຄາດວ່າຈະບັນລຸໄດ້ຈໍານວນ 152.425 ຕື້ກີບ).
ສະເພາະໃນປີ 2019 ແມ່ນຍັງຈະສືບຕໍ່ສູ້ຊົນແກ້ໄຂບັນຫາຄວາມຫຍຸ້ງຍາກທາງດ້ານງົບປະມານ ແລະ ຫັນປ່ຽນໃໝ່ ໂດຍກ້າວເຂົ້າສູ່ການປະຕິຮູບການຄຸ້ມຄອງການເງິນພາກລັດຢ່າງຕັ້ງໜ້າ, ຫັນເປັນທັນສະໄໝຢ່າງທັນການ ແລະ ກວ້າງຂວາງ ເຮັດໃຫ້ການເກັບລາຍຮັບ ແລະ ການປະຕິບັດລາຍຈ່າຍງົບປະມານ ມີປະສິດທິຜົນ-ເຂັ້ມງວດກວ່າເກົ່າ ແນໃສ່ເຮັດໃຫ້ເສດຖະກິດແຫ່ງຊາດເຕີບໂຕຕາມຄາດໝາຍວາງໄວ້ຢ່າງໜ້ອຍ 6,7% ຫຼື ເທົ່າກັບ 165.475 ຕື້ກີບ.
