ຫ້ອງການສຶກສາທິການ ແລະ ກິລາ ເມືອງນາຊາຍທອງ ນະຄອນຫຼວງວຽງຈັນ ໄດ້ຈັດກອງປະຊຸມສະຫຼຸບສົກຮຽນ 2018-2019 ໃນວັນທີ 22 ສິງຫາ 2019, ເຂົ້າ ຮ່ວມໂດຍ ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ; ເປັນປະທານໂດຍ ທ່ານ ນາງ ພະໄທເພັດ ຜົນລະມິດ ຮັກສາການ ຫົວໜ້າຫ້ອງການສຶກສາທິການ ແລະ ກິລາເມືອງ , ມີແຂກຮັບເຊີນ ແລະ ພາກສ່ວນທີ່ກ່ຽວຂ້ອງເຂົ້າ ຮ່ວມ.
ທ່ານ ນາງ ພະໄທເພັດ ຜົນລະມິດ ກ່າວວ່າ:
ທົ່ວເມືອງນາຊາຍທອງ ມີໂຮງຮຽນລັດ ແລະ ເອກະ ຊົນ 93 ແຫ່ງ,ໃນນັ້ນ, ມີໂຮງຮຽນ ອະນຸບານ-ລ້ຽງເດັກ 26 ແຫ່ງ, ເອກະຊົນ 25 ແຫ່ງ ຖ້າທຽບໃສ່ ປີຜ່ານມາ, ໂຮງຮຽນເພີ່ມຂຶ້ນ 4 ແຫ່ງ ເປັນໂຮງຮຽນປະຖົມ ແລະ ອະນຸບານ; ມີພະນັກງານຄູ-ອາ ຈານທັງໜົດ 783 ຄົນ ຍິງ 529 ຄົນ, ຄູພາກລັດ 567 ຄົນ ຍິງ 370 ຄົນ, ຄູເອກະຊົນ 216 ຄົນ ຍິງ 159 ຄົນ ແລະ ມີນ້ອງນັກຮຽນທັງ ໜົດ 17.276 ຄົນ ຍິງ 8.442 ຄົນ ທຽບໃສ່ປີຜ່ານມາ ເຫັນວ່າ ມີຄູ-ອາຈານເພີ່ມຂຶ້ນ 231 ຄົນ; ຍິງ 114 ຄົນ ແລະ ນ້ອງນັກຮຽນ ເອກະຊົນເພີ່ມຂຶ້ນ 3.505 ຄົນ ຍິງ 1.690 ຄົນ, ເດັກເກນອາຍຸ 2 ປີ ໄດ້ເຂົ້າຮຽນ 14,2%, ເດັກເກນ ອາຍຸ 3-4 ປີ ໄດ້ເຂົ້າຮຽນ 39,2%, ເດັກເກນອາຍຸ 3-5 ປີ ໄດ້ເຂົ້າຮຽນ 79,9% ແລະ ເດັກເກນອາຍຸ 5 ປີ ໄດ້ເຂົ້າຮຽນ 90,0%, ວຽກງານປະຖົມສຶກສາ ມີອັດຕາການເຂົ້າຮຽນສຸດທິປະຕິບັດໄດ້ 99. 9%, ອັດຕາການເຂົ້າຮຽນລວມ ປະຕິບັດໄດ້ 107,2% ແລະ ອັດ ຕາການເລື່ອນຊັ້ນ-ຈົບຊັ້ນປະຕິບັດໄດ້ 95,39%, ວຽກງານມັດທະຍົມຕອນຕົ້ນ ມີອັດຕາການເຂົ້າ ຮຽນລວມປະຕິບັດໄດ້ 93,2%; ອັດຕາການເລື່ອນຊັ້ນ ຈົບຊັ້ນປະຕິບັດໄດ້ 91,7% ແລະ ວຽກງານມັດທະຍົມຕອນປາຍ ມີອັດຕາ ການເຂົ້າຮຽນ ລວມປະຕິບັດໄດ້ 65,2%, ອັດຕາການເລື່ອນຊັ້ນ ແລະ ຈົບຊັ້ນປະຕິບັດໄດ້ 96,9%.
