ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ຈັດພິທີປະກາດນະໂຍບາຍຍົກຂັ້ນເງິນເດືອນ ແລະ ເລື່ອນຊັ້ນໃຫ້ນາຍຕຳຫຼວດ ໃນວັນທີ 9 ມີ ນາ 2023, ເປັນປະທານ ແລະ ປະດັບຊັ້ນ ໂດຍ ພົຕ ຄຳກິ່ງ ຜຸຍຫຼ້າມະນີວົງ ຮອງລັດຖະມົນຕີຫົວໜ້າກົມໃຫຍ່ຕຳຫຼວດ, ມີຄະນະພັກ, ຄະນະບັນຊາກົມ, ຫ້ອງ, ແຂກຮັບເຊີນ ພ້ອມດ້ວຍນາຍຕຳຫຼວດທີ່ໄດ້ຮັບການເລື່ອນຊັ້ນເຂົ້າຮ່ວມ.
![](https://www.lsecuritynews.com/wp-content/uploads/2023/03/DSC_9523.jpg)
ພັທ ອຸໄທ ມະຫາວົງ ຮອງຫົວ ໜ້າຫ້ອງການເມືອງ ກົມໃຫຍ່ຕຳ ຫຼວດ ໄດ້ຜ່ານຂໍ້ຕົກລົງຂອງລັດ ຖະມົນຕີກະຊວງປ້ອງກັນຄວາມ ສະຫງົບ ວ່າດ້ວຍການການປະຕິບັດນະໂຍບາຍຍົກຂັ້ນເງິນເດືອນໃຫ້ນາຍຕຳຫຼວດ ກົມໃຫຍ່ຕຳຫຼວດ. ໃນນີ້, ຍົກຂັ້ນເງິນເດືອນຊັ້ນ ພັທ ຂຶ້ນເປັນຊັ້ນ ພັອ ໃຫ້ 2 ສະ ຫາຍ ຄື: ສະຫາຍ ວົງພະຈັນ ຜອງສົມບັດ ຮອງຫົວໜ້າກົມຕໍາຫຼວດສິ່ງແວດລ້ອມ ແລະ ສະຫາຍ ແກ້ວວິໄລ ມີໄຊພອນ ຮອງຫົວໜ້າກົມຕໍາຫຼວດນິຕິວິທະຍາ; ພ້ອມທັງຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍຕຳຫຼວດ ຈໍານວນ 83 ສະຫາຍ ຍິງ 29 ສະ ຫາ. ໃນນັ້ນ, ເລື່່ອນຊັ້ນ ພັຕ ຂຶ້ນ ພັທ 11 ສະຫາຍ, ຮອ ຂຶ້ນ ພັຕ 24 ສະຫາຍ ແລະ ຮທ ຂຶ້ນ ຮອ 48 ສະຫາຍ.
![](https://www.lsecuritynews.com/wp-content/uploads/2023/03/DSC_9525.jpg)
ໂອກາດນີ້, ພົຕ ຄຳກິ່ງ ຜຸຍຫຼ້າມະນີວົງ ໄດ້ໂອ້ລົມວ່າ: ສໍາລັບການປະກາດການປະຕິບັດນະໂຍບາຍຍົກຂັ້ນເງິນເດືອນ, ເລື່ອນຊັ້ນໃຫ້ນາຍຕຳຫຼວດໃນຄັ້ງນີ້ ແມ່ນການຈັດຕັ້ງປະຕິບັດກົດໝາຍວ່າ ດ້ວຍກໍາລັງປ້ອງກັນຄວາມສະຫງົບ ທີ່ກຳນົດໄວ້ ແລະ ຍັງແມ່ນການປະຕິບັດນະໂຍບາຍຕໍ່ນາຍ-ພົນຕຳ ຫຼວດຜູ້ທີ່ມີຜົນງານ ແລະ ຜູ້ທີ່ມີຄຸນງາມຄວາມດີໃນການປະກອບສ່ວນເຂົ້າໃນວຽກງານວິຊາສະເພາະທີ່ຕົນຮັບຜິດຊອບຕະຫຼອດໄລຍະຜ່ານມາ; ເຊິ່ງເປັນຂີດໝາຍຜົນສໍາເລັດໃນເບື້ອງຕົ້ນເທົ່ານັ້ນ, ເພື່ອໃຫ້ສົມຄູ່ກັບກັບຜົນງານບັນດາສະຫາຍຕ້ອງມີຄວາມສະດຸ້ງໄວ, ມີຄວາມຕື່ນຕົວ ແລະ ຈັດຕັ້ງປະ ຕິບັດຄໍາສັ່ງຂອງຂັ້ນເທິງຢ່າງເຂັ້ມງວດ, ຕັ້ງຕໍ່ຈັດຕັ້ງປະຕິບັດໜ້າທີ່ການເມືອງທີ່ໄດ້ຮັບມອບໝາຍຈາກພັກ-ລັດ, ການຈັດຕັ້ງຂັ້ນເທິງໃນໜ້າທີ່ວຽກ ງານຂອງຕົນດ້ວຍຄວາມຮັບຜິດຊອບສູງ.
