ປະຊາຊົນຈໍານວນຫຼາຍຄອບຄົວທີ່ອາໃສ່ຢູ່ຕາມເສັ້ນທາງງ ເລກທີ່ 13 ເຂດເມືອງນາຊາຍທອງ ນະຄອນຫຼວງວຽງຈັນ ໄດ້ຮັບຜົນກະທົບຫຼາຍພໍສົມຄວນ ເນື່ອງຈາກມີຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ນໍ້າໄຫຼເຊາະເອົາຫົນທາງ ແລະ ເຮືອນ ໄດ້ຮັບຄວາມເສຍຫາຍ; ເຊິ່ງສາເຫດ ນໍ້າຖ້ວມເສັ້ນທາງ 13 ເໜືອ ແລະ ເຮືອນປະຊາຊົນ ຍ້ອນປະຊາຊົນພາກັນທັບຖົມດິນຕັນທາງຂອງນໍ້າ ເຮັດໃຫ້ນໍ້າຖ້ວມກະທັນຫັນ.
ໃຫ້ສໍາພາດຕໍ່ນກຂ່າວໜັງສືພິມຄວາມສະຫງົບ ໃນວັນທີ 27 ສິງຫາ ນີ້ວ່າ:
ໃນລະຫວ່າງວັນທີ 26-27 ສິງຫາ ທີ່ຜ່ານມາ, ສະພາບ ການກາດມີການປ່ຽນແປງ-ຝົນຕົກແຮງຕິດຕໍ່ກັນຫຼາຍຊົ່ວໂມງ ເຮັດໃຫ້ປະລິມານນໍ້າເພີ່ມຂຶ້ນສູງໄຫຼເຂົ້າຖ້ວມເສັ້ນທາງເລກທີ່ 13 ເໜືອ ແລະ ເຮືອນປະຊາຊົນ 2 ບ້ານໄດ້ຮັບຄວາມເສຍຫາຍຫຼາຍ ໂດຍສະເພາະຂອບເຂດບ້ານຫົວຂົວ ປະຊາຊົນ ແລະ ບ້ານຜ່າງແຫ້ງ ຖະໜົນຫົນທາງພົບບັນຫາຫຍຸ້ງຍາກ ເນື່ອງຈາກວ່າ ມີກະແສນໍ້າໄຫຼຢ່າງແຮງ, ໄຫຼເຂົ້າຖ້ວມເຮືອນຊານພໍ່-ແມ່ປະຊາຊົນ ເຮັດໃຫ້ເຮືອນເປ່ເພ ແລະ ໄດ້ຮັບຄວາມເສຍຫາຍຈຳນວນ ຫຼາຍຫຼັງ. ພ້ອມນີ້, ເສັ້ນທາງຍັງຖືກນໍ້າເຊາະຂາດເປັນບວກ, ເປັນຂຸມ ເຮັດໃຫ້ການສັນຈອນຕິດຂັດ, ລົດມອດຢູ່ກາງທາງ, ລົດລົ້ມ ແລະ ບາງຄົນຖືກນ້ຳພັດ ເຮັດໃຫ້ລົດຈັກລົ້ມໄດ້ຮັບບາດເຈັບຕື່ມອີກ.
ພັຕ ວຽງສະຫວັນ ກິດຕິສັກ ກ່າວວ່າ: ສາເຫດທີ່ພາໃຫ້ນໍ້າຖ້ວມແມ່ນຍ້ອນປະລິມານນໍ້າຝົນປີນີ້ຫຼາຍກວ່າທຸກໆປີທີ່ຜ່ານມາ ເຮັດໃຫ້ນໍ້າຖ້ວມຂັງອັງອໍໄວ ຍ້ອນບໍ່ມີບ່ອນລະບາຍນໍ້າ, ເຊິ່ງປະຊາຊົນທີ່ອາໄສໃນຂອບເຂດດັ່ງກ່າວ ມີການຖົມດິນ ແລ້ວບໍ່ຂຸດຮ່ອງລະບາຍນໍ້າ ແລະ ບັນດາໂຄງການທີ່ກ່ຽວຂ້ອງ ເມື່ອເຮັດໂຄງການແລ້ວ ແຕ່ພັດຂຸດຮ່ອງລະບາຍນໍ້ານ້ອຍ ເຮັດໃຫ້ການລະບາຍນໍ້າບໍ່ທັນກັບປະລິມານ ຫຼື ໄຫຼໄດ້ໜ້ອຍ; ເຊິ່ງເຫດການນໍ້າຖ້ວມໃນບໍລິເວນດັ່ງກ່າວນີ້ ແມ່ນ 3 ປີຕິດຕໍ່ກັນແລ້ວ.
