ໃນວັນທີ 3 ສິງຫານີ້, ພະນັກງານສາຍການບິນໄຣອັນແອ ຕ້ອງອົບພະຍົບຜູ້ໂດຍສານລົງຈາກເຮືອບິນໂດຍທັນທີ ຫຼັງຈາກໂທລະສັບມືຖືເຄື່ອງໜຶ່ງເກີດໄຟໄໝ້ພາຍໃນຫ້ອງຜູ້ໂດຍສານ.
ເຫດການດັ່ງກ່າວເກີດຂຶ້ນໃນເຮືອບິນຂອງສາຍການບິນໄຣອັນແອ ແລະ ຜູ້ໂດຍສານຄົນໜຶ່ງຊື່ ແອນໂທນີ ກາຣີໂອ ໄດ້ບັນທຶກພາບ-ວີດີໂອໄວ້ໄດ້ ເຊິ່ງສະແດງໃຫ້ເຫັນເຖິງຄວາມຕື່ນຕົກໃຈ ແລະ ສຽງຮ້ອງຂອງບັນດາຜູ້ໂດຍສານໃນເຮືອບິນ ໃນຂະນະໂທສັບມືຖືກຳລັງລຸກໄໝ້ຢູ່ພື້ນຫ້ອງ ແລະ ຜູ້ໂດຍສານຄົນດັ່ງກ່າວ ກໍໄດ້ໃຊ້ນໍ້າດັບໄຟທີ່ລຸກໄໝ້ໂທສັບມືຖືນັ້ນ.
ກ່ອນໜ້ານີ້, ໄດ້ເກີດເຫດໄຟໄໝ້ມືຖືຂຶ້ນ ໃນຂະນະທີ່ເຮືອບິນສາຍການບິນໄຣອັນແອ ກຽມອອກຈາກສະໜາມບິນ ເອວ ປຣາດ ໃນນະຄອນບາເຊໂລນາ ໃນວັນທີ 31 ກໍລະກົດຜ່ານມາ ໂດຍຜູ້ໂດຍສານຄົນໜຶ່ງສາກໂທສັບມືຖື ກັບ ພາວເວແບງ ແລ້ວເກີດໄຟໄໝ້ຈົນໃຊ້ການບໍ່ໄດ້.