![](https://www.lsecuritynews.com/wp-content/uploads/2023/03/DSC_9540.jpg)
ພ້ອມນັ້ນ, ພົຕ ຄຳກິ່ງ ຜຸຍຫຼ້າມະນີວົງ ຍັງເນັ້ນໃຫ້ຜູ້ທີ່ໄດ້ຮັບການເລື່ອນຊັ້ນ ຈະຕ້ອງໄດ້ເພີ່ມທະວີ ແລະ ຍົກສູງສະຕິ, ຄວາມຮັບຜິດຊອບ ແລະ ເອົາຈິງເອົາຈັງໃນການປະຕິບັດໜ້າທີ່ການເມືອງທີ່ຂັ້ນເທິງມອບໝາຍໃຫ້ ເປັນຕົ້ນແມ່ນຄວາມເປັນແບບຢ່າງໃນການເຮັດໜ້າທີ່ວຽກງານ, ຕ້ອງມີຄວາມບໍລິສຸດສັດຊື່ຕໍ່ພັກ-ລັດ, ປະຕິບັດລະບຽບກົດໝາຍຂອງລັດ ແລະ ປະຕິບັດຫຼັກການວິຊາສະເພາະຂອງກຳລັງປ້ອງກັນຄວາມສະຫງົບ, ເພີ່ມທະວີຄວາມສາມັກຄີຄວາມເປັນເອກະພາບພາຍໃນພັກ, ພາຍໃນກົມກອງຂອງຕົນໃຫ້ດີ, ມີທັດສະນະຫຼັກໝັ້ນການເມືອງໜັກແໜ້ນ ແລະ ສະຕິລະວັງຕົວຕໍ່ກົມອຸບາຍແບ່ງແຍກມ້າງເພທຳລາຍຂອງສັດຕູຝຶກຝົນຫຼ່ໍຫຼອມ ຕົນເອງຢ່າງຕັ້ງໜ້າ, ຄົ້ນຄວ້າຊອກຮູ້ຮ່ຳຮຽນ, ຍົກລະດັບຄວາມຮູ້-ຄວາມສາມາດດ້ານຕ່າງໆ ໃຫ້ສູງຂຶ້ນ ເພື່ອເຮັດຫຼ້ອນໜ້າທີ່ ການເມືອງຂອງຕົນ, ຈັດຕັ້ງປະຕິ ບັດເນື້ອໃນ 4 ບຸກທະລຸ, ວາລະ ແຫ່ງຊາດ ກໍຄື 1 ແຜນງານ, 4 ໂຄງການ ແລະ ວຽກງານຈຸດສຸມ, ກໍຄືທິດທາງແຜນການຂອງກົມໃຫຍ່ຕຳຫຼວດວາງອອກໃຫ້ມີຜົນສໍາເລັດ ແລະ ກ້າວຂຶ້ນເປັນກຳລັງທີ່ມີແບບແຜນທັນສະໄໝເທື່ອລະກ້າວ.
![](https://www.lsecuritynews.com/wp-content/uploads/2023/03/DSC_9541.jpg)