ບໍລິສັດ ຊີມັງຄອນຈ໌ ຈໍາກັດ ມອບຢາກວດເຊື້ອພະຍາດ COVID-19 ແລະ ເຄື່ອງວັດແທກອຸນຫະພູມ ໃຫ້ນະຄອນຫຼວງວຽງຈັນ (ນວ) ລວມມູນຄ່າ 202.000.000 ກີບ ໃນວັນທີ 29 ເມສາ 2020; ກ່າວມອບໂດຍ ທ່ານ ນາງ ອໍລະໄທ ສັນຕິຄົງຄາ ຮອງປະທານບໍລິສັດ ຊີມັງຄອນຈ໌ ຈໍາກັດ ອໍານວຍການໃຫຍ່ບໍລິສັດກຽດຕະພົງ ກຣຸບ ແລະ ກ່າວຮັບໂດຍ ທ່ານ ພູຂົງ ບັນນາວົງ ຮອງເຈົ້າຄອງນະຄອນຫຼວງ ພ້ອມດ້ວຍພະນັກງານຫຼັກແຫຼ່ງສອງພາກສ່ວນເຂົ້າຮ່ວມ.
“ດີໃຈຫຼາຍທີ່ທາງບໍລິສັດຕົນໄດ້ເປັນສ່ວນໜຶ່ງທີ່ໄດ້ປະກອບສ່ວນມອບເຄື່ອງດັ່ງກ່າວ ເຂົ້າໃນວຽກງານຕ້ານ ແລະ ສະກັດກັ້ນພະຍາດ COVID-19 ເພື່ອບໍ່ໃຫ້ແພ່ລາມໄປໃນວົງກວ້າງ ແລະ ເຮັດໃຫ້ໝົດໄປຢູ່ ສປປ ລາວ”.
ທ່ານ ພູຂົງ ບັນນາວົງ ໄດ້ຕາງໜ້າຄະນະນໍານະຄອນຫລວງວຽງຈັນ ກ່າວຂອບໃຈເປັນຢ່າງສູງຕໍ່ບໍລິສັດ ຊີມັງຄອນຈ໌ ຈໍາກັດ ທີ່ເຫັນໄດ້ຄວາມສໍາຄັນຂອງວຽກງານສະກັດກັ້ນ ແລະ ຕ້ານການແພລະບາດພະຍາດ COVID-19 ພ້ອມທັງຈະເອົາເຄື່ອງດັ່ງກ່າວໄປມອບໃຫ້ພາກສ່ວນທີ່ກ່ຽວຂ້ອງໃຫ້ໄປນໍາໃຊ້ເຂົ້າໃນການປະຕິບັດວຽກງານຕົວຈິງໃຫ້ໄດ້ຮັບໝາກຜົນສູງ ແລະ ໄດ້ມອບໃບກຽດຕິຄຸນໃຫ້ບໍລິສັດດັ່ງກ່າວ.
