ກອງທຶນສັດປ່າໂລກ (WWF) ເປີດເຜີຍ ໃນວັນທີ 2 ເມສາ ວ່າ: ຂະນະນີ້ ທະເລເມດີເຕີເຣນຽນ ກຳລັງປະສົບບັນຫາຂີ້ເຫຍື້ອພຼາສຕິກ ໃນທະເລ ຫຼັງຈາກໃນອາທິດທີ່ຜ່ານມາ ພົບວ່າມີຊາກປາວານ ເພດເມຍໂຕໜຶ່ງ ຄວາມຍາວ 26 ແມັດ ທີ່ເສຍຊີວິດ ແລ້ວຖືກຄື້ນພັດເຂົ້າຝັ່ງ ຢູ່ເຂດປົກຄອງຊາດິເນຍ ໃນອີຕາລີ.
ຈາກການພິສູດຊາກປາວານ ພົບວ່າ:
ໃນທ້ອງມີຂີ້ເຫຍື້ອພຼາສຕິກເຖິງ 22 ກິໂລກຣາມ ເຊິ່ງຂີ້ເຫຍື້ອທີ່ພົບ ມີທັງອຸປະກອນທໍ່ພຼາສຕິກທີ່ໃຊ້ໃນງານໄຟຟ້າ, ຈານພຼາສຕິກ, ຖົງໃສ່ເຄື່ອງ, ສາຍເອັນເບັດ ແລະ ຖົງນໍ້າຢາຊັກເຄື່ອງ.
ທັ້ງນີ້, WWF ເປີດເຜີຍວ່າ: ຂີ້ເຫຍື້ອພຼາສຕິກ ເປັນໜຶ່ງໃນໄພຄຸກຄາມທີ່ຮ້າຍແຮງຕໍ່ສັດທະເລ ແລະ ພົບວ່າ ໃນໄລຍະ 2-3 ປີຜ່ານມານີ້ ມີປາວານທົ່ວໂລກ ຕ້ອງຕາຍຈາກການກິນຂີ້ເຫຍື້ອພຼາສຕິກແລ້ວ ຢ່າງໜ້ອຍ 6 ໂຕ.
