ຂົວຂ້າມຫ້ວຍຊາຍໂຊດ ບ້ານນາກອຍ ນະຄອນໄກສອນ ພົມວິຫານ ແຂວງສະຫວັນນະເຂດ ມາເຖິງປັດຈຸບັນການກໍ່ສ້າງໄດ້ສໍາເລັດ 100% ຄາດວ່າຈະເປີດນໍາໃຊ້ໃນທ້າຍເດືອນມິຖຸນາ 2022 ນີ້.
ໃນວັນທີ 2 ມີຖຸນາ 2022 ນີ້, ທ່ານ ປຸນລະນາກ ວັນນະລາດ ຫົວໜ້າຫ້ອງການພາຍໃນ ນະຄອນໄກສອນ ພົມວິຫານ ທັງເປັນຜູ້ຊີ້ນຳກຸ່ມບ້ານພັດ ທະນາທີ່ 9 ຮອງຫົວໜ້າຫ້ອງການໂຍທາທິການ ແລະ ຂົນສົ່ງນະຄອນ, ພ້ອມດ້ວຍວິຊາການ, ໄດ້ລົງກວດກາເບິ່ງໂຄງການກໍ່ສ້າງຂົວຂ້າມຫ້ວຍຊາຍໂຊດ ບ້ານນາກອຍຫາບ້ານຊອກວາງ ນະຄອນໄກສອນພົມວິຫານ, ຂົວດັ່ງກ່າວແມ່ນໄດ້ ເລີ່ມລົງມືກໍ່ສ້າງແຕ່ວັນທີ 20 ມີນາ 2022, ມີຄວາມຍາວ ທັງໝົດ 21 ແມັດ, ກວ້າງ 5,5 ແມັດ, ສາມາດຮອງຮັບນໍ້າ ໜັກໄດ້ 5 ໂຕນ ການກໍ່ສ້າງແມ່ນໄດ້ສໍາ ເລັດ100%, ລວມມູນຄ່າການກໍ່ສ້າງ 130 ລ້ານກີບ.
ທຶນການກໍ່ສ້າງຂົວດັ່ງກ່າວ ແມ່ນໄດ້ມາຈາກການລະດົມຂອງຄູບາ-ອາຈານ ໃນແຕ່ລະວັດທົ່ວນະຄອນໄກສອນ, ນັກທຸລະກິດ, ຜູ້ປະກອບການ. ໃນນັ້ນ, ທຶນສົມທົບຂອງປະຊາຊົນພາຍໃນບ້ານ ມູນຄ່າ 21 ລ້ານກວ່າກີບ. ເຊິ່ງ ບໍລິສັດ ໜູຄຳກໍ່ສ້າງຂົວທາງ ຈໍາກັດຜູ້ ດຽວ ເປັນຜູ້ຮັບເໝົາກໍ່ສ້າງ ແລະ ຄາດ ວ່າຈະໄດ້ເປີດນຳໃຊ້ໃນທ້າຍເດືອນມີຖຸ ນານີ້.
