ກອງບັນຊາການ ປກສ ແຂວງເຊກອງເປີດເຝຶກອົບຮົມໄລຍະສັ້ນວິຊາສະເພາະ ວຽກງານເສນາທິການທົ່ວກອງບັນຊາການ ປກສ ແຂວງໃນລະຫວ່າງວັນທີ 4-6 ພະຈິກ 2020, ເປັນປະທານໂດຍ ພັທ ສົມສັກ ຂັດຕິຍະວົງ ຮອງຫົວໜ້າກອງບັນຊາການ ປກສແຂວງ,ມີບັນດາຄະນະ ພັກ, ຄະນະຫ້ອງ ແລະ ພະນັກງານພະແນກຄົ້ນຄົ້ວສັງລວມທົ່ວກອງບັນຊາການ ປກສແຂວງເຂົ້າຮ່ວມ.
ເອກະສານທີ່ນຳມາເຜີຍແຜ່ ຝຶກອົບຮົມມີ: ຄໍາແນະນໍາຂອງຫ້ອງວ່າການກະຊວງປ້ອງກັນຄວາມສະຫງົບກ່ຽວກັບຮູບແບບ ແລະການຮ່າງເອ ກະສານທາງການ ຂອງກໍາລັງປ້ອງກັນຄວາມສະ ຫງົບ, ປຶ້ມຄູ່ມືການສ້າງນິຕິກໍາຂອງຫ້ອງວ່າການກະຊວງປ້ອງກັນຄວາມສະຫງົບ, ປື້ມຄູ່ມືການສ້າງແຜນແມ່ບົດ, ແຜນປ້ອງກັນ, ແຜນບັນຈຸກໍາລັງ ແລະ ແຜນງົບປະມານຮັບໃຊ້ວຽກງານປ້ອງກັນກອງປະຊຸມສາກົນ,ງານສະເຫຼີມສະ ຫຼອງໃຫຍ່ຂອງພັກ-ຂອງຊາດ,ປື້ມຄູ່ມືວຽກງານການຄຸ້ມຄອງເອກະສານ ຂອງກໍາລັງປ້ອງກັນຄວາມສະຫງົບ, ຂໍ້ຕົກລົງວ່າດ້ວຍ ແຟ້ມ, ຊອງ ແລະ ຖົງໃສ່ຂອງຂວັນ ໃນວຽກງານປ້ອງກັນຄວາມສະຫງົບ, ຂໍ້ຕົກລົງກ່ຽວກັບການນໍາໃຊ້ໂປຣແກຣມຄອມພິວເຕີຄຸ້ມຄອງເອກະສານ ໃນວຽກງານປ້ອງກັນຄວາມສະຫງົບ ແລະ ບົດແນະນໍາກ່ຽວກັບການຄຸ້ມຄອງເອກະສານຕໍ່ກອງປະຊຸມວຽກງານຫ້ອງການ ທົ່ວປະເທດຄັ້ງທີ 6 ຂອງກໍາລັງປ້ອງກັນຄວາມສະຫງົບ.
ຜ່ານການຝຶກສາມາດສ້າງໃຫ້ພະນັກງານຜູ້ທີ່ເຮັດວຽກງານເສນາທິການເຂົ້າໃຈເຊື່ອມຊຶມເອກະ ສານທີ່ໄດ້ຮໍ່າຮຽນ ນໍາມາຜັນຂະຫຍາຍ ແລະ ເອກະພາບກັນໃນທຸກໆ ເອກະສານທີ່ຂັ້ນເທິງວາງໄວ້, ປະຕິບັດຕາມທິດທາງແຜນການຂອງຂັ້ນເທິງວາງອອກໃຫ້ບັນລຸໄດ້ຕາມລະດັບຄາດ ໝາຍ, ຮັບປະກັນເຮັດໃຫ້ແນວທາງຂອງພັກ-ລັດກໍຄື ແນວທາງຂອງກໍາລັງປ້ອງກັນຄວາມສະຫງົບໃຫ້ໄດ້ຮັບການຈັດຕັ້ງຜັນຂະຫຍາຍຢູ່ຂັ້ນທອງຖິ່ນຢ່າງກວ້າງຂວາງທົ່ວເຖິງແລະຈັດຕັ້ງປະຕິບັດໃຫ້ ຖືກຕ້ອງສອດຄ່ອງເພື່ອຄວາມເປັນເອກະພາບ, ຮັບປະກັນໃຫ້ແກ່ຜູ້ທີ່ເຮັດວຽກເສ ນາທິການຢູ່ ແຕ່ລະຂັ້ນໃຫ້ມີຄວາມຖືກຕ້ອງ,ວ່ອງໄວ,ບົນພື້ນຖານຄວາມເປັນເອກະພາບ ແລະ ລາຍງານທັນຕໍ່ກັບສະພາບການຕ່າງໆທີ່ເກີດ ຂຶ້ນຢູ່ຂັ້ນທ້ອງຖິ່ນທີ່ຕົນຮັບຜິດຊອບ.
