ໃນວັນທີ 25 ມັງກອນ 2019 ທີ່ສໍານັກງານ ບໍລິສັດ ໂຕໂຢຕ້າ ລາວ ຈໍາກັດ ໄດ້ຈັດພິທີຈັບສະຫຼາກລາງວັນ ລຸ້ນຮັບໂຊກຊັ້ນທີ 1 ໃຫ້ກຽດຂຶ້ນຈັບສະຫຼາກລາງວັນໂດຍ ທ່ານ ຄໍາສຸກ ໂກມຸດຕະພົງ ຜູ້ຈັດການຝ່າຍຂາຍ ແລະ ການຕະຫຼາດ, ມີຕົວແທນຜູ້ຈໍາໜ່າຍໂຕໂຢຕ້າຢ່າງເປັນທາງການ ພ້ອມດ້ວຍສື່ມ່ວນຊົນ ເຂົ້າຮ່ວມ.
ການຈັບສະຫຼາກລາງວັນ ລຸ້ນຮັບໂຊກຊັ້ນທີ 1 ໃນຄັ້ງນີ້ ແມ່ນສໍາລັບລູກຄ້າທີ່ຊື້ລົດ ພຣາໂດ ໃນວັນທີ 15 ພະຈິກ-31 ທັນວາ 2018 ເພື່ອເປັນການຕອບແທນລູກຄ້າທີ່ມາຮ່ວມເປັນສ່ວນໜຶ່ງຂອງຄອບຄົວໂຕໂຢຕ້າ ແລະ ໃຫ້ຄວາມໄວ້ວາງໃຈ ໂຕໂຢຕ້າ ຕະຫຼອດມາ; ສໍາລັບລາງວັນໂຊກຊັ້ນທີ 1 ຜູ້ໂຊກດີຈະໄດ້ໄປທ່ອງທ່ຽວ ຮັອກໄກໂດ ປະເທດຍີ່ປຸ່ນ 5 ມື້ 3 ຄືນ ໃນວັນທີ 18 ມີນາ-22 ມີນາ 2019 ລວມມູນຄ່າຫຼາຍກວ່າ 3 ຮ້ອຍລ້ານກີບ.
ລູກຄ້າຜູ້ໂຊກດີໃນຄັ້ງນີ້ມີ 10 ທ່ານ ຄື:
- ທ່ານ ຈັນທະສອນ ພັນດານຸວົງ ບ້ານຈອມມະນີ
- ທ່ານ ນູ່ຊົງ ບ້ານນໍ້າຮ້ອນ
- ທ່ານ ວິໄລ ໄຊທອງປານ ບ້ານປາກແຈ້ງ
- ທ່ານ ໂອອາລຽງ ບ້ານຂ້າມງອນ
- ທ່ານ ນາງ ແສງມະນີ ໄຊຍະແສງ ບ້ານດົງນາໂຊກ
- ທ່ານ ນາງ ພູເງິນ ຈະເລີນຜົນ ບ້ານວັດຫຼວງ
- ທ່ານ ບຸນຮຽງ ບ້ານຫ້ອຍຢາງຄໍາ
- ທ່ານ ນາງ ຈັນໂສມ ສີຫາລັກ ບ້ານບໍ
- ທ່ານ ບຸນສີ ທະນູສິງ ບ້ານໂນນແກ້ວ
- ທ່ານ ສາຍສະຫວັນ ພວນລືໄຊ ນະຄອນຫຼວງວຽງຈັນ
ຂ່າວຍັງໃຫ້ຮູ້ຕື່ມອີກວ່າ: ທາງບໍລິສັດຍັງຈະມີພິທີຈັບສະຫຼາກລາງວັນ ລຸ້ນຮັບໂຊກຊັ້ນທີ 2 ແລະ ລຸ້ນຮັບໂຊກຊັ້ນທີ 3 ອີກ ໂດຍຕິດຕາມຂໍ້ມູນຂ່າວສານເພີ່ມຕື່ມໄດ້ທີ່ Facebook page Toyota Laos ແລະ www.toyota.com.la.
