ກອງບັນຊາການ ປກສ ແຂວງຜົ້ງສາລີ ໄດ້ຈັດພິທີເຊື່ອມຊຶມ ແລະ ເຜີຍແຜ່ເອກະສານ ວ່າດ້ວຍການຄຸ້ມຄອງການຈັດງານປະເພນີພາຍໃນແຂວງຜົ້ງສາລີ ເພື່ອໃຫ້ນາຍ ແລະ ພົນຕໍາຫຼວດໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ໃນວັນທີ 23 ພະຈິກ 2022, ເຂົ້າຮ່ວມໂດຍ ພັອ ຄໍາຈັນ ແສງລາວົງ ຫົວ ໜ້າກອງບັນຊາການ ປກສ ແຂວງ, ມີ ບັນດາຄະນະພັກ-ຄະນະບັນຊາ, ພະນັກງານຫຼັກແຫຼ່ງຕະຫຼອດຮອດນາຍ ແລະ ພົນຕໍາຫຼວດອ້ອມຂ້າງກອງບັນ ຊາການ ປກສ ແຂວງ ເຂົ້າຮ່ວມ.
![](https://www.lsecuritynews.com/wp-content/uploads/2022/11/13.jpg)
ເອກະສານທີ່ນຳມາເຜີຍແຜ່ໃນຄັ້ງນີ້: ມີຂໍ້ຕົກລົງຂອງທ່ານເຈົ້າແຂວງວ່າ ດ້ວຍການຄຸ້ມຄອງການຈັດງານປະເພນີພາຍໃນແຂວງຜົ້ງສາລີ, ເຊິ່ງຂໍ້ຕົກລົງ ດັ່ງກ່າວໄດ້ກຳນົດຫຼັກການ, ລະບຽບການ ແລະ ມາດຕາການກ່ຽວກັບການຄຸ້ມຄອງການຈັດງານປະເພນີພາຍໃນແຂວງ ໂດຍມີຈຸດປະສົງເພື່ອຈັດຕັ້ງຜັນຂະຫຍາຍດຳລັດ ວ່າດ້ວຍການປະຢັດ ແລະ ຕ້ານການຟຸມເຟືອຍ ເປັນຕົ້ນການຈັດງານປະເພນີຕ່າງໆໃຫ້ມີການປະຢັດມັດທະຍັດໃນການໃຊ້ຈ່າຍ ທັງເປັນການຈຳກັດການຈັດງານທີ່ຂັດກັບວັດທະນະທຳລາວ ແນໃສ່ເຮັດໃຫ້ປະຊາຊົນລາວບັນດາເຜົ່າມີຊີວິດການເປັນຢູ່ທີ່ດີຂຶ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ.
ການຄຸ້ມຄອງການຈັດງານປະເພນີການຄຸ້ມຄອງການຈັດງານປະເພນີ ແມ່ນການຄຸ້ມຄອງຈໍານວນການຈັດພາເຂົ້າ ໃນແຕ່ລະປະເພດງານໃຫ້ຢູ່ໃນຂອບ ເຂດທີ່ກໍານົດໄວ້ ແນໃສ່ອະນຸລັກຮັກສາມູນເຊື້ອວັດທະນະທຳຮີດຄອງປະເພນີອັນດີງາມຕາມແບບແຜນຂະນົບທຳນຽມການປະພຶດຂອງຄົນໃນສັງຄົມ ທີ່ຕິດແໜ້ນກັບຊີວິດຈິດໃຈ ແລະ ການດໍາລົງຊີວິດຂອງແຕ່ລະເຜົ່າແຕ່ລະແຊງຊົນເຜົ່າ.
![](https://www.lsecuritynews.com/wp-content/uploads/2022/11/11.jpg)
ໃນພິທີ, ຍັງໄດ້ເຜີຍແຜ່ຂໍ້ຕົກລົງຂອງທ່ານເຈົ້າແຂວງ ວ່າດ້ວຍກອງທຶນຄຸ້ມຄອງໄພພິບັດຂັ້ນແຂວງ, ເຊິ່ງການນໍາໃຊ້ກອງທຶນຄຸ້ມຄອງໄພພິບັດຂັ້ນ ແຂວງແມ່ນສ້າງກຳລັງແຮງປະກອບສ່ວນຈາກທົ່ວສັງຄົມ ດ້ວຍການປຸກລະດົມທົ່ວປວງຊົນໃຫ້ຮັບຮູ້, ເຂົ້າໃຈ ແລະ ມີສ່ວນຮ່ວມ ເພື່ອຫຼຸດຜ່ອນຄວາມສ່ຽງຈາກໄພພິບັດ, ການກະກຽມຄວາມ ພ້ອມໂຕ້ຕອບ ແລະ ການຟື້ນຟູຫຼັງໄພພິບັດ, ລະດົມທຶນຈາກບຸກຄົນ, ນິຕິບຸກຄົນ, ມູນນິທິ, ບໍລິສັດ, ຫົວໜ່ວຍທຸລະກິດ, ອົງການຈັດຕັ້ງທັງພາຍໃນ ແລະ ຕ່າງປະເທດ ເພື່ອຫຼຸດຜ່ອນພາລະແບກຫາບດ້ານງົບປະມານຂອງລັດ ແນໃສ່ສະໜອງທຶນໃຫ້ການຊ່ວຍເຫຼືອເຫດສຸກເສີນ, ການສ້ອມແປງພື້ນຖານໂຄງລ່າງທີ່ຈຳເປັນ, ການຊອກຄົ້ນ, ຄົ້ນຫາ ແລະ ກູ້ໄພຕອບສະໜອງໃຫ້ຊີວິດການເປັນຢູ່ຂອງປະຊາຊົນຜູ້ປະສົບໄພພິບັດໄດ້ຮັບການແກ້ໄຂກັບຄືນສູ່ສະພາບປົກກະຕິ ຫຼື ດີຂຶ້ນກວ່າເກົ່າ.