ກົມໃຫຍ່ການເມືອງ ກະຊວງ ປກສ ໄດ້ຈັດກອງປະຊຸມສະຫຼຸບ ແລະ ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈໍາປີ 2022 ໃນວັນທີ 17 ມີນາ 2022, ເປັນປະທານໂດຍ ສະຫາຍ ພົຈວ ປອ ສູວັນນີ ສີສຸພາບມີໄຊ ຄະນະພັກກະຊວງ ຮອງເລຂາຄະນະພັກ ຮອງຫົວໜ້າກົມໃຫຍ່ການເມືອງ ປກສ, ມີເລຂາ-ຮອງເລຂາໜ່ວຍພັກ, ບັນດາຫ້ອງ, ກົມກອງ, ສະມາຊິກພັກ ອ້ອມຂ້າງ ກົມໃຫຍ່ການເມືອງ ເຂົ້າຮ່ວມ.
+ ສະຫາຍ ພັອ ວັນນະເລດ ບຸດຕະວົງ ເລຂາໜ່ວຍພັກຮາກຖານ ຫົວໜ້າຫ້ອງການເມືອງ ໄດ້ຜ່ານບົດສະຫຼຸບວ່າ:
ຜ່ານການຈັດຕັ້ງປະຕິບັດຕີລາຄາຄັດເລືອກແບ່ງປະເພດສະມາຊິກພັກ, ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2022 ມີຈໍານວນສະມາຊິກພັກເຂົ້າຮ່ວມການຕີລາຄາຄັດເລືອກແບ່ງປະເພດຕົວຈິງ ຈຳນວນ 832 ສະຫາຍ ຍິງ 291 ສະຫາຍ, ບໍ່ໄດ້ຕີລາຄາຄັດເລືອກແບ່ງປະເພດ ຈໍານວນ 66 ສະຫາຍ ຍິງ 13 ສະຫາຍ (ເຫດຜົນຍົກຍ້າຍມາໃໝ່ ແລະ ພັກປິ່ນປົວ), ເຊິ່ງຈັດແບ່ງປະເພດໄດ້ດັ່ງນີ້:
- ສະມາຊິກພັກ ໄດ້ປະເພດແຂງ ມີຈໍານວນ 809 ສະຫາຍ ຍິງ 280 ສະຫາຍ, ກວມເອົາ 97,23% ທຽບໃສ່ປີ 2021 ເພີ່ມຂຶ້ນ 1,05%
- ສະມາຊິກພັກ ໄດ້ປະເພດກາງ ມີຈຳນວນ 21 ສະຫາຍ ຍິງ 11 ສະຫາຍ, ກວມເອົາ 2,52% ທຽບໃສ່ປີ 2021 ເພີ່ມຂຶ້ນ 1,13%
- ສະມາຊິກພັກ ປະເພດອ່ອນ ມີຈຳນວນ 1 ສະຫາຍ ກວມເອົາ 0,12% ທຽບໃສ່ປີ 2021 ເພີ່ມຂຶ້ນ 0,12 %
- ສະມາຊິກພັກ ປະເພດເສຍທາດ ມີຈຳນວນ 1 ສະຫາຍ ກວມເອົາ 0,12% ທຽບໃສ່ປີ 2021 ເພີ່ມຂຶ້ນ 0,12%
+ ຕີລາຄາປະເພດການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ:
ຄະນະພັກກົມໃຫຍ່ການເມືອງ ປ້ອງກັນຄວາມສະຫງົບ ມີ 13 ໜ່ວຍພັກຮາກຖານ, 3 ຄະນະພັກຮາກຖານ, 13 ໜ່ວຍພັກຂຶ້ນກັບ, ໄດ້ແບ່ງປະເພດ 25 ຫົວໜ່ວຍ, ໜ່ວຍພັກທີ່ບໍ່ໄດ້ແບ່ງປະເພດ 1 ຫົວໜ່ວຍ, ໂດຍຜົນການຕີລາຄາແບ່ງປະເພດ ຄັດເລືອກໄດ້ດັ່ງນີ້:
- ໜ່ວຍພັກປອດໃສ ເຂັ້ມແຂງ ໜັກແໜ້ນ ໄດ້ຈຳນວນ 19 ໜ່ວຍພັກ, ກວມ 76%
- ໜ່ວຍພັກກາງ 6 ໜ່ວຍພັກ ກວມ 24%
- ໜ່ວຍພັກທີ່ບໍ່ໄດ້ແບ່ງ ແມ່ນໜ່ວຍພັກນັກສຶກສາ ຮຸ່ນທີ XVII (ໂຮງຮຽນທິດສະດີການເມືອງ) ມາໃໝ່
ທຽບໃສ່ປີ 2021 ໜ່ວຍພັກປອດໃສ ເຂັ້ມແຂງ ໜັກແໜ້ນ ຈາກ 23 ຫົວໜ່ວຍ ຫຼຸດລົງເປັນ 19 ໜ່ວຍ, ໜ່ວຍພັກປອດໃສ ເຂັ້ມແຂງ ໜັກແໜ້ນ ຫຼຸດລົງ 4 ໜ່ວຍພັກ, ໜ່ວຍພັກກາງ ຈາກ 2 ໜ່ວຍພັກ ເພີ່ມມາເປັນ 6 ໜ່ວຍພັກ.
+ ໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2022 ມີບັນດາໜ່ວຍພັກຮາກຖານ ດັ່ງນີ້:
- ໜ່ວຍພັກຮາກຖານ ກົມໂຄສະນາອົບຮົມ
- ໜ່ວຍພັກຮາກຖານ ກົມພັກ
- ໜ່ວຍພັກຮາກຖານ ກົມພະນັກງານ
- ໜ່ວຍ ພັກຮາກຖານ ກົມກໍ່ສ້າງກຳລັງ
- ໜ່ວຍພັກຮາກຖານ ກົມປ້ອງກັນກຳລັງ
- ໜ່ວຍພັກຮາກຖານ ກົມນະໂຍບາຍ
- ໜ່ວຍພັກຮາກຖານ ຄະນະບໍລິຫານງານຊາວໜຸ່ມ ກະຊວງ ປກສ
- ໜ່ວຍພັກຮາກຖານ ຫ້ອງສະຫະພັນແມ່ຍິງ ກະຊວງ ປກສ
- ໜ່ວຍພັກຮາກຖານ ຫ້ອງການເມືອງ
- ໜ່ວຍພັກຮາກຖານ ກົມປະກັນສັງຄົມ
- ໜ່ວຍພັກຮາກຖານ ກົມກວດກາ-ກວດການ
- ໜ່ວຍພັກຄຸ້ມຄອງການສຶກສາ (ໂຮງຮຽນທິດສະດີການເມືອງ)
- ໜ່ວຍພັກນັກສຶກສາ XVI (ໂຮງຮຽນທິດສະດີການເມືອງ)
- ໜ່ວຍພັກພະແນກບໍລິຫານ (ໂຮງຮຽນວັດທະນະທໍາ ຫຼັກ 67)
- ໜ່ວຍພັກພະແນກສຶກສາ (ໂຮງຮຽນວັດທະນະທຳ ຫຼັກ 67)
- ໜ່ວຍພັກພະແນກບໍລິຫານ (ກົມສື່ມວນຊົນ)
- ໜ່ວຍພັກກອງບັນນາທິການວິທະຍຸ (ກົມສື່ມວນຊົນ)
- ໜ່ວຍພັກກອງບັນນາທິການໜັງສືພິມ (ກົມສື່ມວນຊົນ)
- ໜ່ວຍພັກກອງບັນນາທິການໂທລະພາບ (ກົມສື່ມວນຊົນ)
ນອກນີ້, ໜ່ວຍພັກກາງ ມີ: ໜ່ວຍພັກຮາກຖານ ຫ້ອງກຳມະບານ ກະຊວງ ປກສ, ໜ່ວຍພັກຮາກຖານ ຫ້ອງການກົມໃຫຍ່, ໜ່ວຍພັກພະແນກການເມືອງ+ຄຸ້ມຄອງ-ປ້ອງກັນ (ໂຮງຮຽນວັດທະນະທຳ ຫຼັກ 67), ໜ່ວຍພັກກອງບັນນາທິການວາລະສານ (ກົມສື່ມວນຊົນ), ໜ່ວຍພັກພະນັກງານ (ໂຮງ ຮຽນທິດສະດີການເມືອງ) ແລະ ໜ່ວຍພັກຄູ (ໂຮງຮຽນທິດສະດີການເມືອງ).
