ກອງບັນຊາການ ປກສ ເມືອງຈັນທະບູລີ ນະຄອນຫຼວງວຽງຈັນ ໄດ້ເປີດຝຶກອົບຮົມວຽກງານວຽກງານ ປກສ ບ້ານ ທົ່ວເມືອງຈັນທະບູລີ ໃນລະຫວ່າງວັນທີ 11-12 ກໍລະກົດ 2019 ເພື່ອສ້າງຄວາມເຂັ້ມແຂງດ້ານວຽກງານວິ ຊາສະເພາະໃຫ້ຮາກຖານເປັນປະທານໂດຍ ພັທ ຊຽງພັນ ອິນທະປັນຍາ ຮັກສາການຫົວໜ້າ ປກສ ເມືອງຈັນທະບູລີ, ມີ ພັທ ຄໍາພົວ ສິມຖາວອນ ຮອງຫົວໜ້າຫ້ອງຄຸ້ມສໍາມະໂນຄົວ ແລະ ກໍ່ສ້າງຮາກ ຖານກອງບັນຊາການ ປກສ ນະ ຄອນຫຼວງວຽງຈັນ, ມີຮອງນາຍ ບ້ານ, ຄະນະຮັບຜິດຊອບ ແລະ ປກສ ບ້ານເຂົ້າຮ່ວມ.
ພັທ ຊຽງພັນ ອິນທະປັນຍາກ່າວວ່າ: ການຈັດຝຶກອົບຮົມວຽກງານ ປກສ ໃຫ້ກໍາລັງ ປກສ ບ້ານ ຈໍານວນ 30 ບ້ານ ທີ່ຂຶ້ນກັບ ປກສ ເມືອງຈັນທະບູລີ ໃນຄັ້ງນີ້ແມ່ນ ເປັນການເພີ່ມຄວາມຮັບຮູ້ທາງດ້ານວິຊາຄຸ້ມຄອງສໍາມະໂນຄົວ ແລະ ພາລະບົດບາດຂອງ ປກສ ບ້ານ, ແນໃສ່ຕອບສະໜອງຄວາມຮຽກຮ້ອງຕ້ອງການຂອງວຽກງານ ດັ່ງກ່າວເພື່ອເພີ່ມທະວີຄວາມສັກ ສິດໃນການຄຸ້ມຄອງລັດ-ຄຸ້ມຄອງສັງຄົມ ແລະ ເພີ່ມທະວີຄວາມເຊື່ອ ໝັ້ນຂອງປະຊາຊົນ, ຮັບປະກັນໃນການນໍາເອົາກົດໝາຍໄປບັງຄັບໃຊ້ ມີຄວາມຖືກຕ້ອງ, ວ່ອງໄວ, ທັນ ການ ແລະ ມີຜົນສັກສິດ.
ການຝຶກອົບຮົມດັ່ງກ່າວນັກ ສໍາມະນາກອນຈະໄດ້ຮຽນຮູ້ກ່ຽວ ກັບວຽກງານຄຸ້ມຄອງສໍາມະໂນ ຄົວ ແລະ ພາລະບົດບາດຂອງ ປກສ ບ້ານ, ວຽກງານສອບສວນ ເອົາຄໍາໃຫ້ການເບື້ອງຕົ້ນ, ວຽກງານຮັກສາສະຖານທີ່ເກີດເຫດ, ວຽກງານຄຸ້ມຄອງຄົນຕ່າງປະເທດ ແລະ ວຽກງານສິລະປະຍຸດ, ຍຸດທະວິທີການນໍາໃຊ້ເຄື່ອງວິຊາສະເພາະ.
