ຄະນະກໍາມະບານຮາກຖານ ດ່ານສາກົນຂົວມິດຕະພາບລາວ-ໄທ 1 (ດຂມ 1) ໄດ້ເອົາໃຈໃສ່ບໍາລຸງ ແລະ ກໍ່ສ້າງພະນັກງານສະມາຊິກກຳມະບານໃຫ້ມີຄວາມຮູ້; ຄວາມສາມາດ, ມີຄຸນສົມບັດສິນທຳປະຕິວັດ ເພື່ອປະກອບສ່ວນພັດທະນາອົງການຈັດຕັ້ງກຳມະບານໃຫ້ມີຄຸນນະພາບດີຂຶ້ນ.
ໃນກອງປະຊຸມໃຫຍ່ ຄັ້ງທີ III ຂອງກໍາມະບານຮາກຖານ ດຂມ 1, ໄດ້ຈັດຂຶ້ນໃນວັນທີ 14 ສິງຫາ 2019, ມີ ທ່ານ ແກ່ນຄໍາ ຫົດທິລາດ ປະທານສະຫະພັນກໍາມະບານ ນະຄອນຫຼວງວຽງຈັນ, ທ່ານ ວິໄຊ ມະນີແສງ ຫົວໜ້າຫ້ອງການຄຸ້ມຄອງ ແລະ ບໍລິການ ດຂມ 1 ມີບັນດາອົງການຈັດຕັ້ງຊາວໜຸ່ມ, ແມ່ຍິງ ເຂົ້າຮ່ວມ; ທ່ານ ສາຍແກ້ວ ນັນທະລາດ ກ່າວວ່າ: ໃນໄລຍະຜ່ານມາ, ຄະນະກໍາມະບານຮາກຖານ ໄດ້ເອົາໃຈໃສ່ບໍາລຸງ, ກໍ່ສ້າງ ພະນັກງານສະມາຊິກກຳມະບານ; ຍົກລະດັບທາງດ້ານທິດສະດີການເມືອງ, ສຸມໃສ່ກໍ່ສ້າງ ແລະ ກໍານົດ ພະນັກງານນຳພາ-ຄຸ້ມຄອງ, ສ້າງ ພະນັກງານສືບທອດ ໄດ້ 3 ຮຸ່ນ, ມີພະນັກງານກຳມະບານໄດ້ຍົກລະດັບຄວາມຮູ້, ຄວາມສາມາດ, ທາງດ້ານຕ່າງໆ ເປັນຕົ້ນແມ່ນໄດ້ຍົກລະດັບທິດສະດີການເມືອງ-ການປົກຄອງ ໄລຍະ 2 ປີ ທີ່ໂຮງ ຮຽນການເມືອງ-ການປົກຄອງ ນະຄອນຫຼວງວຽງຈັນ ມີ 2 ສະຫາຍ ຍິງ 1 ສະຫາຍ; ຍົກລະດັບວິຊາສະ ເພາະຊັ້ນປະລິນຍາຕີ ມີ 1 ສະ ຫາຍ, ຍົກລະດັບດ້ານພາສາຕ່າງ ປະເທດດ້ວຍທຶນຂອງລັດ ມີ 3 ສະຫາຍ ຍິງ 1 ສະຫາຍ, ຍົກລະດັບດ້ານກົດໝາຍ 45 ວັນ ຂັ້ນນະ ຄອນຫຼວງ 5 ສະຫາຍ ຍິງ 2 ສະຫາຍ; ຍົກລະດັບກ່ຽວກັບວຽກອົງການມະຫາຊົນ, ຊາວໜຸ່ມ, ແມ່ ຍິງ ທີ່ ສສ ຫວຽດນາມ ມີ 2 ສະຫາຍ.
ໃນຕໍ່ໜ້າ, ຄະນະກໍາມະບານຮາກຖານ ຈະສູ້ຊົນສຶກສາອົບຮົມຖັນແຖວກຳມະບານ, ກຳມະກອນ; ຊາວຜູ້ອອກແຮງງານໃຫ້ມີສະຕິ ຕື່ນຕົວທາງຊົນຊັ້ນ, ສ້າງໃຫ້ເຂົາເຈົ້າກາຍເປັນສະມາຊິກກຳມະບານ ທີ່ກ້າວໜ້າ ແລະ ເຂັ້ມແຂງຂອງພັກ ເປັນຜູ້ມີລະບຽບວິໄນເຂັ້ມງວດ; ຮູ້ຮັກອາຊີບ, ຮັກການອອກແຮງງານ, ມີຄວາມອົດທົນຜ່ານຜ່າ ຄວາມຫຍຸ້ງຍາກ ເພື່ອເຮັດສຳເລັດທຸກໜ້າທີ່ວຽກງານທີ່ການຈັດຕັ້ງມອບໝາຍ ແລະ ສູ້ຊົນປັບປຸງ ແລະ ຂະຫຍາຍການຈັດຕັ້ງກຳມະບານໃຫ້ມີຄວາມໜັກແໜ້ນເຂັ້ມແຂງ ຮັບປະກັນທາງດ້ານປະລິມານ ແລະ ຄຸນນະພາບ.
ໃນພິທີໄດ້ມອບໃບຍ້ອງຍໍຂັ້ນນະຄອນຫຼວງ ໃຫ້ 36 ສະຫາຍ ຍິງ 16 ສະຫາຍ ທີ່ມີຜົນງານໃນ ການປະກອບສ່ວນວຽກງານກຳ ມະບານ ປະຈຳ 5 ປີ. ໃນກອງປະຊຸມບັນດາສະມາຊິກກຳມະບານໄດ້ເຂົ້າຮ່ວມ ແລະ ປ່ອນບັດຄັດເລືອກເອົາຄະນະກຳມະບານຮາກຖານຊຸດໃໝ່; ໃນນີ້, ເລືອກໄດ້ ທ່ານ ສາຍແກ້ວ ນັນທະລາດ ເປັນປະທານກຳມະບານຫ້ອງການຄຸ້ມຄອງ ແລະ ບໍລິການ ດຮມ 1, ທ່ານ ນາງ ດາວອນ ວິລະພັນ ເປັນຮອງປະທານ ແລະ ທ່ານ ອິນ ທະຫວາ ວັນນະລາດເປັນຄະນະ.