ໃນວັນທີ 24 ກໍລະກົດ ທີ່ຜ່ານມາ, ສຳນັກຂ່າວ ເອເອບພີ ລາຍງານ ສະຖານະການຄື້ນຄວາມຮ້ອນ ໃນທະວີບເອີຣົບ ວ່າ:
ເມືອງບອກໂດ ແຫຼ່ງທ່ອງທ່ຽວຍອກນິຍົມແຄມຝັ່ງ ທາງຕາເວັນອອກຂອງຝຣັ່ງ ມີອຸນຫະພູມສູງສຸດເປັນປະຫວັດສາດ ຢູ່ທີ່ 41,2 ອົງສາເຊ, ທຳລາຍສະຖິຕິເດີ່ມທີ່ 40,7 ອົງສາເຊ ໃນປີ 2003; ສ່ວນຂອງນະຄອນຫຼວງປາຣີ ອາດເພີ່ມຂຶ້ນຈົນທຳລາຍສະຖິຕິເກົ່າ 40,4 ອົງສາເຊ ທີ່ບັນທຶກໄວ້ ໃນປີ 1947 ໃນອີກບໍ່ດົນນີ້, ຂະນະທີ່ ທະວີບເອີຣົບ ກຳລັງປະເຊີນໜ້າກັບ ຄື້ນຄວາມຮ້ອນ ຫຼື ຮີດເວບ ຮອບທີ 2.
ອົງການອຸຕຸນິຍົມວິທະຍາໂລກ ( WMO ) ໜ່ວຍງານພາຍໃຕ້ ສະຫະປະຊາຊາດ ( UN ) ລະບຸວ່າ: ຄື້ນຄວາມຮ້ອນ ທີ່ກຳລັງເກີດຂຶ້ນ ໃນທະວີບເອີຣົບຂະນະນີ້ ສະທ້ອນໃຫ້ເຫັນຢ່າງຊັດເຈນເຖິງ ວິກວິດສະພາບອາກາດປ່ຽນແປງ ຫຼື ໂລກຮ້ອນ.
ທັ້ງນີ້, ທ່ານ ນາງ ແຄວ ນູນລິສ ໂຄສົກຂອງ WMO ຢືນຢັນວ່າ:
ຂໍ້ມູນບົ່ງຊີ້ເຖິງ ການເກີດປະກົດການດັ່ງກ່າວ ໃນໄລຍະເດືອນມິຖຸນາ ເຊິ່ງເປັນລະດູຮ້ອນ ໃນທະວິບເອີຣົບ ມີຄວາມຖີ່ຫຼາຍຂຶ້ນ ແລະ ທະວີຄວາມຮຸນແຮງຂຶ້ນເລື້ອຍໆ.
“ບັນຫານີ້ ຈະບໍ່ຫາຍໄປຫຼ້າໆ” ທ່ານ ນາງ ນູນລິສ ກ່າວເຕືອນ.
ຂະນະທີ່ ບໍລິເວນທີ່ຄາດວ່າ ຈະຮ້ອນທີ່ສຸດໃນເອີຣົບ ໄດ້ແກ່:
ປະເທດແບນຊິກ ເຊິ່ງປະກາດເຕືອນສະພາບອາກາດຮ້ອນຮຸນແຮງ ຂັ້ນສີແດງສູງສຸດ ທົ່ວປະເທດ ເຊັ່ນດຽວກັບ ແຕວ້ນຊາຣາໂກຊາ ຂອງປະເທດແອັດສະປາຍ, ເຢຍລະມັນ ແລະ ໂຮນລັງ ທີ່ປະກາດໃຊ້ມາດຕະການຮັບມືສຸກເສີນແຫ່ງຊາດ.
ສ່ວນທີ່ປະເທດອັງກິດ ຄາດວ່າ: ອຸນຫະພູມຈະສູງເກີນ 35 ອົງສາເຊ ເຊິ່ງສູງເປັນປະຫວັດສາດ ເຊັ່ນກັນ.