ອາທິດຜ່ານມາ, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີ ກະຊວງການເງິນທັງ ເປັນຫົວໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດອັກເສບ ປອດຈາກເຊື້ອຈຸລະໂລກສາຍພັນ ໃໝ່ (COVID-19) ຂັ້ນສູນກາງ; ທ່ານ ຮອງ ສຈ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ; ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ ຫົວໜ້າຄະນະສະເພາະກິດປ້ອງກັນ ແລະ ຄວບຄຸມການແຜ່ລະບາດພະ ຍາດໂຄວິດ 19 ຂັ້ນແຂວງ ພ້ອມດ້ວຍຄະນະ ໄດ້ລົງມາຕິດຕາມຢ້ຽມຢາມການຈັດຕັ້ງປະຕິບັດການເຝົ້າລະວັງປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະ ຍາດ (COVID-19) ຢູ່ເມືອງເງິນ ແຂວງໄຊຍະບູລີ.
ການລົງມາຕິດຕາມ, ຢ້ຽມຢາມໃນຄັ້ງນີ້ ຄະນະສະເພາະກິດຂັ້ນສູນກາງໄດ້ລົງຕິດຕາມກວດ ກາເບິ່ງສະຖານທີ່ຕົວຈິງຈຸດກັ່ນກອງ; ວັດແທກອຸນຫະພູມຢູ່ດ່ານ ສາກົນນ້ຳເງິນ, ສະຖານທີຄັດແຍກ ຢູ່ສູນໃຫຍ່ປະຈຳເມືອງ, ສະຖານ ທີ່ກັກບໍລິເວນ 14 ວັນ ຢູ່ທີໂຮງ ໝໍຫຼັງເກົ່າ , ສະຖານທີ ເກັບຕົວຢ່າງ ແລະ ສະຖານທີແຍກປ່ຽວຢູ່ທີ ໂຮງໝໍຊຸມຊົນເມືອງເງິນ, ເມືອງ ເງິນເປັນເມືອງທາງຜ່ານ ແລະ ມີ ດ່ານສາກົນນ້ຳເງິນຕັ້ງຢູ່ ເຊິ່ງເປັນ ສີ່ງທ້າທາຍ ແລະ ມີຄວາມສ່ຽງ ຫຼາຍ. ໄລຍະຜ່ານມາໜ່ວຍສະ ເພາະກິດຂັ້ນເມືອງ ໄດ້ສົມທົບກັບ ຫ້ອງການສາທາລະນະສຸກ ແລະ ດ່ານສາກົນນ້ຳເງິນ ເອົາໃຈໃສ່ໃນ ການຕິດຕາມເຝົ້າລະວັງຢ່າງໃກ້ສິດ,ຕັ້ງຈຸດກັ່ນກອງ, ວັດແທກອຸນຫະ ພູມຢູ່ດ່ານສາກົນນ້ຳເງິນ ໂດຍສະ ເພາະແມ່ນແຮງງານຊາວລາວທີ ກັບມາຈາກປະເທດເພື່ອນບ້ານທີ່ ຜ່ານດ່ານສາກົນນ້ຳເງິນ.
ພ້ອມທັງລາຍງານການຈັດ ຕັ້ງປະຕິບັດກ່ຽວກັບມາດຕະການ ປ້ອງກັນ ແລະ ຄວບຄຸມການແຜ່ ລະບາດຂອງພະຍາດໂຄວິດ 19 ເພື່ອປຶກສາຫາລືແລກປ່ຽນບົດ ຮຽນເຊິ່ງກັນແລະກັນ ແລະ ພ້ອມ ກັນຈັດຕັ້ງປະຕິບັດໃຫ້ໄດ້ຮັບຜົນ ດີ.
