ວັນທີ 30 ກໍລະກົດ 2020, ທ່ານ ພົງສະຫວັນ ສິດທະວົງ ເຈົ້າແຂວງໆໄຊຍະບູລີ ພ້ອມດ້ວຍ ພົຕ ສີພັນ ພຸດທະວົງ ຫົວໜ້າກົມຊາຍແດນ ກະຊວງປ້ອງກັນປະເທດ ໄດ້ລົງຢ້ຽມຢາມ ແລະ ໂອ້ລົມປະຊາຊົນບ້ານນໍ້າພຽງ ເມືອງບໍ່ແຕນ ແຂວງໄຊຍະບູລີ;
ໂດຍໄດ້ຮັບຟັງການລາຍງານສະພາບຂອງບ້ານຈາກ ທ່ານ ຄໍາແພງ ພູສີຄໍາ ນາຍບ້ານນໍ້າພຽງ ວ່າ: ບ້ານນໍ້າພຽງ ໄດ້ສ້າງຕັ້ງຂຶ້ນໃນຕົ້ນປີ 2017 ເປັນບ້ານທີ່ຕັ້ງຢູ່ລຽບຊາຍແດນລາວ-ໄທ, ມີ 50 ຄອບຄົວ, ມີຈຳນວນພົນ 293 ຄົນ ຍິງ 147 ຄົນ, ອາຊີບສ່ວນ ຫຼາຍແມ່ນປູກຝັງ ແລະ ລ້ຽງສັດ ເປັນ ຕົ້ນແມ່ນປູກສາລີ, ມັນຕົ້ນ, ໝາກເດືອຍ ແລະອື່ນໆ. ພ້ອມນີ້ຄະນະບ້ານຍັງໄດ້ ເຮັດໜ້າທີ່ເຄື່ອນໄຫວຮ່ວມກັບອ້າຍ- ນ້ອງທະຫານຊາຍແດນທີ່ປະຈໍາແຕ່ລະ ປ້ອມກວດກາຂອບເຂດຊາຍແດນທີ່ບ້ານ ຮັບຜິດຊອບ, ເຮັດໃຫ້ບໍລິເວນດັ່ງກ່າວ ມີຄວາມສະຫງົບ ໂດຍພື້ນຖານ.
ໃນໂອກາດນີ້, ທ່ານເຈົ້າແຂວງ ໄດ້ຮຽກຮ້ອງໃຫ້ອົງການປົກຄອງບ້ານສືບຕໍ່ຊື້ນໍາ-ນໍາພາປະຊາຊົນ ໃນການປູກພືດ ເປັນສິນຄ້າໃຫ້ຫຼາຍ, ປູກໃນສະຖານທີ່-ທີ່ຂັ້ນເທິງໄດ້ຈັດສັນໃຫ້, ເອົາໃຈໃສ່ປົກ ປັກຮັກສາປ່າໄມ້, ຮັກສາສຸຂະພາບ ພ້ອມທັງປ້ອງກັນ ແລະ ເຟົ້າລະວັງການແຜ່ລະບາດຂອງພະຍາດຄົນ, ສັດຕາມ ລະດູການ ແລະ ການລະບາດຂອງພະ ຍາດໂຄວິດ-19, ຮັກສາຄວາມສາມັກຄີໃຫ້ເປັນປຶກແຜ່ນ, ສຶກສາອົບຮົມລູກຫຼານໃຫ້ຫ່າງໄກຈາກຢາເສບຕິດ ແລະ ເປັນເຈົ້າການໃນການປ້ອງກັນຊາຍແດນຮ່ວມກັບອ້າຍ-ນ້ອງທະຫານຊາຍແດນໃຫ້ມີຄວາມສະຫງົບ; ຈາກນັ້ນ, ທ່ານເຈົ້າແຂວງ ພ້ອມຄະ ນະໄດ້ຢ້ຽມຢາມອ້າຍນ້ອງທະຫານຊາຍແດນທີ່ເຮັດໜ້າທີ່ປ້ອງກັນຊາຍແດນຢູ່ ປ້ອມນໍ້າພຽງ, ປ້ອມພູວຽງ 1 ແລະ ພູ ວຽງ 2, ພ້ອມທັງໄດ້ຮຽກຮ້ອງໃຫ້ອ້າຍນ້ອງທະຫານແຕ່ລະສະຫາຍທີ່ປະຈໍາ ແຕ່ລະປ້ອມຈົ່ງເຊີດຊູທຸກກໍາລັງແຮງ ເຂົ້າໃນການປະຕິບັດໜ້າທີ່-ທີ່ຊາດ ໄດ້ມອບໝາຍໃຫ້ ກໍຄືການຮັກສາຊາຍແດນ, ເຂດນໍ້າແດນດິນອັນຄົບຖ້ວນຂອງຊາດ, ໂດຍສະເພາະແມ່ນເຂດນໍ້າແດນດິນຂອງແຂວງໄຊຍະບູລີ ໄວ້ໃຫ້ໝັ້ນຄົງ, ພ້ອມກັນອົດທົນຜ່ານຜ່าາອຸປະສັກນາໆປະການ ເພື່ອເຮັດໜ້າທີ່ວິຊາສະເພາະໃຫ້ສໍາເຮັດ.
