ໃນວັນທີ 7 ມັງກອນ 2019, ຫ້ອງການເມືອງ ກອງບັນຊາການ ປກສ ແຂວງອັດຕະປື ໄດ້ຈັດພິທີຝຶກອົບຮົມລະບຽບວິໄນຂອງກຳລັງປ້ອງກັນຄວາມສະຫງົບໃຫ້ແກ່ ພະນັກງານ-ນັກຮົບກຳລັງໃໝ່ທີ່ຜ່ານການຄັດເລືອກເຂົ້າເປັນກຳລັງປ້ອງກັນຄວາມສະຫງົບ ໃນທ້າຍປີ 2018 ຜ່ານມາ, ມີ ພັທ ອາລຸນສັກ ເດດອຳພອນ ຮອງຫົວໜ້າ ຫ້ອງການເມືອງ ປກສ ແຂວງ ພ້ອມຄະນະ ແລະ ພະນັກງານ-ນັກຮົບກຳລັງໃໝ່ 64 ສະຫາຍເຂົ້າຮ່ວມ.
ທ່ານຮອງຫົວໜ້າຫ້ອງການເມືອງ ປກສ ແຂວງອັດຕະປື ກ່າວວ່າ: ເອກະສານຝຶກອົບຮົມຄັ້ງນີ້, ມີລະບຽບຂອງກຳລັງຄື: 7 ລະບອບ, 18 ວຽກ, ລະບຽບ 8 ຂໍ້ຂອງກໍາລັງ, 12 ຂໍ້ຕໍ່ປະຊາຊົນ, 3 ທາດແທ້ ແລະ 7 ມູນເຊື້ອຂອງກຳລັງປ້ອງກັນປ້ອງກັນຄວາມສະຫງົບ. ທັງນີ້, ກໍເພື່ອເຮັດໃຫ້ບັນດາສະຫາຍກຳລັງໃໝ່ໄດ້ຮັບຮູ້ ແລະ ເຂົ້າໃຈ, ກໍາແໜ້ນເຖິງລະບຽບວິໄນຂອງກຳລັງປ້ອງກັນຄວາມສະຫງົບ ແລ້ວນຳໄປຈັດຕັ້ງປະຕິບັດເຂົ້າໃນການປະຕິບັດໜ້າທີ່ວຽກງານວິຊາສະເພາະໃຫ້ໄດ້ຮັບຜົນສຳເລັດຕາມການມອບໝາຍຂອງຂັ້ນເທິງ.
ພ້ອມນັ້ນ, ທ່ານຍັງໄດ້ເນັ້ນໃຫ້ພະນັກງານ-ນັກຮົບກຳລັງໃໝ່ທຸກສະຫາຍຈົ່ງເອົາໃຈໃສ່ປະຕິ ບັດລະບຽບວິໄນຂອງກຳລັງປ້ອງກັນຄວາມສະຫງົບຢ່າງເຂັ້ມງວດ, ມີສະຕິຕໍ່ການຈັດຕັ້ງທຸກຂັ້ນ, ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ ກາຍເປັນຄົນທີ່ມີຄວາມຮູ້-ຄວາມສາມາດ, ມີຄຸນ ສົມບັດສິນທຳປະຕິວັດ, ເອົາໃຈໃສ່ເຮັດໜ້າທີ່ປ້ອງກັນຄວາມສະຫງົບ ເພື່ອເຮັດໃຫ້ທົ່ວສັງຄົມມີຄວາມສະຫງົບ ແລະ ຄວາມເປັນລະບຽບຮຽບຮ້ອຍດີຂຶ້ນເປັນກ້າວໆ.
