ຂ່າວຕ່າງປະເທດລາຍງານ ໃນວັນທີ 21 ພະຈິກນີ້ວ່າ: ຕາມແຜນການຂອງ ກອງປະຊຸມພົບປະລະດັບສູງ ຢູ່ເຂດຊາຍແດນ ຄັ້ງທີ 5 ຂອງ ກອງທັບຈີນ ແລະ ຫວຽດນາມ, ການຝຶກຊ້ອມຮ່ວມກູ້ໄພຢູ່ເຂດຊາຍແດນ ໄດ້ຈັດຂຶ້ນຢູ່ເມືອງພູໂຮ ແຂວງກາວບັງ ປະເທດຫວຽດນາມ ໃນວັນທີ 20 ພະຈິກນີ້, ໂດຍການເຂົ້າຮ່ວມຂອງ ທ່ານ ເວີ້ຍເຟີງເຫີ ທີ່ປຶກສາແຫ່ງລັດ ລັດຖະມົນຕີກະຊວງປ້ອງກັນປະເທດ ສປ ຈີນ ແລະ ທ່ານ ງໍຊວນລີກ ຮອງເລຂາທິການຄະນະກຳມະການການທະຫານສູນກາງ ແລະ ລັດຖະມົນຕີກະຊວງປ້ອງກັນປະເທດ ສສ ຫວຽດນາມ ພ້ອມດ້ວຍຄະນະ ກໍໄດ້ເຂົ້າຮ່ວມ.
ການຝຶກຊ້ອມຄັ້ງນີ້ ແບ່ງເປັນ 4 ໄລຍະ ຄື:
ຕັ້ງກອງບັນຊາການ, ກະກຽມການຊ່ວຍເຫຼືອ, ການຊ່ວຍເຫຼືອ ແລະ ຍົກຍ້າຍຈາກເຂດຊ່ວຍເຫຼືອ, ເຊິ່ງສອງຝ່າຍໄດ້ຕັ້ງກອງບັນຊາການກູ້ໄພຮ່ວມ ເພື່ອປະຕິບັດການຊ່ວຍເຫຼືອ ແລະ ປິ່ນປົວຮ່ວມກັນ,
ການຝຶກຊ້ອມຄັ້ງນີ້ປະກອບມີ 8 ລາຍການ ຄື: ມ້າງທຳລາຍ ແລະ ມ້າງຊາກຫັກພັງ, ການຂົນສົ່ງຜູ້ບາດເຈັບ ແລະອື່ນໆ
ໂດຍມີເຈົ້າໜ້າທີ່ທະຫານຂອງຈີນ ແລະ ຫວຽດນາມ ຈຳນວນ 145 ຄົນ ເຂົ້າຮ່ວມການຝຶກຊ້ອມຢ່າງພ້ອມພຽງ ໂດຍມີການເຄື່ອນໄຫວຢ່າງວ່ອງໄວ ແລະ ປະສານງານກັນຢ່າງໃກ້ຊິດ ເຮັດໃຫ້ການຝຶກຊ້ອມກູ້ໄພຄັ້ງນີ້ ປະສົບຄວາມສຳເລັດຢ່າງງົດງາມ.