ໜ່ວຍພັກພະແນກສັນຕິບານ ປກສ ເມືອງໄຊເສດຖາ ນະຄອນຫຼວງວຽງຈັນ ຈັດກອງປະຊຸມໃຫຍ່ ຄັ້ງທີ III ຂຶ້ນໃນວັນທີ 6 ກັນຍາ 2019 ເພື່ອຕີລາຄາການຈັດຕັ້ງປະຕິ ບັດວຽກງານວິຊາສະເພາະໃນໄລຍະຜ່ານມາ, ໂດຍການເຂົ້າຮ່ວມ ພັທ ສີເພັດ ພິມມະສອນ ຮອງເລຂາຄະນະພັກຮາກຖານ ຮອງຫົວໜ້າກອງບັນ ຊາການ ປກສ ເມືອງໄຊເສດຖາ ມີບັນດາສະມາຊິກພັກ ເຂົ້າຮ່ວມ.
ສະຫາຍ ພັທ ໄຊຊະນະ ບໍລິບູນ ເລຂາໜ່ວຍພັກພະແນກສັນຕິບານ ໄດ້ຜ່ານບົດລາຍງານການເມືອງ ຕີລາຄາການຈັດຕັ້ງປະຕິບັດຂອງໜ່ວຍ ພັກພະແນກສັນຕິບານ ໃນໄລຍະ 5ປີຜ່ານມາດັ່ງນີ້:
ໄດ້ເອົາໃຈໃສສຶກສາ ອົບຮົມການເມືອງແນວຄິດ ໂດຍການນຳເອົາບັນດາແນວທາງນະໂຍບາຍ ຂອງພັກ-ລັດ, ມະຕິ, ຄຳສັ່ງ, ບັນດາເອກະສານມູນເຊື້ອວັນສຳຄັນຕ່າງໆ ຂອງພັກຂອງຊາດ ແລະ ຂອງກຳລັງ ປກສ ມາເຜີຍແຜ່ໃຫ້ສະມາຊິກເປັນ ປະຈຳ, ເອົາໃຈໃສ່ຊີ້ນຳ-ນຳພາສະມາຊິກ ຕາມແຜນວຽກຂອງກອງບັນຊາການ ແລະ ຄະນະພັກວາງອອກ ຕິດ ພັນກັບການຈັດຕັ້ງປະຕິບັດ 4 ຄາດໝາຍ, 34 ໂຄງການຂອງກອງບັນຊາການ ປກສ ນະຄອນຫຼວງວຽງ ຈັນ, 4 ຄາດໝາຍ 24 ໂຄງການຂອງກອງບັນຊາການ ປກສ ເມືອງໄຊ ເສດຖາ, ປັບປຸງລະບົບການຈັດຕັ້ງ, ບຳລຸງພາລະບົດບາດ, ສິດ ແລະ ໜ້າທີ່ຕາມ 5 ຫຼັກການ 3 ທິດນຳໃນການ ກໍ່ສ້າງປັບປຸງພັກ.
ໄລຍະຜ່ານມາ, ສາມາດຂະຫຍາຍ ສະມາຊິກພັກໄດ້ 7 ສະຫາຍ, ດ້ານວຽກງານວິຊາສະເພາະໄດ້ເອົາໃຈໃສ່ລົງເລິກຊີ້ນຳເຫຼົ່າຮົບວິຊາສະເພາະປະສານສົມທົບກັບພາກສ່ວນກ່ຽວຂ້ອງ ແກ້ໄຂສະພາບກ່ຽວກັບຊົນເຜົ່າ ແລະ
ສາສະໜາ, ລົງເກັບກຳສະຖິຕິບັນດາເຜົ່າໄດ້ 9 ຄັ້ງ, ຄຸ້ມຄອງຕິດຕາມທະຫານ ແລະ ຕຳຫຼວດລະບອບເກົ່າ 5
ຄັ້ງ, ເກັບກຳບັນຊີ ແລະ ຄຸ້ມຄອງ ຜູ້ອົບພະຍົບກັບຄືນ 7 ຄັ້ງ, ລົງເຮັດບົດບັນທຶກປ້ອງກັນຄວາມສະຫງົບ ຈຸດເຕົ້າໂຮມກຸ່ມຄົນ ແລະ ມູນນິທິ 25 ຄັ້ງ, ລົງຕິດຕາມປ້ອງກັນກອງປະຊຸມ ແລະ ການສະເຫຼີມສະຫຼອງວັນບຸນ ສຳຄັນຕ່າງໆໄດ້ 48 ຄັ້ງ, ສົມທົບກັບກົມ 504 ກວດກາວິຊາສະເພາະ 10 ຄັ້ງ, ລົງຕິດຕາມຈຸດເຄື່ອນໄຫວ ທາງສາສະໜາໄດ້ 220 ຄັ້ງ, ສຶກສາອົບຮົມເປົ້າໝາຍ 28 ຄັ້ງ, ລົງເກັບກຳອົງການຈັດຕັ້ງສາກົນ 10 ຄັ້ງ, ສະຖານທູດ 5 ຄັ້ງ, ລົງຕິດຕາມອົງການ ຈັດຕັ້ງສາກົນ 480 ຄັ້ງ.
ໃນຕອນທ້າຍຂອງກອງປະຊຸມ ຍັງປ່ອນບັດຄັດເລືອກເອົາຄະນະພັກ ພະແນກສັນຕິບານຊຸດໃໝ່ ໂດຍເຫັນດີເລືອກເອົາ ພັທ ໄຊຊະນະ ບໍລີບູນ ເປັນເລຂາອີກສະໄໝໜຶ່ງ, ເລືອກເອົາ ພັທ ເເສງເພັດ ວົງປັນຍາ ເປັນຮອງ ແລະ ພັທ ຄຳໃບ ພູມສະຫວັນ ເປັນປະທານກວດກາ.
