ກົມໃຫຍ່ຕຳຫຼວດ ກະຊວງ ປກສ ໄດ້ຈັດພິທີປະກາດເລື່ອນຊັ້ນໃຫ້ນາຍຕຳຫຼວດທີ່ມີຜົນສຳ ເລັດໃນການປະຕິ ບັດໜ້າທີ່ວຽກງານ ແລະ ຄົບມາດຖານເງື່ອນໄຂຂອງການເລື່ອນຊັ້ນທີ່ໄດ້ກຳນົດໄວ້ໃນກົດໝາຍ ວ່າດ້ວຍກຳລັງປ້ອງກັນຄວາມສະຫງົບປະຊາຊົນ, ໃນວັນທີ 31 ພຶດສະພາ 2019 ປະດັບຊັ້ນໂດຍ ພົຈວ ປອ ທອງສະຫວັນ ວົງສະຫວັດ ຮອງຫົວໜ້າກົມໃຫຍ່ຕຳຫຼວດ, ມີບັນດາຄະນະພັກ-ຄະນະບັນຊາອ້ອມຂ້າງ ກົມໃຫຍ່ຕຳຫຼວດ ແລະ ນາຍຕຳຫຼວດທີ່ໄດ້ຮັບການເລື່ອນຊັ້ນເຂົ້າຮ່ວມ.
ໃນພິທີ, ພັທ ບຸນເຮືອງ ທຳມະໂກດ ຮອງຫົວໜ້າຫ້ອງການເມືອງ ກົມໃຫຍ່ຕຳຫຼວດ ຂຶ້ນຜ່ານຂໍ້ຕົກລົງຂອງລັດ ຖະມົນຕີກະຊວງປ້ອງກັນຄວາມສະຫງົບ, ເລກທີ 934/ປກສ ວັນທີ 22 ພຶດສະພາ 2019 ວ່າດ້ວຍການເລື່ອນຊັ້ນໃຫ້ນາຍຕຳຫຼວດກົມໃຫຍ່ຕຳຫຼວດ ຈຳນວນ 63 ສະຫາຍ. ໃນນີ້, ຕົກ ລົງເລື່ອນຊັ້ນ ພັນຕີ ຂຶ້ນ ພັນໂທ 7 ສະຫາຍ, ຮ້ອຍເອກ ຂຶ້ນ ພັນຕີ 22 ສະຫາຍ, ຮ້ອຍໂທ ຂຶ້ນ ຮ້ອຍເອກ 34 ສະຫາຍ.
ໂອກາດນີ້, ພົຈວ ປອ ທອງ ສະຫວັນ ວົງສະຫວັດ ກໍໄດ້ປະດັບຊັ້ນ ພ້ອມທັງມີຄຳເຫັນໂອ້ລົມ, ກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ບັນດາສະຫາຍທີ່ໄດ້ຮັບການເລື່ອນຊັ້ນ ແລະ ເນັ້ນໃຫ້ແຕ່ລະສະຫາຍ ຈົ່ງສືບທອດມູນເຊື້ອຄວາມຈົ່ງຮັກພັກດີ, ເຊື່ອໝັ້ນຕໍ່ການນຳພາຂອງຂັ້ນເທິງ ຄຽງຄູ່ກັບການເຮັດສຳເລັດໜ້າທີ່, ເປັນເຈົ້າການປະຕິ ບັດວຽກງານທີ່ໄດ້ຮັບມອບໝາຍໃຫ້ມີຜົນສຳເລັດຍິ່ງຂຶ້ນ, ໃຫ້ມີຜົນງານໃໝ່ໃຫຍ່ກວ່າເກົ່າ.
