ຂ່າວຕ່າງປະເທດລາຍງານ ໃນວັນທີ 29 ພືດສະພາ ນີ້ວ່າ: ການກວດກາລາດຕະເວນຮ່ວມກັນລະຫວ່າງຕຳຫຼວດຈີນ ແລະ ອີຕາລີ ຢູ່ປະເທດອີຕາລີ ຄັ້ງທີ 3 ໄດ້ຈັດຂຶ້ນຢູ່ນະຄອນຫຼວງໂຣມ, ເຊິ່ງ ເລີ່ມອອກເຄື່ອນໄຫວກວດກາລາດຕະ ເວນແຕ່ວັນທີ 28 ພຶດ ສະພາ-17 ມິຖຸນາ 2018, ໂດຍມີເຈົ້າໜ້າທີ່ຕຳຫຼວດຈີນ 10 ຄົນ ແລະ ເຈົ້າໜ້າທີ່ຕຳຫຼວດອີຕາລີ ອີກຈຳນວນຫຼາຍຄົນ, ແບ່ງອອກເປັນ 4 ຈຸ ອອກເຄື່ອນໄຫວຢູ່ 4 ຕົວເມືອງ ເພື່ອຊ່ວຍເຈົ້າໜ້າທີ່ຕຳຫຼວດອີຕາລີ ແກ້ໄຂບັນຫາດ້ານຄວາມປອດໄພຂອງຊາວຈີນ ຢູ່ອີຕາລີ ແລະ ປະຊາຊົນຈີນທີ່ໄປທ່ອງທ່ຽວໃນປະເທດອີຕາລີ.
ໃນໄລຍະຫຼາຍປີຜ່ານມານີ້, ການພົວພັນຈີນ-ອີຕາລີ ໄດ້ຂະຫຍາຍສາຍພົວພັນຮ່ວມກັນຢ່າງບໍ່ຢຸດຢັ້ງ ແລະ ສອງປະເທດໄດ້ສືບຕໍ່ແລກປ່ຽນການພົວພັນການຮ່ວມມື ແລະ ດ້ານວັດທະນະທຳຢ່າງເປັນປະຈຳ. ການກວດລາດຕະເວນຮ່ວມກັນຈະມີຜົນດີຊ່ວຍໃຫ້ລົງເລິກການຮ່ວມມືດ້ານປະຕິບັດກົດໝາຍລະຫວ່າງສອງປະເທດ, ປົກປ້ອງຄວາມປອດໄພດ້ານຊັບສິນ ແລະ ຊີວິດຂອງປະຊາຊົນຈີນ ແລະ ຊາວຈີນ ທີ່ອາໄສ ຢູ່ອີຕາລີ, ເຊິ່ງສ່ອງແສງໃຫ້ເຫັນເຖິງພາບລັກອັນດີງາມ ແລະ ຄຸນສົມບັດທີ່ດີຂອງເຈົ້າໜ້າທີ່ຕຳຫຼວດຈີນ ແລະ ໄດ້ຮັບການຕ້ອນຮັບ ຢ່າງອົບອຸ່ນຈາກປະຊາຊົນສອງປະເທດ.
