ກອງບັນຊາການປ້ອງກັນທີ່ຕັ້ງ ກະຊວງ ປກສ ໄດ້ຈັດພິທີປະກາດຂໍ້ຕົກລົງວ່າດ້ວຍການອະນຸມັດໃຫ້ນາຍຕໍາຫຼວດພັກການຮັບອຸດໜູນບຳ ນານ ໃນວັນທີ 30 ກັນຍາ 2020, ໂດຍການເປັນປະທານຂອງ ພັອ ໄຊສີ ແກ້ວສະຫງ່າ ຫົວໜ້າກອງບັນຊາການປ້ອງກັນທີ່ຕັ້ງ,ມີ ພະນັກ ງານຫຼັກແຫຼ່ງ 4 ຫ້ອງ, 3 ກອງພັນ, ກອງ ຮ້ອຍເອກະລາດ ແລະ ນາຍຕໍາຫຼວດທີ່ພັກການຮັບອຸດໜູນບໍານານ ເຂົ້າຮ່ວມ.
ພັທ ກອງແກ້ວ ກຸສານົນ ຫົວໜ້າຫ້ອງການເມືອງ ໄດ້ຂຶ້ນຜ່ານຂໍ້ຕົກລົງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການອະນຸມັດໃຫ້ນາຍຕໍາຫຼວດພັກການຮັບອຸດໜູນບຳນານ ສະບັບເລກທີ 1832/ປກສ, 1829/ປກສ, 1835/ປກສ, 1831/ປກສ, 1833/ປກສ, 1830/ປກສ, 1834/ປກສ,ລົງວັນທີ 16 ກັນ ຍາ 2020.ໃນນີ້, ມີຮອງຫົວໜ້າກອງບັນຊາການ 1 ສະຫາຍ, ສັງກັດຢູ່ຫ້ອງການ 2 ສະ ຫາຍ, ຫ້ອງການ ເມືອງ 1 ສະຫາຍ, ຫ້ອງເສນາ 1 ສະຫາຍ, ກອງພັນ 206 ມີ 1 ສະຫາຍ ແລະ ສັງກັດຢູ່ກອງພັນ 207 ມີ 1 ສະຫາຍ.
ໃນໂອກາດນີ້, ພັອ ໄຊສີ ແກ້ວສະຫງ່າ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ນາຍຕໍາຫຼວດທີ່ພັກການຮັບອຸດໜູນບຳນານໃນຄັ້ງນີ້ ເຊິ່ງຕະ ຫຼອດໄລຍະຜ່ານມາ ບັນດາສະຫາຍໄດ້ປະກອບສ່ວນຢ່າງຕັ້ງໃນໜ້າທີ່ວິຊາສະເພາະ ແລະ ພ້ອມກັນເຮັດສຳເລັດໜ້າທີ່ວຽກງານທີ່ການຈັດຕັ້ງມອບໝາຍໃຫ້, ພ້ອມທັງອວຍພອນໄຊໃຫ້ນາຍຕໍາຫຼວດທີ່ພັກການຮັບອຸດໜູນບຳນານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ.
