ກະຊວງ ປກສ ໄດ້ຈັດພິທີປະກາດເລື່ອນຊັ້ນ ພັນໂທ ຂຶ້ນເປັນ ພັນເອກ ໃຫ້ນາຍຕໍາຫຼວດ ໃນວັນທີ 28 ມັງກອນ 2020, ເປັນປະທານ ແລະ ປະດັບຊັ້ນໂດຍ ພົທ ວິໄລ ຫຼ້າຄໍາຟອງ ລັດຖະມົນຕີ ກະຊວງ ປກສ, ໂດຍມີ ຮອງລັດຖະມົນຕີ, ຄະນະປະຈຳພັກກະຊວງ, ຫົວໜ້າກົມ-ຮອງກົມ, ວິທະຍາຄານ, ລັດວິສາຫະກິດ ແລະ ນາຍຕໍາຫຼວດຜູ້ທີ່ໄດ້ຮັບການເລື່ອນຊັ້ນ ເຂົ້າຮ່ວມ.
ພົຕ ວັນທອງ ກອງມະນີ ຫົວໜ້າກົມໃຫຍ່ການເມືອງ ປກສ ໄດ້ຜ່ານດໍາລັດຂອງ ນາຍົກລັດຖະມົນຕີ ສະບັບເລກທີ 47-69/ນຍ ລົງວັນທີ 15 ມັງກອນ 2020 ວ່າດ້ວຍ ການເລື່ອນຊັ້ນ ພັນໂທ ຂຶ້ນເປັນ ພັນເອກ ຈໍານວນ 23 ສະຫາຍ ຄື:
- ພັອ ຄອນສະຫວັນ ສົມພາໄຊ ຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງ ປກສ
- ພັອ ປອ ຫຸມພັນ ຜິວເຂັມພອນ ຫົວໜ້າກົມພັກ ກົມໃຫຍ່ການເມືອງ ປກສ
- ພັອ ປອ ຄໍາເສັງ ໄຊສົມພົງ ຮອງຫົວໜ້າກົມ 209 ກົມໃຫຍ່ສັນຕິບານ
- ພັອ ຈັນທະວົງ ພະສຸນົນ ຮອງຫົວໜ້າຫ້ອງການ ກົມໃຫຍ່ສັນຕິບານ
- ພັອ ພູທອນ ວົງພະໄຕ ຮອງຫົວໜ້າກົມ 200 ກົມໃຫຍ່ສັນຕິບານ
- ພັອ ວົງລິດ ອິນສຸມັງ ຮອງຫົວໜ້າກົມ 201 ກົມໃຫຍ່ສັນຕິບານ
- ພັອ ວາດສະໜາ ວິລະວົງ ຮອງຫົວໜ້າກົມຕໍາຫຼວດສືບຂ່າວອາຍາ ກົມໃຫຍ່ຕໍາຫຼວດ
- ພັອ ຄອນສີ ເນົາວະລາດ ຫົວໜ້າກົມຕໍາຫຼວດຝຶກແອບ ແລະ ນໍາໃຊ້ໝາວິຊາສະເພາະ ກົມໃຫຍ່ຕໍາຫຼວດ
- ພັອ ທອງຂັນ ສີສຸພັນທອງ ຫົວໜ້າກົມຕໍາຫຼວດສາກົນ ກົມໃຫຍ່ຕໍາຫຼວດ
- ພັອ ວິທອງ ພົມທະວີ ຮອງຫົວໜ້າກົມເສນາທິການ ຫ້ອງວ່າການ ກະຊວງ ປກສ
- ພັອ ເຄນທະວີໄຊ ເພັດພະນາ ຮອງຫົວໜ້າກົມເລຂາ ຫ້ອງວ່າການ ກະຊວງ ປກສ
- ພັອ ລຸນທອງ ເພັງມີໄຊ ຮອງຫົວໜ້າກົມກົດລັບ ຫ້ອງວ່າການ ກະຊວງ ປກສ
- ພັອ ກີ້ ຈັນທະວົງສາ ຫົວໜ້າກົມພົວພັນຕ່າງປະເທດ ຫ້ອງວ່າການກະຊວງ ປກສ
- ພັອ ສຸວັນນີ ສິດທິໄຊ ຮອງຫົວໜ້າກົມບໍລິຫານ ຫ້ອງວ່າການ ກະຊວງ ປກສ
- ພັອ ພູທອນ ພົນໂພສີລາຫົງ ຫົວໜ້າກົມຄຸ້ມຄອງການຜະລິດ-ທຸລະກິດ ກົມໃຫຍ່ພະລາທິການ
- ພັອ ບຸນມີ ວົງຄໍາແສນ ຮອງຫົວໜ້າກົມອຸປະໂພກ-ບໍລິໂພກ ກົມໃຫຍ່ພະລາທິການ
- ພັອ ປອ ສີພອນ ພັນທະວົງ ຫົວໜ້າຫ້ອງການເມືອງ ວິທະຍາຄານສັນຕິບານປະຊາຊົນ
- ພັອ ປອ ຈິດວິໄຊ ແກ້ວມະນີວົງ ຫົວໜ້າຫ້ອງຄຸ້ມຄອງວິທະຍາສາດ ວິທະຍາຄານຕໍາຫຼວດປະຊາຊົນ
- ພັອ ປອ ໂອໄດ ທິລັນດາ ຫົວໜ້າຫ້ອງຄຸ້ມຄອງຫຼັກສູດການສຶກສາ ວິທະຍາຄານຕໍາຫຼວດປະຊາຊົນ
- ພັອ ໂອລົມ ອິນທະວົງ ຮອງຫົວໜ້າກອງບັນຊາການ ປກສ ແຂວງໄຊສົມບູນ
- ພັອ ກາຍຍະສອນ ສິງວິໄຊ ຮອງຫົວໜ້າກອງບັນຊາການ ປກສ ແຂວງບໍ່ແກ້ວ
- ພັອ ສີວອນ ໄຊຍະວົງ ຮັກສາການຫົວໜ້າກອງບັນຊາການ ປກສ ແຂວງອຸດົມໄຊ
- ພັອ ທອງຂຽວ ທໍາມະວົງ ຮອງຫົວໜ້າກົມ 203 ກົມໃຫຍ່ສັນຕິບານ
ທັ້ງນີ້, ພົທ ວິໄລ ຫຼ້າຄໍາຟອງ ໄດ້ໃຫ້ທິດຊີ້ນໍາຕໍ່ຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້ ຕະຫຼອດຮອດ ຄະນະພັກ-ຄະນະນໍາແຕ່ລະຂັ້ນ ຈົ່ງພ້ອມກັນເພີ່ມທະວີຮັກສາຄວາມສາມັກຄີພາຍໃນ ໃຫ້ໜັກແໜ້ນ ກໍຄື ຄວາມສາມັກຄີໃນລະບຽບຫຼັກການ, ຍົກສູງສະຕິຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ມີຄວາມເປັນເອກະພາບພາຍໃນພັກ, ເປັນກໍາລັງແຮງອັນດຽວກັນ ເຊິ່ງຈະເປັນເງື່ອນໄຂພື້ນຖານ ໃນການຈັດຕັ້ງປະຕິບັດໜ້າທີ່ວຽກງານການເມືອງ ໃຫ້ມີຜົນສໍາເລັດ ເພື່ອຫຼີກລ່ຽງຫາງສຽງ ແລະ ຮັບປະກັນຜົນປະໂຫຍດອັນຊອບທໍາ ໃນກົມກອງຂອງຕົນ.