ໃນອາທິດແລ້ວນີ້, ກອງບັນຊາການ ປກສ ແຂວງຫຼວງນໍ້າທາ ໄດ້ຈັດຕັ້ງເຜີຍແຜ່ເຊື່ອມຊຶມຜົນສຳເລັດກອງປະຊຸມໃຫຍ່ ຄັ້ງທີ VIII ອົງຄະນະພັກແຂວງຫຼວງນໍ້າທາ ໃຫ້ພະນັກງານນັກຮົບ ປກສ ແຂວງຫຼວງນ້ຳທາໄດ້ຮັບຮູ້ ເພື່ອພ້ອມກັນນຳເອົາເນື້ອໃນຈິດໃຈ ໄປຈັດຕັ້ງຜັນຂະຫຍາຍຢ່າງເປັນຮູບປະທຳ, ເຜີຍແຜ່ໂດຍ ສະຫາຍ ພົຈວ ສົມໄຊ ຈັນທະວົງ ກຳມະການພັກແຂວງ ເລຂາອົງຄະນະພັກກອງບັນຊາການ ຫົວໜ້າກອງບັນຊາການ ປກສ ແຂວງຫຼວງນໍ້າທາ, ມີພະນັກງານນັກຮົບອ້ອມຂ້າງກອງບັນຊາການ ປກສ ແຂວງເຂົ້າຮ່ວມ,
ພົຈວ ສົມໄຊ ຈັນທະວົງ ໃຫ້ຮູ້ວ່າ: ກອງປະຊຸມໃຫຍ່ຜູ້ແທນຄັ້ງທີ VIII ອົງຄະນະພັກແຂວງຫຼວງນໍ້າທາ ໄດ້ມີການຄົ້ນຄວ້າແລະຮັບຮອງເອົາຢ່າງເປັນເອກະສານບົດລາຍງານການເມືອງຂອງຄະນະບໍລິຫານງານພັກແຂວງສະ ໄໝທີ VII ເປັນຕົ້ນແມ່ນໄດ້ຕີລາຄາຢ່າງເລິກເຊິ່ງຕໍ່ບັນດາສາເຫດທີ່ພາໃຫ້ມີຂໍ້ຄົງຄ້າງ ແລະຖອດຖອນບົດຮຽນການຈັດຕັ້ງຜ່ານມາ,ດ້ານວຽກງານປັບປຸງກໍ່ສ້າງພັກໃຫ້ປອດໃສ ເຂັ້ມແຂງ ໜັກແໜ້ນ, ໄດ້ຮັບຟັງການລາຍງານ ແລະ ຮັບຮອງເອົາບົດສຳຫຼວດການນຳພາຂອງຄະນະບໍລິຫານງານພັກແຂວງ ສະໄໝທີ VII ໂດຍຕີລາຄາສູງຕໍ່ຄວາມພະຍາຍາມຕັ້ງໜ້າ,ຄວາມເປັນເຈົ້າການປະດິດສ້າງ ແລະ ການສູ້ຊົນນຳພາຈັດຕັ້ງຜົນຂະຫຍາຍມະຕິກອງປະຊຸມໃຫ່ຍຄັ້ງທີ X ຂອງພັກ.
ກອງປະຊຸມ,ບັນດາຜູ້ແທນສົມບຸນ ຍັງໄດ້ໃຊ້ສິດປະຊາທິປະໄຕໃນການປ່ອນບັດຄັດເລືອກເອົາຄະນະບໍລິຫານງານພັກແຂວງຊຸດທີ VIII, ເຊິງ ມີຜູ້ລົງສະໝັກ 36 ສະຫາຍ,ເລືອກເອົາ 31ສະຫາຍ.ໃນນັ້ນ,ໄດ້ເອກະພາບເອົາ ສະຫາຍ ຄຳໄຫຼ ສີປະເສີດ ເປັນເລຂາພັກແຂວງ, ສະຫາຍ ຈັນ ທອງ ແກ້ວປະເສີດ ເປັນຮອງເລຂາ, ສະຫາຍ ຄຳຟອງ ອີນມະນີ ເປັນຮອງເລຂາ,ເລືອກເອົາຄະນະປະຈຳພັກແຂວງ 9 ສະຫາຍ ແລະ ເລືອກເອົາປະທານ-ຮອງປະທານກວດກາ 4 ສະຫາຍ.
ພາບ-ຂ່າວ: ກອນຄຳ ແສນຫຼວງລາດ
