ທ່ານ ນາງ ລັດສະໜີ ມິ່ງບຸບຜາ ກຳມະການພັກແຂວງ ປະທານແນວລາວສ້າງຊາດແຂວງຫຼວງນໍ້າທາ ພ້ອມດ້ວຍຄະນະ ໄດ້ລົງ ເຜີຍແຜ່ມະຕິ ກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງຫຼວງນໍ້າທາ ໃຫ້ພະນັກງານ-ນັກຮົບກອງບັນຊາການ ປກສ ແຂວງຫຼວງນໍ້າທາ ໃນວັນທີ 15 ກໍລະກົດ 2020; ໂດຍມີ ພັທ ຄຳຕຸ່ນ ບຸນລຽນຂັນ ຮອງຫົວໜ້າກອງບັນຊາການ ປກສ ແຂວງ, ຄະນະພັກ-ຄະນະບັນຊາ, ຄະນະຫ້ອງ, ກອງ, ຄ້າຍຕະຫຼອດຮອດຫົວໜ້າ-ຮອງພະແນກເຂົ້າຮ່ວມ.
ທ່ານ ປອ ຄໍາພັນ ເຈຍອາ ກໍາມະການພັກແຂວງ ປະທານສະຫະພັນກຳມະບານ ແຂວງຫຼວງນໍ້າທາ ກ່າວວ່າ: ກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງຫຼວງນຳ້ທາ ໄດ້ພ້ອມກັນຄົ້ນຄວ້າ ແລະ ຮັບຮອງເອົາຫຼາຍບັນຫາທີ່ສຳຄັນ; ໂດຍສະເພາະແມ່ນດ້ານເຖດຖະກິດມະຫາພາກ ແລະ ຕີລາຄາແຕ່ລະວຽກງານໂດຍຫຍໍ້ຄື: ໃນ 5 ປີຜ່ານມາ ເສດຖະກິດມີການຂະຫຍາຍຕົວຢ່າງຕໍ່ເນື່ອງ ເຊີ່ງມັນສະແດງອອກຜະລິດຕະພັນພາຍໃນທຽບ ໃສ່ 5 ປີຜ່ານມາ ເພີມຂຶ້ນ 0,36 % ລວມມຸນຄ່າບັນລຸ 3 ຕື້ກ່າວກີບ; ໃນນັ້ນ, ຂົງເຂດກະສິກຳຂະຫຍາຍຕົວໃນລະດັບ 7%, ອຸດສາຫະກຳ 12% ຂົງເຂດບໍລິການຂະຫຍາຍຕົວ 69% ສະເລ່ຍ 1 ພັນ 985 ໂດລາຕໍ່ຄົນ, ຖ້າທຽບໃສ່ປີ 2015 ເພີ້ມຂຶ້ນ 504 ໂດລາ; ສາມາດລະດົມທືນເຂົ້າໃນການພັດທະນາເສດຖະກິດສັງຄົມ ທັງໝົດ 187 ໂຄງການ, ມຸນຄ່າ 5 ຕື້ 866 ລ້ານກ່ວາກີບທຽບ ໃສ່ໄລຍະຜ່ານມາເພີ່ມຂຶ້ນ 33%, ການລົງທຶນຂອງລັດ 136 ໂຄງການມຸນຄ່າ 196 ຕື້ກ່ວາກີບ, ການລົງທືນຂອງເອກະ ຊົນ ມຸນຄ່າ 2 ຕື້ 845 ລ້ານກີບ, ທຽບ ໃສ່ 5 ປີ ເພີມຂື້ນ 1 ເທົ່າຕົວ, ລື່ນແຜນ ການ 50%.
ອັນສໍາຄັນແມ່ນໄດ້ປະກາດແຂວງຫຼວງນໍ້າທາ ເປັນແຂວງຈົບຊັ້ນມັດທະຍົມຕົ້ນບໍາລຸງຢ່າງເປັນທາງການ ແລະ ສາມາດແກ້ໄຂຄວາມທຸກຍາກຂອງປະຊາຊົນ ເຮັດໃຫ້ຊິວິດການ ເປັນຢູ່ຂອງປະຊາຊົນນັບມື້ນັບດີຂຶ້ນເປັນກ້າວໆ.
