ຫ້ອງພະລາທິການ ປກສ ແຂວງຫຼວງນໍ້າທາ ຈັດກອງປະຊຸມສະຫຼຸບວຽກງານຮອບດ້ານ ປະຈຳປີ 2018 ແລະ ທິດທາງແຜນການ ປີ 2019 ຂຶ້ນໃນອາທິດຜ່ານມາ, ໂດຍການເປັນປະທານຂອງ ພັທ ນາງ ດາລີວອນ ສິນວົງສາ ຫົວໜ້າຫ້ອງພະລາທິການ ປກສ ແຂວງ ແລະ ເຂົ້າຮ່ວມມີ ພັທ ເຊັງ ມອງປະດິດ ຮອງຫົວໜ້າກອງບັນຊາການ ປກສ ແຂວງ, ມີບັນດາຄະນະພັກ-ຄະນະບັນຊາຂັ້ນຫ້ອງ, ກອງ, ຄ້າຍ, ຕະຫຼອດຮອດພະນັກງານພາຍໃນຫ້ອງ ເຂົ້າຮ່ວມ.
ພັທ ນາງ ດາລີວອນ ສິນວົງສາ ກ່າວວ່າ:
ໄລຍະ 1 ປີຜ່ານມາ, ຫ້ອງພະລາທິການ ປກສ ແຂວງ ໄດ້ສົມທົບກັບ ຫ້ອງອ້ອມຂ້າງກອງບັນຊາການ, ບັນດາປະຕູດ່ານ, ຂະແໜງການທີ່ກ່ຽວຂ້ອງ ເພື່ອເກັບລາຍຮັບວິຊາການ ໄດ້ທັງໝົດ 5.801.527.000 ກີບ.
ໃນນັ້ນ, ລາຍຮັບຈາກ ລປພ ຈຳນວນ 747.300.000 ກີບ, ລາຍຮັບຈາກ ກອງບັນຊາການ ປກສ ເມືອງລອງ ຈຳນວນ 405.518.000 ກີບ, ປກສ ເມືອງຫຼວງນໍ້າທາ ຈຳນວນ 364.664.000 ກີບ, ຄ້າຍຄຸມຂັງ-ດັດສ້າງ 363.332.100 ກີບ, ປກສ ເມືອງສິງ ຈໍານວນ 306.219.000 ກີບ, ປກສ ເມືອງວຽງພູຄາ ຈຳນວນ 278.885.000 ກີບ, ປກສ ເຂດ-ບໍ່ເຕ່ນ ຈຳນວນ 133.795.000 ກີບ ແລະ ປກສ ເມືອງນາແລ ຈໍານວນ 86.249.000 ກີບ;
ເຊິ່ງໃນປີ 2018 ໄດ້ຮັບຕົວເລກແຜນແບ່ງການຈັດເກັບລາຍຮັບເງິນວິຊາການຈາກ ກະຊວງ ຈຳນວນ 271.910.000 ກີບ ແລະ ປະຕິບັດມອບຕົວຈິງຜ່ານລະບົບຄັງເງິນແຫ່ງຊາດ ໄດ້ 579.430.000 ກີບ ທຽບໃສ່ແຜນປີ ມອບເງິນເກີນ 307.520.000 ກີບ.
ໂອກາດດຽວກັນນັ້ນ, ທ່ານຮອງຫົວໜ້າກອງບັນຊາການ ປກສ ແຂວງ ໄດ້ສະແດງຄຳຍ້ອງຍໍຊົມເຊີຍຕໍ່ບັນດາສະຫາຍ, ຄະນະພັກ-ຄະນະບັນຊາຂັ້ນຫ້ອງ ທີ່ພ້ອມກັນຍາດໄດ້ຜົນງານຫຼາຍດ້ານ ໃນໄລຍະຜ່ານມາ ແລະ ໄດ້ເນັ້ນໃຫ້ພ້ອມກັນສືບຕໍ່ສຶກສາອົບຮົມການເມືອງ-ແນວຄິດ ໃຫ້ພະນັກງານ-ນັກຮົບ ເປັນປົກກະຕິທົ່ວເຖິງ ແລະ ຕໍ່ເນື່ອງ, ເອົາໃຈໃສ່ປະຕິບັດໜ້າທີ່ວຽກງານວິຊາສະເພາະ ໃຫ້ນັບມື້ດີຂຶ້ນເປັນກ້າວໆ.