ວັນທີ 2 ເມສາ 2020, ບໍລິສັດ, ນັກທຸລະກິ ຜູ້ປະກອບການ ໄດ້ນຳເອົາວັດຖຸປັດໄຈຈຳນວນໜຶ່ງ ມອບເປັນທຶນສົມທົບໃຫ້ອົງການປົກຄອງເມືອງເງິນ ແຂວງໄຊຍະບູລີ ເພື່ອນຳໄປໃຊ້ເຂົ້າໃນການເຝົ້າລະວັງການຕ້ານ ແລະ ສະກັດກັ້ນ ການລະບາດພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ຫຼື ໂຄວິດ 19 ຢູ່ເມືອງເງິນ.
ການປະກອບສ່ວນມອບເຄື່ອງຊ່ວຍເຫຼືອຄັ້ງນີ້, ມີ ທ່ານ ເຕີຍ ສົມສັກ ປະທານບໍລິສັດ ທີທີ ພາວເວີ ໂຕໂທ ປະກອບສ່ວນເງິນສົດ ແລະ ນໍ້າດື່ມ ລວມມູນຄ່າ 7.000.000 ກີບ, ທ່ານ ສັນຕິໄຊ ບູລົມມະວົງ ປະທານ ບໍລິສັດຂົ່ນສົ່ງສິນຄ້າ ປະກອບສ່ວນເງິນສົດ ແລະ ນ້ຳໃຊ້ ໃຫ້ແກ່ສູນຈຳກັດບໍລິເວນ ໂຮງຮຽນ ມັດທະຍົມສຶກສາຕອນຕົ້ນ ດອກເຜີ້ງ ລວມເປັນ 3.000.000 ກີບ, ທ່ານ ວັນໄຊ ສີກັນໄຈ ປະທານ ບໍລິສັດ ສີກັນໄຈການຄ້າ ຂາເຂົ້າ-ຂາອອກ ມອບເງິນສົດ 2.000.000 ກີບ ແລະ ທ່ານ ສອນເພັດ ຜົນວິຈິດ ຫົວໜ້າດ່ານພາສີສາກົນນ້ຳເງິນ ປະກອບສ່ວນເຄື່ອງບໍລິໂພກ ເຊັ່ນ: ໝີ່, ປາກະປ໋ອງ, ໄຂ່, ນ້ຳດື່ມ ລວມມູນຄ່າທັງໝົດ 1.500.000 ກີບ ກ່າວຮັບໂດຍ ທ່ານ ທະວິສັກ ໄຊຍະວົງ ຮອງເຈົ້າເມືອງໆເງິນ.