ກອງປະຊຸມໃຫຍ່ ຄັ້ງທີ V ຂອງໜ່ວຍແມ່ຍິງຫ້ອງພະລາທິການ ກອງບັນຊາການ ປກສ ແຂວງວຽງຈັນ ໄດ້ຈັດຂຶ້ນໃນວັນທີ 6 ກໍລະກົດ 2018, ພາຍໃຕ້ການເປັນປະທານຂອງ ພັຕ ນາງ ຈັນຫອມ ຈັນທະລາ ຫົວໜ້າໜ່ວຍສະ ຫະພັນແມ່ຍິງຫ້ອງພະລາທິການ ກອງບັນຊາການ ປກສ ແຂວງວຽງຈັນ, ເຂົ້າຮ່ວມມີ ພັທ ບຸນນອງ ຊາມົນຕີ ຫົວໜ້າຫ້ອງພະລາທິການ ແລະ ພັຕ ນາງ ບົວສີ ລາດສະວົງ ປະທານສະຫະພັນແມ່ຍິງກອງບັນຊາການ ປກສ ແຂວງ ວຽງຈັນ ມີສະຫະພັນແມ່ຍິງ-ຊາວໜຸ່ມ ຫ້ອງພະລາທິການ, ແຂກຖືກເຊີນ, ພ້ອມດ້ວຍສະມາຊິກແມ່ຍິງພາຍໃນຫ້ອງເຂົ້າຮ່ວມ.
ພັຕ ນາງ ພອນມະນີ ແຫວນວົງໄຊ ຮອງຫົວໜ້າໜ່ວຍແມ່ຍິງຫ້ອງພະລາທິການ ໄດ້ຂຶ້ນຜ່ານຮ່າງບົດລາຍງານ ການເມືອງທັງສອງພາກ ໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ໃນການປະຕິບັດໜ້າທີ່ວຽກງານຜ່ານມາ ແລະ ພ້ອມກັນຊອກຫາວິທີປັບປຸງແກ້ໄຂຈຸດອ່ອນ, ຂໍ້ຄົງຄ້າງໃຫ້ຄ່ອຍໆໜົດໄປ, ປະຕິບັດເນື້ອໃນຂໍ້ແຂ່ງຂັນ 3 ດີ ຂອງສູນກາງສະຫະພັນແມ່ຍິງລາວວາງອອກ ແລະ ສູ້ຊົນສາມາດສ້າງໜ່ວຍ 3 ດີ ໄດ້ 2 ສະໄໝ ແລະ ບຸກຄົນ 3 ດີ ປະເພດ 1 ໄດ້ 20 ສະຫາຍ, ປະເພດ 2 ໄດ້ 3 ສະຫາຍ ຕັ້ງໜ້າປັບປຸງການຈັດຕັ້ງໜ່ວຍແມ່ຍິງໃຫ້ເຂັ້ມແຂງ ສາມາດເຄື່ອນໄຫວມີປະສິດທິພາບ, ກໍ່ສ້າງສະມາຊິກເອື້ອຍ-ນ້ອງແມ່ຍິງໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງມີແບບແຜນ ແລະ ມີລະບຽບວິໄນເຂັ້ມງວດມີຄວາມຮູ້-ຄວາມສາມາດທາງດ້ານວິຊາສະເພາະ, ສົມທົບແໜ້ນລະຫວ່າງການພັດທະນາເສດຖະກິດວັດທະນະທຳ-ສັງຄົມກັບການສ້າງຂະບວນການຂອງແມ່ຍິງໃຫ້ຟົດຟື້ນ, ເອົາໃຈໃສ່ສ້າງຄອບຄົວຕົວແບບໃນດ້ານຕ່າງໆໃຫ້ຫຼາຍຂຶ້ນ ແລະ ພັດທະນາກອງທຶນຂອງໜ່ວຍແມ່ຍິງຫ້ອງພະລາທິການໃຫ້ມີການຂະຫຍາຍຕົວຂຶ້ນເລື້ອຍໆ ພ້ອມນັ້ນ, ຄະນະໜ່ວຍຊຸດເກົ່າຍັງໄດ້ຜ່ານບົດສຳຫຼວດການນຳພາລວມ ແລະ ກ່າວລາໜ້າທີ່. ຈາກນັ້ນ, ກອງປະຊຸມໄດ້ປ່ອນບັດເລືອກຕັ້ງເອົາຄະນະໜ່ວຍຊຸດໃໝ່ ເຊິ່ງມີຜູ້ເຂົ້າສະໝັກເລືອກຕັ້ງ 5 ສະຫາຍ ເລືອກເອົາ 3 ສະຫາຍ ຄື: ສະຫາຍ ພັຕ ນາງ ພອນມະນີ ແຫວນວົງໄຊ ເປັນຫົວໜ້າໜ່ວຍແມ່ຍິງ ສະຫາຍ ພັຕ ນາງ ສຸລິນທອນ ວິໄລຄູນ ເປັນຮອງສະຫາຍ ຮທ ນາງ ສີອຳພອນ ພຸດສະຫວັດ ເປັນຄະນະ ເພື່ອສືບຕໍ່ຊີ້ນຳໆພາໜ່ວຍສະ ຫະພັນແມ່ຍິງຫ້ອງພະລາທິການກ້າວຂຶ້ນຢ່າງບໍ່ຢຸດຢັ້ງ.
ພັທ ບຸນນອງ ຊາມົນຕີ ໄດ້ຊີ້ນໍາໃຫ້ຄະນະໜ່ວຍແມ່ຍິງ, ສະມາຊິກແມ່ຍິງ ຈົ່ງເອົາໃຈໃສ່ສືບຕໍ່ວຽກງານການ ເມືອງ-ແນວຄິດ, ສ້າງແບບແຜນວິທີເຮັດວຽກ, ແບບແຜນວິທີນໍາພາໃຫ້ສູງຂຶ້ນ ເພື່ອຊີ້ນຳໆພາເອື້ອຍ-ນ້ອງແມ່ຍິງກ້າວ ຂຶ້ນຢ່າງບໍ່ຢຸດຢັ້ງ.
