ໃນວັນທີ 24 ເມສາ 2019 ພັອ ຖາວອນ ບຸນກອງພິມ ຮອງຫົວໜ້າກອງບັນຊາການ ປກສ ແຂວງຈໍາປາສັກ ລົງຊີ້ນຳວຽກງານກໍ່ສ້າງຮາກຖານຢູ່ບ້ານທ່າຫີນເໜືອ ນະຄອນປາກເຊ, ມີຫົວໜ້າກອງເລຂາລົງກໍ່ສ້າງຮາກຖານ ປກສ ແຂວງຈຳປາສັກ ທັງເປັນຮອງຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ປກສ ແຂວງ, ຫົວໜ້າກອງບັນຊາການ ປກສ ນະຄອນປາກເຊ, ມີ ປກສ ບໍລິການປະຊາຊົນ ແລະ ປກສ ບ້ານ ທີ່ຂຶ້ນກັບກຸ່ມ 1 ແລະ ນາຍບ້ານໆທ່າຫີນເໜືອເຂົ້າຮວ່ມ.
ໃນກອງປະຊຸມ, ທ່ານນາຍບ້ານໆທ່າຫີນເໜືອ ໄດ້ລາຍງານຄືນ ໂດຍສະເພາະຜົນງານການຈັດຕັ້ງປະຕິບັດຊີ້ນໍາໆພາໃນຂົງເຂດຄວາມຮັບຜິດຊອບພາຍໃນບ້ານທ່າຫີນເໜືອ ໂດຍສະເພາະແມ່ນວຽກງານການຄຸ້ມຄອງສຳມະໂນຄົວການເກັບກຳການເໜັງຕີງຂອງພົນລະເມືອງພາຍໃນບ້ານ ເປັນຕົ້ນແມ່ນ ການຍ້າຍໜີ-ຍ້າຍ ມາຄົນທີ່ມາພັກເຊົາຊົ່ວຄາວ ແລະ ອື່ນໆ ຕິດພັນກັບການແກ້ໄຂປະກົດການຫຍໍ້ທໍ້ພາຍໃນບ້ານທີ່ເຫັນວ່າມີລັກສະນະມີຄວາມສະຫງົບ, ມີຄວາມເປັນລະບຽບຮຽບຮ້ອຍ ໂດຍພື້ນຖານ.
ໃນໂອກາດດຽວກັນນີ້, ທ່ານ ຮອງຫົວໜ້າກອງບັນຊາການ ປກສ ແຂວງ ໄດ້ໃຫ້ທິດຊີ້ນໍາໃຫ້ການເກັບກໍາການເໜັງຕີງຂອງພົນລະເມືອງພາຍໃນບ້ານທ່າຫີນເໜືອ, ການຍ້າຍໜີ-ຍ້າຍມາຂອງພົນລະເມືອງ, ບຸກຄົນທີ່ມາພັກເຊົ່າຊົ່ວຄາວຕິດພັນກັບການເຮັດວຽກງານ ການແກ້ໄຂປະກົດການຫຍໍ້ທໍ້, ຕິດຕາມເປົ້າໝາຍທີ່ເຄື່ອນໄຫວ ບໍ່ດີພາຍໃນບ້ານຈາກນັ້ນຕ້ອງໄດ້ ເອົາໃຈໃສ່ໂຄສະນາເຜີຍແຜ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ໃຫ້ກັບພໍ່ແມ່ປະຊາຊົນ ພາຍໃນບ້ານໃຫ້ທົ່ວ ເຖິງ, ປຸກລະດົມຊຸກຍູ້ໃຫ້ພໍ່ແມ່ປະຊາຊົນມີສ່ວນຮ່ວມໃນການປະກອບສວ່ນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ເລິກເຊິ່ງເພີ່ມທະວີຄວາມຮັບຜິດຊອບໃຫ້ສູງໃນການຈັດຕັ້ງປະຕິບັດວຽກງານປ້ອງກັນເວນຍາມ ຂອງ ປກສ ກຸ່ມ ແລະ ປກສ ບ້ານ ໃຫ້ເຂັ້ມແຂງທາງດ້ານການຈັດຕັ້ງ ມີແບບແຜນວິທີເຮັດວຽກ, ມີການສະຫຼຸບສ່ອງແສງລາຍງານຕໍ່ຂັ້ນເທິງຕາມສາຍຕັ້ງທັງນີ້ ກໍເພື່ອເຮັດໃຫ້ຢູ່ຂັ້ນຮາກຖານບ້ານທ່າຫີນເໜືອ ມີຄວາມສະຫງົບ, ມີຄວາມເປັນລະບຽບມຮຽບຮ້ອຍ ໂດຍພື້ນຖານ.