ໃນສົກຮຽນ 2018-2019 ສາມາດດໍາເນີນການຮຽນ-ການສອນ ເປັນປົກກະຕິ, ການສຶກສາຮໍ່າຮຽນ ປັດຈຸບັນແມ່ນມີການຂະຫຍາຍຕົວເພີ່ມຂຶ້ນ, ໄດ້ຮັບຄວາມສົນໃຈ ແລະ ໄດ້ຮັບການຮ່ວມມືຈາກຜູ້ ປົກຄອງ; ເຊິ່ງມັນໄດ້ສະແດງອອກໃນການສົ່ງລູກຫຼານຂອງຕົນເຂົ້າຮຽນນັບມື້ນັບຫຼາຍຂຶ້ນ ແລະ ເປັນປົກກະຕິ; ພາກສ່ວນບຸກຄົນກໍໃຫ້ ການຮ່ວມມືໃນການກໍ່ສ້າງອາຄານຮຽນ ຫຼື ອຸປະກອນຮັບໃຊ້ການ ຮຽນຕ່າງໆທີ່ອຳນວຍຄວາມສະດວກໃນການຮຽນ-ການສອນເປັນ ຢ່າງດີ.ຈາກຜົນງານການເຄື່ອນ ໄຫວວຽກງານດັ່ງກ່າວ ເຮັດໃຫ້ຫ້ອງການສຶກສາທິການ ແລະ ກິລາ ເມືອງນາຊາຍທອງ ໄດ້ຮັບໃບຍ້ອງຍໍຂັ້ນພະແນກສຶກສາທິການ ແລະ ກິລານະຄອນຫຼວງວຽງຈັນ ຈຳນວນ 355 ໃບ,ໃບຍ້ອງຍໍຂັ້ນເຈົ້າເມືອງ ຈຳນວນ 412 ໃບ, ໃບຊົມເຊີຍ 30 ໃບ.
ທິດທາງແຜນການໃນຕໍ່ໜ້າ, ເພື່ອເຮັດໃຫ້ບັນລຸໄດ້ຈຸດປະສົງ ແລະ ຄາດໝາຍທີ່ກໍານົດໄວ້; ຈະສືບຕໍ່ຈັດຝຶກອົບຮົມອົບຮົມໃຫ້ຄູ ສອນລ້ຽງເດັກ-ອະນຸບານ ແລະ ຫ້ອງກຽມປະຖົມ, ສະໜອງອຸປະກອນເຄື່ອງຫຼິ້ນໃຫ້ແກ່ໂຮງຮຽນ ລ້ຽງເດັກ-ອະນຸບານໃຫ້ຫຼາຍຂຶ້ນ; ເພີ່ມທະວີປະສານສົມທົບການສຶກສາ ລະຫວ່າງຄອບຄົວກັບໂຮງ ຮຽນ ໃຫ້ທ່ວງທັນເວລາລົງກວດກາການສິດສອນ ການນໍາໃຊ້ຫຼັກສູດໂຄງການສໍາລັບຊັ້ນອະນຸບານ ແລະ ປະຖົມ. ເພື່ອເຮັດໃຫ້ອັດຕາ ປະລະໃນຊັ້ນ ປ.1 ຫຼຸດລົງ, ເຮັດໃຫ້ຄຸນນະພາບການຮຽນ-ການສອນຂອງຄູ ແລະ ນັກຮຽນດີຂຶ້ນ, ສ້າງໂຮງຮຽນໃຫ້ຂຽວສະອາດ ແລະ ໜ້າຢູ່, ອັດຕາເຂົ້າຮຽນໃໝ່ສຸດທິ ໄດ້ 100 %, ບັນລຸຄາດໝາຍສູ້ຊົນ 100 %, ອັດຕາເຂົ້າຮຽນສຸດທິໄດ້ 99,1%, ຄາດໝາຍສູ້ຊົນໃຫ້ໄດ້ 99,90%, ອັດຕາເລື່ອນຂັ້ນໄດ້ 94,3 %, ຄາດໝາຍສູ້ຊົນໃຫ້ໄດ້ 95,50%, ອັດຕາຄ້າງຫ້ອງ ໄດ້ 5,37 %; ຄາດໝາຍສູ້ຊົນໃຫ້ເຫຼືອ 3%, ອັດຕາປະລະ 0,3 % , ຄາດ ໝາຍສູ້ຊົນໃຫ້ເຫຼືອ 0,1 %. ອັດຕາຈົບຊັ້ນ 99,9 %, ຄາດໝາຍສູ້ ຊົນໃຫ້ໄດ້ 100 %.
