ຂ່າວຕ່າງປະເທດລາຍງານໃນວັນທີ 29 ສິງຫາ ທີ່ຜ່ານມາວ່າ: ເຈົ້າໜ້າທີ່ຕຳຫຼວດໂກລົມບີ ສາມາດ ຢຶດກັນຊາ ນ້ຳໜັກລວມ 300 ກິໂລກຼາມ ທີ່ພະຍາຍາມລັກລອບນຳເຂົ້າມາດ້ວຍການຊຸກເຊື່ອງໃນໂລງສົບ ຫວັງຫຼົບຫຼີກເຈົ້າໜ້າທີ່ ລະຫວ່າງການກວດຄົ້ນທີ່ດ່ານຂ້າມຊາຍແດນໃນແຂວງຊັນທັນເດີທາງພາກເໜືອຂອງໂກລົມບີ.
ທ່ານ ຟາບຽນ ອອນປິນາ ຫົວໜ້າບັນຊາການຕຳຫຼວດທ້ອງຖິ່ນ ກ່າວວ່າ ເຈົ້າໜ້າທີ່ປະຈຳດ່ານຂ້າມຊາຍແດນພົບພິລຸດທີ່ສົງໄສຈາກລົດຂົນສົ່ງສົບຄັນໜຶ່ງ, ເຊິ່ງບັນທຸກໂລງສົບໄມ້ 2 ໂລງ ຈຶ່ງສັ່ງເປີດໂລງກວດສອບວ່າ ຂ້າງໃນເປັນສົບແທ້ ຫຼື ບໍ່. ຜ່ານການກວດກາຂອງເຈົ້າໜ້າທີ່ ປະກົດວ່າໃນໂລງສົບນັ້ນເຕັມໄປດ້ວຍຫໍ່ເຈ້ຍກັນຊາຈຳ ນວນຫຼວງຫຼາຍ ມູນຄ່າໃນຕະຫຼາດຫຼາຍແດນໂດລາສະຫະລັດ ຈຶ່ງຢຶດເປັນຂອງກາງ ພ້ອມຈັບກຸມຄົນຂັບລົດຂົນສົ່ງໂລງສົບໄປສອບສວນ ແລະ ກັກຂັງ ເພື່ອດຳເນີນຄະດີຕໍ່ໄປ.
ສຳລັບໂກລົມບີ ເປັນໜຶ່ງໃນສູນກາງສຳລັບການປູກກັນຊາ ກ່ອນຈະຖືກລັກລອບຂົນສົ່ງໄປທົ່ວໂລກ. ແຕ່ໃນປັດຈຸບັນ, ມີຫຼາຍປະເທດສັ່ງຊື້ກັນຊາ ເພື່ອນຳມາໃຊ້ປະໂຫຍດທາງການແພດທີ່ຖືກຕ້ອງຕາມກົດໝາຍ.
