ວັນທີ 28 ສິງຫາ 2019, ຄະນະພັກ, ຄະນະກົມ, ພະແນກ ແລະ ພະນັກງານ-ລັດຖະກອນ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ເຊື່ອມຊຶມ ບັນດາມະຕິ – ຄຳສັ່ງຂອງພັກ ເພື່ອກະ ກຽມເປີດກອງປະຊຸມໃຫຍ່ ຄັ້ງທີ V ຂອງອົງຄະນະພັກສະຖາບັນການເມືອງ ແລະ ການປົກຄອງແຫ່ງຊາດ, ເຜີຍແຜ່ໂດຍ ຮສຈ ປອ ທອງສະລິດ ມັງໜໍ່ເມກ ກຳມະການສູນກາງພັກ ຫົວໜ້າສະຖາບັນການເມືອງ ແລະ ການປົກ ຄອງແຫ່ງຊາດ.
ຮສຈ ປອ ທອງສະລິດ ມັງໜໍ່ເມກ ກ່າວວ່າ: ເອກະສານທີ່ເຜີຍແຜ່ປະກອບມີມະຕິກອງປະ ຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ VIII ສະໄໝທີ 10, ມະຕິຕົກລົງຂອງກົມການເມືອງ ສູນກາງພັກ ເລກທີ 075/ກມສພ ລົງວັນທີ 30 ກໍລະກົດ 2019 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງສະຖາບັນການເມືອງ ແລະ ການປົກຄອງແຫ່ງຊາດ, ຄຳສັ່ງ ເລກທີ 03/ຄລສພ ລົງວັນທີ 15 ພຶດສະພາ 2019
ວ່າດ້ວຍການປັບປຸງຫຼັກສູດການຮຽນ-ການສອນທິດສະດີການເມືອງ ໃນລະບົບໂຮງຮຽນພັກ ແລະ ລະບົບການສຶກສາແຫ່ງຊາດ, ມະຕິເລກທີ 072/ກມສພ ລົງວັນທີ14 ພຶດສະພາ 2019 ວ່າດ້ວຍ ລະບອບການຮໍ່າ ຮຽນທິດສະດີການເມືອງ, ຂໍ້ກຳນົດເລກທີ 01/ຄລສພ ລົງວັນທີ 15 ພຶດສະພາ 2019 ວ່າດ້ວຍການຢັ້ງຢືນລະດັບທິດສະ ດີການເມືອງ, ດຳລັດເລກທີ 116/ລບ ລົງວັນທີ 22 ເມສາ 2019 ວ່າດ້ວຍການແຂ່ງຂັນ ແລະ ຍ້ອງຍໍ ແລະ ຄຳແນະນຳ ເລກທີ 03/ພນ ລົງວັນທີ 26 ກໍລະກົດ 2019 ກ່ຽວກັບການຈັດຕັ້ງປະຕິບັດດໍາລັດ ວ່າດ້ວຍການແຂ່ງຂັນ ແລະ ຍ້ອງຍໍ.
ການເຊື່ອມຊຶມບັນດາມະຕິຄຳສັ່ງຄັ້ງນີ້ ເພື່ອສ້າງຄວາມຮັບຮູ້ ແລະ ຄວາມເຂົ້າໃຈຢ່າງເລິກເຊິ່ງ ແລະ ກຳແໜ້ນບັນດາແນວທາງນະໂຍບາຍຂອງພັກ ເປັນຕົ້ນແມ່ນເນື້ອໃນກອງປະຊຸມຄົບຄະນະ ຄັ້ງທີ VIII ຂອງຄະນະບໍລິຫານງານສູນກາງພັກສະໄໝທີ 10, ການແກ້ໄຂຄວາມຫຍຸ້ງຍາກທາງດ້ານເສດຖະກິດມະຫາພາກ, ການພັດທະ ນາຊົນນະບົດ ແລະ ແກ້ໄຂຄວາມຫຍຸ້ງຍາກຂອງປະຊາຊົນ, ການແບ່ງຂັ້ນຄຸ້ມຄອງໃນລະບົບອົງການບໍລິ ຫານລັດ, ການດຳເນີນຄະດີຕາມຂະບວນຍຸດຕິທຳຢູ່ປະເທດເຮົາໃນປັດຈຸບັນ ທັງເປັນການຍົກສູງຄວາມເປັນເຈົ້າການ ແລະ ຄວາມຮັບຜິດຊອບການເມືອງ ຂອງອົງຄະນະພັກຂັ້ນຕ່າງໆ, ສະມາຊິກພັກແຕ່ລະສະຫາຍ ໃນ ການຊີ້ນຳ-ນຳພາ ແລະ ແກ້ໄຂໃຫ້ທົ່ວເຖິງໃນການປະຕິບັດຕົວຈິງ, ຮັບປະກັນການສືບຕໍ່ຈັດຕັ້ງບັນດາຄາດໝາຍສູ້ຊົນທີ່ໄດ້ກຳນົດໄວ້ໃນມະຕິກອງປະຊຸມໃຫຍ່ ຄັ້ງທີ 10 ຂອງພັກ ກໍຄືມະຕິກອງປະຊຸມໃຫຍ່ຂອງອົງຄະນະພັກຂັ້ນຕ່າງໆໃຫ້ບັນລຸເປົ້າໝາຍທີ່ວາງໄວ້.