ຄະນະ ໜ່ວຍພັກຫ້ອງການ ກອງບັນຊາການປ້ອງກັນສູນກາງ (ປກ) ກະຊວງ ປກສ ໄດ້ເອົາໃຈໃສ່ເຮັດວຽກງານກໍ່ສ້າງພັກ-ກໍ່ສ້າງ ພະນັກງານເປັນປົກກະຕິ ໂດຍປະຕິບັດຕາມ 5 ຫຼັກການ 3 ທິດນຳຂອງຂັ້ນເທິງວາງອອກຢ່າງເຂັ້ມງວດ ສາມາດສ້າງພັກ ແລະ ສະມາຊິກພັກມີຄວາມປອດໃສເຂັ້ມແຂງໜັກແໜ້ນ.
ກອງປະຊຸມໃຫຍ່ ຄັ້ງທີ II ຂອງໜ່ວຍພັກຫ້ອງການ ໄດ້ຈັດຂຶ້ນໃນວັນທີ 28 ສິງຫາ 2019, ເຂົ້າຮ່ວມໂດຍ ສະຫາຍ ພັອ ສົມໝາຍ ພົມມະຈັນ ຄະນະປະຈຳພັກ ຮອງຫົວໜ້າກອງບັນຊາການປ້ອງກັນສູນກາງ, ມີຄະ ນະພັກ, ສະມາຊິກພັກສົມບູນ ແລະ ແຂກ ຮັບເຊີນເຂົ້າຮ່ວມ; ສະຫາຍ ພັທ ສີນະຄອນ ສຸລິວົງສາ ເລຂາໜ່ວຍ ພັກ ຫົວໜ້າຫ້ອງການ ປກ ຜ່ານບົດລາຍງານການຊີ້ນຳ-ນຳພາ ໄລຍະ 3 ປີຜ່ານມາວ່າ: ຄະນະໜ່ວຍພັກຫ້ອງການໄດ້ເອົາໃຈໃສ່ເຮັດວຽກງານກໍ່ສ້າງພັກ-ກໍ່ສ້າງພະນັກງານຢ່າງຕໍ່ເນື່ອງ ໂດຍໄດ້ຍຶດໝັ້ນ ແລະ ປະ ຕິບັດຢ່າງເຂັ້ມງວດຕາມ 5 ຫຼັກການ 3 ທິດນໍາໃນການກໍ່ສ້າງ ແລະ ປັບປຸງພັກໃຫ້ປອດໃສ, ເຂັ້ມແຂງ, ໜັກແໜ້ນ, ເຮັດໃຫ້ສະມາ ຊິກພັກ ມີສະຕິເຄົາລົບ ແລະ ປະຕິບັດກົດລະບຽບຂອງພັກ, ປະຕິບັດລະບອບຮ່ວມຊີວິດພັກ, ສ່ອງແສງລາຍ ງານ, ເສຍເງິນບໍາລຸງພັກ ເປັນປົກກະຕິ ແລະ ໄດ້ຄົ້ນຄວ້າຂຶ້ນເປົ້າໝາຍມະຫາຊົນກ້າວໜ້າເຂົ້າພັກ, ເລື່ອນສະມາ ຊິກພັກສໍາຮອງຂຶ້ນສົມບູນປີລະ 2-3 ສະຫາຍ ແລະ ໄດ້ເອົາໃຈໃສ່ໃນການກໍານົດເປົ້າໝາຍບໍາລຸງ-ກໍ່ສ້າງພະນັກ ງານ, ບັນຈຸຈັດວາງພະນັກງານເຂົ້າໃນຕໍາແໜ່ງງານຕ່າງໆແຕ່ລະພະ ແນກຢ່າງເໝາະສົມທີ່ມີລັກສະນະສືບທອດຕໍ່ເນື່ອງ, ທັງຮັບປະກັນທາງດ້ານຄຸນທາດການເມືອງ, ມີຄວາມຮູ້-ຄວາມສາມາດໃນລະດັບອັນແນ່ນອນ. ໃນນັ້ນ, ໄດ້ຮັບການແຕ່ງຕັ້ງເປັນຮອງຫ້ອງ 2 ສະຫາຍ, ຫົວໜ້າາພະແນກ 2 ສະຫາຍ, ຮອງພະແນກ 3 ສະຫາຍ ແລະ ໄປຍົກລະດັບທາງດ້ານວິຊາສະເພາະທັງບໍາລຸງ-ກໍ່ສ້າງຢູ່ພາຍໃນ ແລະ ຕ່າງປະເທດ 13 ສະຫາຍ ແລະ ດ້ານທິດສະດີ 2 ສະຫາຍ.
ກອງປະຊຸມໄດ້ປ່ອນບັດເລືອກເອົາຄະນະໜ່ວຍພັກຫ້ອງການຊຸດໃໝ່ ໂດຍມີຜູ້ລົງສະໝັກ 5 ສະຫາຍ, ເລືອກເອົາ 3 ສະຫາຍ. ໃນນັ້ນ, ເລືອກໄດ້ ພັທ ສີນະຄອນ ສຸລິວົງສາ ເປັນເລຂາໜ່ວຍພັກຫ້ອງການ, ສະຫາຍ ພັທ ໄພ ສອນ ສີຫາໄຊ ເປັນຮອງເລຂາ ແລະ ສະຫາຍ ພັທ ບຸນຕັ້ງ ພະໂຄຕະມະ ເປັນປະທານກວດກາພັກ ເພື່ອສືບຕໍ່ເຮັດວຽກງານກໍ່ສ້າງພັກ – ກໍ່ສ້າງພະນັກງານ ຢ່າງເນື່ອງນິດລຽນຕິດ ແລະ ເປັນປະຈຳ ໂດຍຍົກສູງບົດບາດການນໍາພາຂອງພັກ, ສ້າງພັກໃຫ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ສ້າງໃຫ້ສະມາຊິກພັກເຄົາລົບ ແລະ ປະຕິບັດກົດລະບຽບຂອງພັກ, ມີລະບຽບວິໄນ, ມີສະຕິຕໍ່ການຈັດຕັ້ງທັງສຸມໃສ່ສຶກສາອົບຮົມມະຫາຊົນຜູ້ດີເດັ່ນຈາກຂະບວນການວຽກງານຕົວຈິງ ເຂົ້າເປັນສະມາຊິກພັກ ໃຫ້ສາມາດຮັບປະກັນໄດ້ທັງປະລິມານ ແລະ ຄຸນນະພາບ.