ໃນທ້າຍອາທິດທີ່ຜ່ານມານີ້, ພະແນກຕຳຫຼວດຈະລາຈອນ ປກສ ແຂວງຜົ້ງສາລີ ໄດ້ລົງຊຸກຍູ້ວຽກງານວິຊາສະເພາະ ແລະ ໂຄສະນາປູກຈິດສໍານຶກຄວາມປອດໄພທາງຫຼວງ ຢູ່ 2 ເມືອງ ຄື: ເມືອງບຸນເໜືອ, ເມືອງຍອດອູ ແລະ ຢູ່ບັນດາສໍານັກງາ-ອົງການປົກເມືຶອງ, ນໍາໂດຍ ພັທ ຄໍາຕຸ່ນ ສຸວັນ ຮອງຫ້ອງຕໍາຫຼວດຜູ້ຊີ້ນໍາວຽກງານຈະລາຈອນ ພ້ອມທີມງານມີ, ຄະນະພັກ-ຄະນະບັນຊາ ປກສ ໃນສອງເມືອງ, ມີພ້ອມດ້ວຍນາຍ ແລະ ພົນຕໍາ ຫຼວດ ແລະ ພະນັກງານ-ລັດຖະກອນ ໃນສອງ ເມືອງເຂົ້າຮ່ວມ.
![](https://www.lsecuritynews.com/wp-content/uploads/2022/07/DSC_0245-1.jpg)
ໃນພິທີ, ຜູ້ເຂົ້າຮ່ວມໄດ້ຮັບຟັງເອກະສານ ຄວາມຮູ້ພື້ນຖານກ່ຽວກັບການດໍາເນີນຄະດີອຸບັດຕິເຫດ. ນອກນີ້, ຍັງໄດ້ຮັບຟັງການໂຄສະນາປູກຈິດສໍານຶກຄວາມປອດໄພທາງຫຼວງ ເປັນຕົ້ນແມ່ນການຈະລາຈອນທາງບົກ, ການສັນຈອນຕາມທ້ອງຖະໜົນຫຼວງ, ຄວາມໝາຍຄວາມສໍາຄັນຂອງບັນດາປ້າຍຫ້າມຕ່າງໆ, ເຊິ່ງຜ່ານການຈັດຕັ້ງປະຕິບັດຕົວຈິງໄລຍະຜ່ານມາ ແມ່ນເຫັນ ໄດ້ຫຼາຍບັນຫາປະກົດຂຶ້ນຕິດພັນກັບການຂັບຂີ່, ການສັນຈອນ ເຊັ່ນ: ນັກຂັບຂີ່ສ່ວນຫຼາຍບໍ່ໃສ່ໝວກ ກັນກະທົບ, ບໍ່ໃສ່ສາຍຮັດນິລະໄພ, ດື່ມສິ່ງມືນເມົາແລ້ວຂັບຂີ່, ດັດແປງສະພາບລົດ, ການຂັບຂີ່ລົດ ເປັນຂະບວນ ແລະ ບັນຫາອື່ນໆ ເຊິ່ງເປັນສາທີ່ເຫດພາໃຫ້ເກີດອຸບັດຕິເຫດ ແລະ ເຮັດໃຫ້ສັງຄົມບໍ່ມີຄວາມສະຫງົບ.
![](https://www.lsecuritynews.com/wp-content/uploads/2022/07/DSC_0250-2.jpg)
ການລົງໂຄສະນາໃນຄັ້ງນີ້, ທີມງານ ປກສ ແຂວງ ຍັງໄດ້ນໍາເອົາບັນດານິກໍາປະມວນອາຍາ, ດໍາລັດ 568 ແລະ ດໍາລັດ 615 ວ່າດ້ວຍການປັບ ໄໝ ແລະ ມາດຕະການອື່ນໆ ຕໍ່ຜູ້ ລະເມີດກົດໝາຍ ແລະ ລະບຽບການກ່ຽວກັບການຈະລາຈອນ ທາງບົກ ເຊິ່ງໃນແຕ່ລະມາດຕາແມ່ນໄດ້ຍົກໃຫ້ ເຫັນຄວາມຮັບຊອບ ແລະ ຄວາມເປັນອັນຕະລາຍບຂອງການລະເມີດກົດຈະລາຈອນ ໂດຍການສາຍພາບ LCD ໃຫ້ໄດ້ຮັບຊົມ ພ້ອມ ທັງຍົກໃຫ້ເຫັນສາເຫດ ແລະ ຜົນກະທົບຈາ ການເກີດອຸບັດຕິເຫດໃນໄລຍະຜ່ານມາ.
![](https://www.lsecuritynews.com/wp-content/uploads/2022/07/DSC_0154-1.jpg)
ທັງນີ້, ແນໃສ່ເຮັດໃຫ້ທຸກພາກສ່ວນຮັບຮູ້-ເຂົ້າໃຈ ແລະ ມີສະຕິເຄົາລົບກົດໝາຍຈະລາຈອນໃຫ້ມີຄວາມຮັບຜິດຊອບເປັນເຈົ້າການປະຕິບັດ ຢ່າງເຂັ້ມງວດ, ມີສ່ວນຮ່ວມໃນການໂຄສະນາຊ່ວຍເຈົ້າໜ້າທີ່ ເພື່ອເຮັດໃຫ້ການຂັບຂີ່ພາຫະນະ, ການໃຊ້ລົດ-ໃຊ້ຖະໜົນຢູ່ໃນສັງຄົມມີຄວາມເປັນລະບຽບຮຽບຮ້ອຍ ແລະ ຊ່ວຍໃຫ້ອຸບັດຕິເຫດຕາມທ້ອງຖະໜົນຫຼວງ ນັບມື້ຫຼຸດໜ້ອຍຖອຍລົງ.